JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

RI KONVIDA XANANA FAHE IDEIA KONA-BÁ PAZ • EMBAIXADORA EUA KONGRATULA XANANA BA SUSESU FM

RI KONVIDA XANANA FAHE IDEIA KONA-BÁ PAZ  • EMBAIXADORA EUA KONGRATULA XANANA BA SUSESU FM

FOTO:GOOGLE

Prezidente Repúblika Indonesia (RI), liu husi ninia embaixador Indonesia ba Timor-Leste, Sahat Sitorus, konvida Prezidente koligasaun Aliansa Mudansa ba Progresu (AMP), Kay Rala Xanana Gusmão, atu sai orador prinsipal iha The Seven World Peace Forum ne’ebé sei hala’o iha Jakarta.

“Ha’u ho maun boot Xanana no Sekretariu Jeral CNRT, Francisco Kalbuadi Lay ohin hasoru malu, pesoalmente ha’u simu knaar ida husi Governu Indonesia, Bin Samsudin hanesan delegasaun espesial Prezidente Repúblika Indonesia, Joko Widodo em relasaun ho interfere diálogu, atu hato’o konviti ba Xanana para partisipa The Seven World Peace Forum ne’ebé sei hala’o iha Jakarta, iha loron 14 to’o 16 Agostu,” Embaixador Indonesia ba jornalista sira hafoin remata enkontru ho Kay Rala Xanana Gusmão, iha sede partidu CNRT, Bairo dos Grilhos, Díli, Segunda (16-07-2018).

Nia esplika, desizaun Governu Indonesia konvida Xanana Gusmão ne’e pas teb-tebes, tanba Xanana hanesan lider internasional iha área paz ninian ne’ebé nia hatudu ona, liu husi ninia prestasaun asegura paz no estabilidade entre nasaun, rejional no internasional.

“Tanba ne’e maka Joko Widodo husu Xanana atu sai orador prioridade iha forum ne’ebé maka sei halo iha Jakarta, hodi fahe ideia kona-bá oinsa hakotu konflitu, hanesan kona-bá enerjia, ai-han no sosial, ha’u hanoin maun boot Xanana ahli iha área ida ne’e no rekoñesidu ona iha mundu,” relata Sahat Sitorus.

Tuir expresaun ne’ebe Xanana hatudu, Embaixador Indonesia ba Timor-Leste ne’e konfia katak, Xanana sei partisipa iha diálogu The Seven World Peace Forum ne’ebé sei hala’o, iha Jakarta.

“Sé Xanana partisipa nia sei memperkaya diskusaun refere no karik Indonesia, Timor-Leste no nasaun amigu, rejional no internasional kontinua halo forum ida ne’e, kontinua involve lider internasional hanesan Xanana ne’ebé halo buat barak ona ba paz no estabilidade iha mundu internasional, espera katak bele sai exemplar ba primeira jerasaun, jerasaun foun no ba nasaun sira seluk iha mundu, atu nune’e bele hatene oinsa maka bele hakotu konflitu ho diak,” haktuir Sahat Sitorus.

Lee hotu :   FRETILIN sei aprezenta relatóriu KIP ba MP

Iha enkontru ne’e mós parte rua koalia mós kona-bá oinsa atu hakotu problema fronteira, sei halo komunikasaun iha altu nivel entre Governu Timor-Leste no Indonesia, atu nune’e Timor-Leste no Indonesia hakotu la-lais problema fronteira ninian.

Entretantu iha loron ne’ebé hanesan Embaixadora Estadus Unidus Amérika (EUA), Kathleen Fitzpatrick reprezenta EUA koalia kona-bá komitmentu kooperasaun entre nasaun rua liu-liu kona-bá programa ne’ebé maka EUA sei oferese Millenium Chalenge Coorporation ba Timor-Leste iha semana ida ne’e. Aproveita oportunidade ne’e mós embaixadora EUA ne’e kongratula mós susesu ne’ebé Kay Rala Xanana Gusmão halo kona-bá liña Fronteira Máritima (FM) entre Timor-Leste no Australia. Ves

 

Add to Comments Here!!!!

error: Content is protected.
Secured By miniOrange
You might also like:
FRETILIN SUJERE GOVERNU LA PRESIJA ALTERA LEI FP ■ FIDELIS: LA’OS ALTERA TUIR HAKARAK

Bankada Fretilin iha Parlamentu Nasional (PN),...

PN SUSPENDE PROPOSTA GOVERNU EXTENDE MANDATU KOMISARIU KAK

Parlamentu Nasionál (PN) liu hosi plenária...

Jornal Semanário GMNTV Edisaun 15 Jullu 2018

Close