JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Solidariza malu, tomada de posse adia tan ■PR LúOlo: Lider ParPol tenki tur hamutuk

Solidariza malu, tomada de posse adia tan ■PR LúOlo: Lider ParPol tenki tur hamutuk

Primeiru Ministru (PM), Taur Matan Ruak, informa, nia haruka ona karta adiamentu ba Prezidente Repúblika (PR), Francisco Guterres  ‘Lú Olo’, kona-ba tomada de posse ba kandidatu membru Governu nain 3 ne’ebé nia indijita, ho razaun katak membru governu nain 3 ne’e mantein solidariedade ba membru Governu sira seluk ne’ebé seidauk simu pose.

“Razaun ne’ebé membru Governu nain 3 ne’e la simu pose, tamba membru Governu nain 3  mantein sira nia solidariedade ba sira nia maluk seluk  ne’ebé seidauk toma pose, tamba  ne’e ohin sira la simu pose, ita hein katak kontinua nafatin koalia  ho  Prezidente  Repúblika posilibdade oinsa mak bele ultrapasa kestaun ida ne’e,”dehan PM Taur, ba Jornalista sira, hafoin remata enkontru semanal   ho Prezidente  Repúblika, iha Palasiu Prezidensial Nicolau  Lobato, Bairo Pite, Dili, Kinta (16/08/2018).

Nia afirma liu tan, adia fo tomada de posse ba membru governu nain 3 ne’e, pedidu husi kandidatu sira, liu-liu tamba solidariedade ba sira-nia kolega nain 9 seluk ne’ebé seidauk simu pose, no Prezidente  Repúblika, nia kontinua koalia nafatin buka solusaun, no nia espera katak sei hetan solusaun.

“Maske Govenu la kompletu, iha difikuldade ba debate Oramentu Jeral Estadu (OJE), maibe Governu hala’o esforsu para hala’o kobertura diak, ne’e para atividade labele para, enkuantu ita sei koalia, no buka solusaun ba problema sira ne’e,”akresenta PM Taur.

Nia  hatutan, Primeiru Ministru labele halo substituisaun ba membru Governu, tamba Governu ne’e sustenta husi Aliansa  Maioria  Parlamentar (AMP)  ne’ebé iha Partidu tolu mak hamutuk, agora partidu rua ba tan hamutuk lima, no partidu sira ne’e, iha sira-nia kandidatu  mai iha Governu, hanesan PLP, KHUNTO, no CNRT nian. Tamba ne’e, tenki iha aranzu polítiku por em quanto seidauk halo alterasaun ba kandidatu sira ne’e.

Lee hotu :   Governu apoia Kompañia Santos halo perfurasaun adisionál iha Bayu Undan

“Laiha ameasa. Ita bo’ot sira haree didiak, programa Governu pasa ona, orsamentu duodésimu ba Jullu no Agusto liu ona, ita agora iha osan, no ita agora iha avansa ba orsamentu tinan 2018 nian, ba fulan haat Setembu to’o Dezembru, tinan  2018, no tempu badak tan, sei avansa mos ho Orsamentu Jeral Estadu tinan 2019, por tanto Governu halo esforsu maka’as, no ezersisiu bo’ot ida para que asegura  ita-nia mákina Estadu la’o nafatin no atividade ekonomia ita nian la’o nafatin,” subliña PM Taur.

Entretantu iha fatin la hanesan, Prezidente  Repúblika, Francisco Guterres ‘Lu-olo’, hatete, lider Partidu Polítiku (ParPol) sira mak tur hamutuk koalia bele ultrapasa  situasaun ida  ne’e, no la iha ema ida mak atu kria impase polítiku ne’e.

“Seidauk fo pose  ba membru Governu hirak ne’e, mak ha’u hatete ona tempu sei iha para ita bele tur hamutuk hodi koalia no hodi bele rezolve, maibe ita bele  dudu fali ba ema ida para dehan katak, nia mesak deit mak rezolve, maibe hotu-hotu tenki iha vontade para resolve,”dehan Lu-Olo.

Kandidatu membru Governu nain 3 ne’ebé atu simu pose, maibe hetan adiamentu tamba kestaun solidariedade ba malu husi sira rasik ne’e mak hanesan, Alfredo Pires, sei assume kargu nu’udar Ministru Petroleu no Rekursu Mineral, Samuel Marçal, sei assume kargu nu’udar Ministru Planeamentu no Invenstimentu Estratéjiku, no Rogério Araújo Mendonça, sei assume kargu nu’udar Sekretáriu Estadu Peska.Oly

 

Add to Comments Here!!!!

error: Content is protected.
Secured By miniOrange
You might also like:
PNTL sei asegura loron indepedensia RI

Policia Nasional Timor-Leste (PNTL) liu husi...

Membru F-FDTL involve kazu Maliana, Lere haruka detein tan iha sela PM

Xefe Estadu Maior FALINTIL Forsa Defeza...

Governu la kompletu difikulta debate OJE ■ Diskuti jeneralidade iha 28-29 Agustu

Prezidenti Parlamentu Nasional (PPN), Arão Noe,...

Close