JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

FRETILIN promete aprova lei anti korupsaun ■TL susar kombate subornu estranjeiru

FRETILIN promete aprova lei anti korupsaun ■TL susar kombate subornu estranjeiru

Atu kombate prátika Korupsaun, Koluzaun no Nepotizmu (KKN) no boa governasaun iha Timor-Leste, bankada Frente Revolucionario do Timor-Leste Independente (FRETILIN) iha uma fukun Parlamentu Nasional (PN) promete, sei esforsu maka’as atu asegura no aprova lei Lei Anti Korupsaun (LAK).

“Prátika KKN no subornu estranjeiru iha nasaun ne’e difisil atu kontrola hodi kombate, tanba Timor-Leste seidauk iha planu estratéjiku nasional ba kombate korupsaun no subornu, iha sesaun lejislativa ida ne’e, nuudar reprezentante povu iha uma fukun PN, bankada FRETILIN sei kontinua ninia esforsu tomak atu asegura lei no prosesu hotu-hotu ne’ebé bele garante boa governasaun,” Xefi bankada FRETILIN, Aniceto Guterres liu husi ninia deklarasaun polítika, iha sesaun solene abertura primeira sesaun lejislativa V lejislatura PN, Segunda (17-09-2018).

Nia esplika, atu asegura boa governasaun presiza lei anti korupsaun ida forti no efetiva, tanba ne’e PN presiza aprova LAK ida ne’ebé efetiva atu evita esbanzamentu ba Estadu nia rekursu finanseiru hotu-hotu no hametin koezaun sosial.

“Bankada FRETILIN hahú ona prosesu atu hahú diskusaun no aprovasaun ba lei ida ne’e, ami iha esperansa katak deputadu hotu-hotu iha PN, partilla urjensia hanesan ho ami atu aprova la-lais lei ida ne’e no sira sei servisu hamutuk atu finaliza lei ida ne’e, tanba bankada FRETILIN hakarak órgaun fiskalizador Komisaun Anti Korupsaun (KAK) hametin liu tan sira nia knaar ho rigor, atu fiskaliza ba implementasaun programa ba Governu nian tuir duni lei no servi duni povu no Estadu nia interese,” afirma Aniceto Guterres.

Nia akresenta, husi loron ida ne’e ba oin PN sei foti desizaun importante, hodi asegura futuru Timor-Leste ba dezenvolvimentu sustentavel ba Timoroan hotu-hotu iha aspeitu sosial no ekonómiku.

Lee hotu :   Maternus Bere nia oan hetan bolsa estudu, Polítika Timor-Leste lá diskrimina Timor-oan

“Bankada FRETILIN firmi iha ninia konviksaun, katak savi atu alkansa buat sira ne’e maka boa governasaun, ne’ebé sei metin liu tan ho kontrolu no balansu ida efíkas entre órgaun soberania hotu-hotu,” hatutan Xefi bankada FRETILIN ne’e.

Tuir xefi bankada Partidu Demokrátiku (PD), Adriano do Nascimento, deklara, Estadu Timor-Leste presiza Lei Anti Korupsaun (LAK), tanba dau-daun ne’e prátika KKN no subornu estranjeiru iha Timor-Leste susar atu kombate.

“Prátika KKN no subornu estranjeiru iha nasaun ne’e, difisil atu kontrola hodi kombate, tanba Timor-Leste seidauk iha planu estratéziku nasional ba kombate korupsaun no subornu, seidauk iha LAK no Lei Anti Subornu Estranjeiru, nuudar meius ida atu kombate aktus hirak ne’e. Tanba ne’e búraku sosial entre riku no kiak sai klean no luan liu tan iha sosiedade Timor-leste, tanba Timoroan balun hariku-an ho osan Estadu nian liu husi dalan korupsaun no subornu,” haktuir Xefi bankada PD ne’e.

Nia akresenta mós katak, dau-daun ne’e polítiku ba protesaun empreza nasional ho eskala médiu no kiik seidauk hatudu lo-loos, tanba ne’e maka ema estranjeiru sira maka domina kios iha Timor laran tomak, dudu karosa hodi fa’an dosi, modo no ropa ho livre iha kapital Díli, munisípiu, postu, suku no aldeia.

Entretantu antes ne’e, partidu opozisaun FRETILIN no PD aprezenta ona Lei Anti Korupsaun (LAK) ba meja PN, tanba durante ne’e Parlamentu Nasional laiha seriedade polítika atu luta kontra korupsaun, nune’e to’o agora seidauk debate iha PN.ves

 

Add to Comments Here!!!!

error: Content is protected.
Secured By miniOrange
You might also like:
Komunidade Aldeia Terus Na’in la hetan Bee Moos tinan 3 ona

Komunidade aldeia Terus Na’in, suku Vila-Verde,...

MKOTT kondena atitude governu Australia

Movimentu Kontra Okupasaun Tasi Timor (MKOTT)...

Kazu MOPTC, TDD adia desizaun final ba Gastão Sousa

Tribunal Distrital Díli adia hikas desizaun...

Close