JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PESOAL BALUN HALO PROJETU ILEGAL IHA MUNISÍPIU ■ FIDELIS: HETAN INFORMA LALAIS

PESOAL BALUN HALO PROJETU ILEGAL IHA MUNISÍPIU ■ FIDELIS: HETAN INFORMA LALAIS

Reprezentante povu iha uma fukun Parlamentu Nasional (PN), husi bankada FRETILIN, David Diaz Ximenes ‘Mandati’, deklara, dau-daun ne’e pesoal partidu balun hahú halo projetu ilegal iha área remotas, liu-liu halo projetu eletrisidade iha postu administrativu Maubara, munisípiu Liquiça.

Alende ne’e sira mós ameasa povu iha área rural parte Maubara ninian, tanba ne’e Mandati husu ba Ministru Reforma Lejislativa no Asuntu Parlamentar (MRLAP), Fidelis Magalhães atu levanta kestaun ne’e iha Konsellu Ministru.

“Iha postu adminstrativu Maubara, munisípiu Liquiça pesoal balun komesa ona la liu tramites ofisiais, komesa halo projetu, sukat rai no eletrisidade, ba to’o iha área rural no remotas, ameasa maluk sira ne’ebé militante partidu seluk ninian, katak abanbainrua imi nia eletrisidade ami sei ko’a hotu no sira ne’ebé maka seidauk asesu eletrisidade sei la hetan ahi, porque imi partidu seluk ninian,”deputadu bankada FRETILIN ne’e liu husi plenaria iha uma fukun PN, Díli, Segunda (23-07-2018).

Maibé nia esplika, realmente Timor-Leste implementa demokrásia, tanba ne’e iha demokrásia mezmu hanoin kotrariu, maibé objetivu ne’e ida de’it, atu halo dezenvolvimentu la’o ho diak liu tan.

“Demokrásia la’os atu ameasa malu no prejudika malu, tempu kampaña kampaña hotu ona, ohin loron ita buka halo programa hodi dezenvolve ita-nia rai, mas maluk barak iha área rural atu vinga malu fali, ema sira ne’e la’os analfabetu, ate balun eis deputadu no komandante sira maka halo nune’e. Tanba ne’e maka ha’u husu ba MRLAP, Fidelis Magalhães atu foti kestaun ne’e iha Konsellu Ministru, para hadi’a hahalok sira ne’e,”realsa Davis Diaz Ximenes.

Hatán ba kestaun ne’e, MRLAP, Fidelis Magalhães, hateten, kualker projetu eletrisidade inklui sukat rai ne’ebé la’o dau-dauk, obrigatoriu tenki para, tanba Governu seidauk autoriza.

Lee hotu :   APREZENTA PROGRAMA BA PN, AMP HEIN KOMPOZISAUN GOVERNU

“Ami konfirma duni ho Ministériu Obras Públikas (MOP), sira fó duni sirkular no notas ida mai katak, atividade sira sukat eletrisidade no projetu sira ne’e tenki para hotu no obrigatoriu tenki para, tanba seidauk iha permisaun ida, autorizasaun husi Governu atu halo iha teritoriu laran tomak,” haktuir Fidelis Magalhães.

MRLAP ne’e sujere mós ba autoridade lokal sira iha munisípiu, katak, karik iha informasaun klaru kona-bá projetu ilegal balun la’o hela iha munisípiu, postu administrativu no suku, sira tenki informa la-lais ba Governu.

Entretantu tuir sirkular MOP ninian sita katak, aktividade sukat rai no projetu eletrisidade obrigatoriu tenki para, bainhira atu halo projetu ida, tenki liu husi autorizasaun Governu.ves

Add to Comments Here!!!!

error: Content is protected.
Secured By miniOrange
You might also like:
MCC APOIA US$ 750 MIL BA GOVERNU TL

Governu Timor-Leste ho Ajensia Milennium Challenge...

ABAN, PN DISKUTE PROGRAMA VIII GOVERNU

Parlamentu nasionál (PN) V lejislatura sei...

PROPOSTA FOTI OSAN FP IHA ONA PR

Parlamentu Nasionál (PN) V lejislatura haruka...

Close