JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Opozisaun fó votus a favor ba OJE ■Sujere Governu ezekuta ho transparansia

Opozisaun fó votus a favor ba OJE ■Sujere Governu ezekuta ho transparansia

Deputadu opozisaun iha Parlamentu Nasionál (PN) ba V lejislatura, husi bankada PD ho PUDD fó nia apoiu votus a favor ba Orsamentu Jeral Estadu (OJE) tinan 2018 iha final global ne’ebé aprezenta husi VIII Governu Konstitusional.

Úniku deputadu husi bankada opozisaun FRETILIN mak vota kontra, maibe laiha ida mak vota a favor.

Deputadu bankada Partidu Demokrátiku (PD), Mariano Asanami Sabino liu hosi nia deklarasaun votus afirma, PD sempre afirma nia pozisaun tuir prinsipiu, maske mosu diferensia polítika oi-oin iha nasaun demkorásia, hodi tau konfiansa ba Primeiru Ministru (PM) atu responsabiliza hanesan gerilleiru.

“Ho konsiensia katak, orsamentu ida ne’e importante, para ita atu sai husi impasse polítika ne’ebé durante ne’e ita hasoru, Primeiru Ministru, ita bo’ot la’os rezulta husi eleisaun demokrátika ida, maibe ita bo’ot mós komandante líder gerilleiru ida, no eis Prezidente Repúblika mós, ne’ebé nakonu ho autoridade responsabilidade, agora faze ida defisil, maibe PD prontu iha ita bo’ot nian kotuk, hodi ita atu hakat ba oin, la’os de’it tanba PM, maibe tanba mós líder gerilleiru ne’ebé mak nakonu ho autoridade,”deklara deputadu PD, Mariano Asanami Sabino, iha diskusaun ikus ba OJE 2018, Sesta(07/09/2018).

Atúal Prezidente Partidu Demokrátiku ne’e mós akresenta, Timor oan hotu presiza sakrifika arogansia, odíu no vingansa hotu ne’ebé mosu tanba doferensia polítika, bainhira povu no nasaun Timor-Leste presiza kontribuisaun.

“Ita tenke moris hatene iha multi-partidária, hatene kaer no lee ita nia konstituisaun no lei seluk, maibe ita iha responsablidade atu hakatliu ba Timor ida ne’e laiha rezerva, se ita prontu nafatin fó kakorok hanesan sira ne’ebé mate tiha ona, katak rai ida ne’e presiza ita nia sakrifisiu, hanesan Lasama nia liafuank katak ita nia dignidade la ás liu dignidade estadu no nasaun nian, tanba ne’e ita laiha buat ida ne’ebé labele sakrifika, buat hotu ita bele sakrifika, ita-nia arogansia no hirus, la simu ba malu, ita tenke sakrifika, bainhira Timor presiza, ho ida ne’e ami fiar ho militante tomak, ita bo’ot iha oin la’os de’it hanesan Primeiru Ministru, maibe mós responsabilidade hanesan gerilleiru,”hateten Asanami.

Lee hotu :   PM Taur: Bo’ot sira hemu tua kiik labele lanu

Deputadu opozisaun ne’e garante, OJE ne’ebé pasa ona iha PN, sei refleta to’o iha povu no sidadaun hotu nia nessesidade no povu hotu bele goza nia independensia nasaun ne’e ho dignu.

“Ho orsamentu ne’ebé ita aprova mós atu bele rezolve liutan, no apoiu liutan ba ferik katuas sira, joven, veteranus sira, no profesores sira, inklui kontratadu sira, xefi suku no xefi aldeia sira, ita tenke hadía mekanizmu, para Timor oan hotu goza iha rai ida ne’e ho dignu, Votus ne’ebé mak afavor ne’e fó konfiansa tomak mós ba membru ne’ebé mak agora dadaun hamutuk ho PM, ho hanoin ida katak ita tenke firme nafatin ba konstrusaun estadu, buat ne’ebé ita deside, ita tenke hakat nafatin ba oin, para ita nia konstrusaun estadu no nasaun ne’e bele metin liu, para bele Timor-Leste bele fó kór diferente iha mapa mundu nian,”dehan Asanami.

Nia hateten tan, konfiansa ne’ebé PD fó, tanba fiar ba maun bo’ot Xanana ho maun bo’ot sira seluk, sei bele rezolve problema Fronteira Marítima no Terresetre ho nasaun viziñu sira, inklui sei garante unidade nu’udar lalenok ba jerasaun foun atu banati tuir iha futuru.

