JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

RAMOS HORTA: PM TAUR SEI ‘ULÚN MORAS’

RAMOS HORTA: PM TAUR SEI ‘ULÚN MORAS’

Laureadu Nobel da Paz 1996 nudar mos Eis Ministru Estadu ba Asutuntus Defeza no Seguransa iha VII Governu Konstitusional, José Ramos Horta, konsidera Primeiru Ministru (PM), Taur Matan Ruak, sei ulun moras tanba postura VIII Governu bo’ot no sei la garantia koordenasaun diak atu halo programa Governu ho efisensia no efikasia.

Ramos Horta hateten, uluk VII Governu mos defisil teb-tebes forma Governu tanba partidu koligasaun iha VII Governu nian hakarak ida ne’e no hakarak uamenta ida neba, maske eis PM Alkatiri  konsege mantein másimu ne’e membrus Governu nain 32 deit.

“AMP iha maioria Governu bo’ot teb-tebes, depois defikulidade bo’ot ba Primeiru Ministru atu kordena atu halo jestaun, tanba uluk mos eis primeiru ministru Xanana Gusmão iha Governu ida kuaze membrus nain 60 hodi komplika tiha komunikasaun atu halo jestaun Governu ho diak,” hateten Ramos Horta, hodi responde jornalista iha Palasiu Prezidensial, Díli, Segunda-feira (2/7/2018).

Maske postura VIII Governu bo’ot, maibe tuir Ramos Horta normal tanba iha koligasaun ne’ebe maioria absoluta tenke halo duni ezersisiu ka jenastiku ida atu PM Taur Matan Ruak  tenke uza nia matenek hodi halo jestaun Governativa nian.

Horta hateten,  nia iha konfiansa ba lideransa nain rua Primeiru Ministru Taur Matan Ruak ho kolaborasaun Maun Xanana Gusmão, bele funsiona Governu tanba esprensia ne’ebe mak barak ona.

Ramos Horta prontu apoiu VIII Governu tanba nudar Timor oan, buka kolabora hodi hadia Estadu demokratiku ne’e sai diak liutan, nune’e labele monu ou hakiduk ba kotuk, kontinua ba oin nafatin.

Kona-ba, kapasidade ka meritu husi membru VIII Governu, Ramos Horta hatete, nia parte ladun koñese barak maioria husi membru VIII Governu nian, maibe lideransa tuan balun kontinua mantein iha Governu tanba konfiansa lider karismatiku Kay Rala Xanana Gusmão.

Lee hotu :   CNRT sei la partisipa serimónia hatúr fali meza PN

VIII Governu Konstitusional, simu posse husi Prezidenti Republika Francisco Guterres Lú Olo, iha loron 22 Fulan Juñu 2018.

Tuir planu Prezidente Republika sei fo posse ba membru nain 12 iha faze tuir mai.

Labele depende ba OJE

Eis Prezidenti Republika Jose Manuel Ramos Horta husu ba VIII Governu atu labele dependensia deit ba Orsamentu Jeral do Esatdu (OJE), tanba ne’e Primeiru Ministru ho Prezidenti Republika tenke halo dialogu hodi hametin Establidade Governativa.

Nia dehan, Prezidenti Republika ho Primeiru Ministru tenke garante seguransa iha VIII Governu konstitusional nia laran, tanba sei fo impaktu ba investor internasional no nasional atu investe iha Timor Leste hodi Governu labele depedensia deit ba OJE.

Ramos Horta kontinua iha konfiansa ba Prezidenti Republika Franciso Guterres Lú Olo, sei halo dialogu ho Primeiru Ministru Taur Matan Ruak, para bele hetan solusaun ida ne’e.

“Prezidenti Republika ho Primeiru Ministru sei hetan solusaun ba buat ne’e la lo’os komplikadu tebes i rai ne’e ki’ik, kleur ona ita laiha Governu ida ho establidade ho kontinuanidade ho Governu ida foun,” Ramos Horta hatutan.

Maske, Eis Prezidenti Republika ne’e preokupa ho situasaun sguransa kontinua iha konfiansa ba Prezidenti Republika ho Primeiru Ministru hodi hetan solusaun ne’ebe diak ba povu no nasaun. eus 

Add to Comments Here!!!!

error: Content is protected.
Secured By miniOrange
You might also like:
Jornal Semanário GMNTV Edisaun 01 Jullu 2018

CCF TUN BA SEGUNDU DIVIZAUN LFA 2018

Cacusan Clube de Futebol (CCF) kandidatu...

PN HALO PLENARIA ESTRAORDINARIA, FO HOMENAGEN IKUS BA CECÍLIO CAMINHO

Parlamentu Nasionál (PN) V lejislatura liu...

Close