JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Laiha kontratu servisu, Governu la merese selu

Laiha kontratu servisu, Governu la merese selu

Orsamentu Jerla Estadu (OJE) tinan fiskal 2018 nian ho montante billaun US$1.2 atu selu mos dividas sira ne’ebe VII Governu halo mai to’o VIII Governu nian. Tanba ne’e, Governu tenke koidadu atu selu dividas sira ne’e, liu-liu selu karik, tenke selu ba dividas sira ne’ebe iha kontratu ho Estadu ou Governu.

Membru Parlamentu Nasional (PN) husi Bankada Partidu Demokratiku (PD), Adriano do Nascimento, hateten, divida mosu tanba impasse politiku desde mandate VII Governu Konstitusional to’o mai VIII Governu, maibe Governu tau ona iha Orsamentu Jeral Estado (OJE) 2018 para selu.

“Koalia kona ba dividas tenke haree didiak, katak dividas ne’e mai husi ne’ebe klaru ke dividas ne’e mai husi kontratu ruma. Se iha kontratu tuir lei aprovizionamentu nian tenke selu, mas dividas ne’ebe laiha kontratu no mos la tuir lei aprovizionamentu nian labele selu,” afirma Deputadu Adriano do Nascimento, ba JNDiario iha PN, Segunda (27/8/2018).

Nudar reprezentante pvou nian iha uma fukun, Adriano do Nascimento, hatene didiak implikasaun sosio-ekonomiku iha situasaun politika ohin loron nian. Tuir nia, empreza balun lakon sira nia capital tanva dividas husi Governu no balun mos taka ona sira nia atividade emprezarial nian. Tanba ne’e, nia husu lider politiku hotu tenke hanoin ho sensibilidade ba situasaun sira ne’e atu nune’e la bepe prezodika dezenolvimentu emprezarial iha rai laran.

“Nudar jerasaun foun husu ba katuas sira hatun ego, tur hamutuk hodi koalia, tanba husi ego sira ne’e impaktu empreza lubun ida maka taka ona aktividade,” hateten Adriano do Nascimento.

Iha fatin hanesan, Deputado AMP, Abel Pires, hateten OJE 2018 nian prioridade ba buat rua deit, hanesan manten operasaun makina Estado no selu dividas.

Lee hotu :   La involve iha VII Governu, Xanana labele asina dokumentu FM

“Dividas ne’e iha tipu barak, balu ba kompaña ne’ebe fornese konbustivel  hamutuk millaun US$39, balu ba kompaña ne’ebe halo manutensaun ba Sentral Eletrisidade Hera-Betano no Kamea-Dili ho Baucau. Ida seluk maka ba projeto infra-estrutura ninian, sira ne’ebe maka iha kontratu ona, orsamentu ida ne’e atu rezolve hotu,” hateten  Abel Pires.

Prezidenti Komisaun E Parlamentu Nasional, trata asuntu Infra-estrutura ne’e husu ba povu li-liu emprezariu sira aguante oituan, tanba prosesu diskusaun ba OJE sei han tempu to’o hetan promulgasaun husi Prezidenti Republika.

Deputado AMP ne’e mos optimista katak devidas ne’ebe iha sei rezolve hotu, nune’e iha tinan 2019 foka los deit ba dezenvolvimentu nasional.

“Orsamentu tau, maibe antes atu halo pagamentu Agensia Dezenvolvimentu Nasional (ADN) tenke halo verifikasaun,” afirma Abel Pires.

Tuir lista ne’ebe fo sai husi Camara Comerçio no Industria Timor Leste (CCI-TL) katak, divida setor privadu nian hamutuk millaun US$145, kompostu husi projetu rehabilitasaun Estrada ho mos projetu fiziku seluk tan. mia

Add to Comments Here!!!!

error: Content is protected.
Secured By miniOrange
You might also like:
Ro Jaco F-FDTL avaria

Ro Falintil-Forsa Defeza Timor-Leste (F-FDTL) ho...

OJE billiaun US$1.2 sei selu dívida no garante funsionamentu Estadu

Primeiru Ministru (PM), Taur Matan Ruak,...

Cidalia Mouzinho Guterres: Husu pesoal saúde HNGV servisu maka’as

Espoza Prezidente Repúblika (PR), Francisco Guterres...

Close