“PD nia apoiu ba orsamentu ida ne’e, mós atu apoiu nafatin luta ba delimitasaun Fronteira ne’ebé mak lídera husi maun bo’ot Kay Rala Xanana Gusmão, PD nia apoiu ba OJE ida ne’e mós konsistente nafatin, para apoiu ba ZEESM ne’ebé mak ita halo dadauk ona, ne’ebé ita investe ona, para sosial merkadu ne’e bele la’o di’ak, ne’ebé konfiansa husi Prezidente Repúblika, no Maun bo’ot sira seluk nia konfiansa ba maun Marí Alkatiri atu lídera, PD nia apoiu ba OJE ida ne’e, ho líderansa PM ho maun bo’ot Kay Rala Xanana Gusmão no Maun Marí ho Lú Olo no mós maun Ramos Horta, imi nain 5 ne’ebé mak bele sai hanesan lalenok nafatin ba jerasaun foun, PD ho nia lema ba o Timor maubere oan prontu servi iha imi nia kotuk para ba konstrusaun estadu ida ne’ebé metin no fó esperansa ba jerasaun foun tuir mai,”katak Asanami.

Lee hotu :   Ró Haksolok la mai tanba empreza Atlantic Eagle bangkrut ■José Luis: PN la presiza aprova tan osan ba empreza ne’e

Iha okazisaun ne’e, deputadu bankada PUDD, António de Sá Benevides mós klarifika, ba PUDD nu’udar partidu jerasaun foun, laiha razaun atu fó kontra ba Orsamentu Jeral Estadu ne’ebé aprezenta husi Governu.

“Vota a favor ba OJE, ho razaun katak, laiha razaun ida atu vota kontra, tanba orsamentu ida ne’e, reflete duni ba nessesidades povu nian, maibe mensajen mai husi povu atu hato’o hela ba ita bo’ot (Primeiru Ministru) povu husu ba ita bo’ot ho membru sira atu uza osan ne’e ho di’ak, gunakanlah uang ini dengan bijak, bukan saja pintar, dan pintar belum tentu bijak, tapi bijak pasti pintar, uza mós osan ida ne’e la’os ho susesu de’it, maibe tenke útil no berguna,”dehan António de Sá Benevides.

Reprezentante povu ne’e mós, sujere ba VIII Governu ne’ebé lidera direitamente husi PM Taur Matan Ruak sei jere buat hotu ho di’ak, no garante katak seila haksolok iha povu nia terus leten.

“PM membru governu foun barak, ita bo’ot mós ema foun iha VIII Governu, povu lakoi sira hasoru fali membru governu ne’ebé mak derepente de’it isin di’ak lalais de’it, isin forte loos, tanba han di’ak haluha tiha povu, povu mós lakoi, atu ministru sira ne’ebé mak isin di’ak hela, derepenti isin tun fali, tanba kalan la toba hodi sura osan, ne’ebé susesu ba PM ho nia membru atu susesu no funsiona iha OJE ba povu,”sujere deputadu PUDD ne’e.

Nune’e deputadu bankada UDT/Frente-Mudansa Gilman Exposto ne’ebé fo apoia on aba AMP mós deklara, nia parte vota a favor ba OJE 2018 ne’e, atu nune’e bele hakotu impase polítika ne’ebé afeta ba povu nia moris lor-loron.

Lee hotu :   STAE ho CNE dezmente buletim votus tuu ku’ak

 “Vota a favor ba programa no OJE Governu nian, tanba VIII Governu ho aprovasaun orsamentu ne’e, bele dehan ona katak hasai ona povu Timor-Leste husi impase polítika,”deklara Gilman.

Deputadu Gilman Exposto mós rekomenda ba VIII Governu, atu fó prioridade ba área importante sira ne’ebé sai xave ba nasaun.

“Ha’u mós iha hanoin ruma ba PM ho membru hotu, atu tau prioridade maka’as ba iha área agrikultura, edukasaun, saúde no obras públikas, atu nune’e, bele fasilita iha nia povu sira atu bele hetan moris di’ak liutan, ida ne’e mak importante ba ita nia povu, bele sente katak governu ne’e bele halo netik buat rum aba povu ida ne’e, maske sasukat ba governasaun ida la’os ho loron ida, semana ida ka fulan ida, maibe husu nafatin ba PM ho membru governu sira, gasta buat ne’ebé bele gasta, karik ida ne’ebé labele gasta, lalika gasta, atun nune’e ita hala’o ita nia polítika ida poupansa, hodi poupa ita nia osan ka povu Timor-Leste nia osan, tanba povu hein hela boa governasaun ida,”tenik GIlman.

Enkuantu OJE 2018 ne’e, hafoin halo diskusaun kuaze semana ida iha PN, ikus mai aprovadu iha PN iha final global, ho votus a favor 42, kontra 9 no abstensaun 14.Say

Add to Comments Here!!!!

error: Content is protected.
Secured By miniOrange
You might also like:
PR Lu Olo halo tinan ba dala 64 ■ PN fó parabens

Prezidente Repúblika (PR), Fransisco Guterres ‘Lu...

Projetu 95 mak priense kritériu pagamentu

Ministru Interinu Planeamentu Investimentu Estratéjiku (MPIE),...

PN aprova ona OJE 2018 ■ FRETILIN dúvida kapasidade ezekusaun

Atu responde ba konta Jeral Estadu...

Close