KA aprova OJE privativu 2019 ba PN millaun US$17 ■PPN Arão:Seidauk fiksu

Konsellu Administrasaun (KA) aprova ona Orsamentu Jeral Estadu (OJE) privativu Parlamentu Nasionál (PN) ba tinan 2019 nian ho montante provizoriu millaun US$17, relata Prezidenti PN, Arão Noe de Jesus da Costa Amaral, ba jornalista iha PN, Kinta (11/10/2018).

Líder segundu órgaun soberanu ne’e afirma tan, maske orsamentu privativu ne’e aprova ona iha konsellu administrasaun PN ho montante hanesan ne’e, maibe desizaun ikus sei bazeia ba plenária nu’udar órgaun kolezial.

“Ami aprova ona, ohin (Horseik_red) ami haruka ona ba komisaun C, para halo apresiasaun, semana oin foin aprova iha plenária, kona-ba orsamentu privativu, tanba ne’e nia montante fiksu mai seidauk bele fó sai”,haktuir Prezidenti PN, Arão Noe.

PPN V lejislatura ne’e afirma, total montante ne’ebé iha, konsellu adiministrasaun fiksa de’it, maibe la’os desizaun ikus ba tinan 2019 nian.

Antes ne’e,  hafoin Vise primeiru Prezidenti Parlamentu Nasionál, Angelina Sarmento, haktuir, bankada Parlamentar sira prefere atu hatene uluk relatóriu kona-ba ezekusaun orsamentu jeral Estadu tinan 2018 nian, hafoin bele foti dezisaun ba orsamentu privativu Parlamentu Nasionál ba tinan 2019 nian.

Enkuantu iha OJE 2018, PN aprova orsamentu privativu ho montante millaun US$10.Say

Leave a Reply

Your email address will not be published. Required fields are marked *