JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN forma ona KIP fiskaliza projetu 142

PN forma ona KIP fiskaliza projetu 142

Meja Parlamentu Nasionál (PN) deside no forma ona Komisaun Inkéritu Parlamentar (KIP) ne’ebé antes ne’e ezije no rekere husi deputadu opozisaun sira, hodi halo fiskalizasaun ba projetu 142, relata vise Prezidenti PN, Maria Angelina Sarmento, ba jornalista hafoin lidera enkontru líder bankada, iha Sesta (05/10/2018).

Deputada husi bankada PLP ne’e afirma, komisaun inkéritu parlamentar ne’e, kompostu husi membru na’in 11, ne’ebé reprezentante husi bankada FRETILIN deputadu na’in 4, CNRT 3, PLP 2 inklui bankada PD ho KHUNTO ho nia reprezentante deputadu na’in ida-ida.

“Komisaun inkéritu ne’e sei ba he­tan aprovasaun iha plen’aria Parlamentu Nasionál, depois de aprovasaun mak komisaun inkéritu bele hahú hala’o nia servisu, bazeia ba rejimentu Parlamentu nian”,relata Angelina Sarmento.

Deputada PLP ne’e realsa tan, posibilidade ajenda komisaun inkéritu ne’e tama plenária iha semana oin, maibe depende mós komisaun inkéritu ne’e loos ona ka seidauk.
“Ha’u hanoin depende, tanba sei iha mós diskusaun ba ajenda ne’ebé sei ko’alia iha plenária, maibe distribuisaun ba komisaun inkéritu ne’e loos ona, no líder bankada sira mós konkorda ona ho kompozisaun ne’e”,informa deputada Maria Angelina Sarmento.

Antes ne’e, deputadu bankada PD, Adriano do Nascimento, levanta preokupasaun kona-ba projetu 142 ne’e iha plenária Parlamentu Nasionál, iha faze diskusaun Orsamentu Jeral Estadu tinan 2018 nian.

Rekerimentu atu harii komisaun inkéritu Parlamentar ne’e, rekere ba meja Parlamentu Nasionál, husi deputadu bankada opozisaun FRETILIN, iha loron ikus diskusaun Orsamentu Jeral Estadu (OJE) ba tinan 2018 nian, iha loron 7, fulan Setembru, tinan ne’e, hodi nune’e haree kualidade no legalidade projetu 142 ne’ebé asina husi CAFI, iha fulan jullu, tinan 2017.Say

Lee hotu :   PN sosa duni kareta foun ba deputadu

Add to Comments Here!!!!

error: Content is protected.
Secured By miniOrange
You might also like:
Alexandrino: husu governu tau atensaun ba DNSPP

Sekretariu Estadu Protesaun Sivil (SEPS) Alexandrino...

Estrada difikulta komunidade Bobonaro

Prezidente interinu Autoridade Munisípiu Bobonaro (AMB),...

PNTL bandu lori atributu partidu simu Xanana

Polísia Nasionál Timor-Leste (PNTL), bandu ema...

Close