JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Governu la kompletu difikulta debate OJE ■ Diskuti jeneralidade iha 28-29 Agustu

Governu la kompletu difikulta debate OJE ■ Diskuti jeneralidade iha 28-29 Agustu

Prezidenti Parlamentu Nasional (PPN), Arão Noe, informa, kona-ba membru Governu ne’ebé seidauk kompletu, sei iha problema no difikulta debate Orsamentu Jeral Estadu (OJE) 2018, tamba ida-idak  mak  tenki defende orsamentu rasik.

“Kona-ba membru Governu sira ne’ebé seidauk kompletu, ha’u lakohi  interfere tamba ida ne’e kompetensia orgaun ida idak ninian, maibe iha audiénsia mak iha problema, se Ministru ne’e seidauk iha orsamentu no programa ministériu ida-idak ninian,”dehan Arão Noe ba Jornalista sira iha Palasiu Prezidensial Nicolau Lobato Bairo Pite, Dili (15/08/2018).

Nia hatutan, ema ne’ebé mak atu defende orsamentu no programa tenki ema polítiku labele tékniku, tamba tuir regra Parlamentu nian se mak bele responde ba pergunta no preokupasaun deputadu sira nian, mak ministru, la bele funsionáriu no tékniku sira.

“Primeiru Ministru bele halo nia akumulasaun, maibe  iha area kada Ministériu ida idak iha ninia programa rasik, tamba ne’e mak ami adianta nafatin prosesu ne’e, mezmu Governu seidauk kompletu, no lei orgániku seidauk iha, mas haree ba preokupasaun Estadu nian, prosesu ne’e ami lori la’o nafatin hodi hein prosesu sira seluk, maibe la bele atu hein, tamba tempu mai dadauk ona,”akresenta Arão Noe.

Diskuti jeneralidade iha 28-29 Agusto

Nune’e mos, Prezidenti Parlamentu Nasional, Arão Noe, hatete,  Orsamentu Jeral Estadu 2018 ne’ebé ho karakter urjensia sei hahú halo debate jeneralidade iha loron 28 to’o 29,  fulan Agusto, tinan ne’e.

“Ha’u informa ba Prezidenti Repúblika kona-ba proposta lei  Orsamentu Jeral Estadu (OJE) ne’ebé Governu hatama ona mai iha Parlamentu Nasional, tuir kalendáriu komesa audiénsia, no iha loron 28 to’o 29,  fulan Agusto, PN sei komesa  debate iha jeneralidade, loron 30 feriadu no loron 31 komesa tama fali debate espesialidade durante loron lima,”dehan Arão Noe ba Jornalista sira hafoin remata enkontru ho Prezidenti Repúblika, Francisco Guterres ‘Lu-Olo’, Kuarta (15/08/2018), iha Palasiu Prezidensial Nicolau Lobato Bairo Pite Dili.

Lee hotu :   Iha kampaun Obrigado Barak, ''Alkatiri fo obrigadu ba BOAMP''

Nia afirma, to’o loron 7 fulan Setembru bele haruka ona ba Prezidenti Republika  atu  promulga, maibe se kleur liu, hanesan  fiksa ona iha kalendariu komisaun C nian, katak bele ba to’o  loron 10  fulan Setembru.

“Ida ne’e hanesan previzaun deit,  mas ami sei esforsu lalais liu, bele hotu iha loron 7, fulan Setembru, tinan  ne’e, bele to’o ona iha Prezidenti Repúblika nia liman,” hatutan Arão Noe.Oly   

 

Add to Comments Here!!!!

error: Content is protected.
Secured By miniOrange
You might also like:
Duvida kona-ba kadoras GSR mai TL, Xanana: “Uluk mos sira duvida atu hetan FM”

Ikus-ikus ne’e ema lubun komesa tau...

Sahat Sitorus husu sidadaun RI hatudu komportamentu diak

Embaixador Indonesia ba Timor-Leste, Sahat Sitorus,...

Filomeno Paixão garante, Semana ne´e rezolve krizi kombustivel iha PNTL ho F-FDTL

Prezidente Repúblika (PR), Francisco Guterres ‘Lu...

Close