JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Ohin, PN halo reapresiasaun ba LAP “PR veta OJE, Timor la nabeen

Ohin, PN halo reapresiasaun ba LAP “PR veta OJE, Timor la nabeen

Prezidenti Parlamentu Nasional (PN), Arão Noe, informa, ohin loron (10/01) PN realiza debate atu  halo re-apresiasaun ba altersaun lei númeru 3/V kona-bá Lei Atividade Petrolíferu (LAP), ne’ebé antes ne’e Prezidenti Repúblika (PR), Francisco Guterres ‘Lú-olo’ veta ona.

“Tuir loloos ohin (09/01) debate ba reapresiasaun, mas depois de haree experiensia kotuk nian, nune’e presiza iha giaun ida, tanba ne’e ha’u opta konvokatorio ba  líder bankada sira, para aprova tiha giaun ba debate aban (ohin-red) nian ba re-apresiasaun dekretu númeru 3/V ne’ebé PR Lú Olo veta ne’e no aban (ohin-red) ajenda ba debate, ohin (horiseik-red) ami aprova tiha ajenda no fiksa ba aban (ohin-red)”, Prezidenti PN ba jornalista sira hafoin hala’o reuniaun ho líder bankada sira, iha PN, Kuarta (09/01/2019).

Nia esplika, loloos ne’e ohin loron (horiseik-red) maka PN halo apresiasaun ba LAP ne’ebé maka PR Lú Olo veta ona, tanba PN sei fokus haree giaun atu gia no hafasil prosesu debate ne’e.

“Iha debate ba apresiasaun LAP ne’e votus determinante ne’e depende ba ida-idak ninia interpertasaun, maibé tuir artigu 88 , iha númeru 2 no 3, tuir bankadas sira nia rekerentes katak matéria ida ne’e laos monu iha artigu 88 numeru 3 liga ejije dois tersus tuir artigu 95 konstituisaun nian, tanba sira-nia argumentu katak refere liu artigu 139 ho 140 ita nia konstituisaun ida ne’e mak sira nia argumentu kabe ba desizaun iha plenária”, haktuir Xefi Órgaun Lejislativu ne’e.

Nia akresenta, tanba ne’e husik orgaun ida-idak hala’o nia kna’ar, sé PR veta, PN iha kna’ar atu halo re-apresiasaun ba LAP ne’ebé maka antes ne’e halo ona primeiru alterasaun.

Lee hotu :   PR sei reúne ho KE-KSDS kona-ba pedidu Governu ba renovasaun EE

“Atu halo re-apresiasaun ne’e iha fatór rua (2), hanesan bele votus konfirmasaun no bele mós halo alterasaun, hanesan bele hamosu debate no espesialidade aprezenta proposta ruma iha debate, agora kabe ba deputadu sira-nia kompetensia atu halo proposta atu halo mudansa, dalan nakloke iha prosesu re- apresiasaun nian”, hateten Arão Noe.

Entretantu LAP ne’ebé maka Prezidente Repúblika (PR), Francisco Guterres ‘Lú Olo’, veta ne’e, PN halo ona primeira alterasaun LAP ne’ebé maka antes ne’e ezisti ona, hanesan lei númeru 13/2005.

PR veta OJE, Timor la nabeen

Nune’e mos, Vise Xefi bankada Partidu Libertasaun Popular (PLP), Francisco de Vasconcelhos afirma, sé Prezidenti Repúblika (PR), Francisco Guterres ‘Lú Olo’ veta Orsamentu Jeral Estadu (OJE) 2019,  Timor-Leste sei la nabeen, tanba sei la fó impaktu ba makina Estadu.

Razaun sei la fó impaktu ba manika Estadu ne’e, tanba dau-daun ne’e Timor-Leste la’o hela ho sistema duodesimu hanesan bai-bain no sistema duodesimal remata wainhira PR Lú Olo promulga ona OJE.

“Iha konstituisaun prevê, veta ka promulga ne’e kompetensia PR nian, nune’e ba ha’u PR promulga no veta mós la’os buat foun, iha tinan 2017 ita hasoru impase polítika, ita konsege atravesa ho eleisaun antesipada, rezultadu eleisaun antesipada, ita forma Aliansa Maioria Parlamentar  (AMP), signifika VIII Governu asegura ninia governativa”, Vise Xefi bankada PLP ba GMN, iha PN, Kuarta (09/01/2019).

Nia esplika, Governu nia kna’ar aprezenta programa, PN deskuti no Governu lori OJE mai PN, depois PN lori ba PR atu promulga, tanba konstituisaun rasik hateten PR nia kna’ar atu estuda, nune’e atu promulga ka veta, ne’e kompetensia PR ninian.

Lee hotu :   Assanami: Governu kontrola moeda sentavu 200

“Diak hela, laiha impaktu ba makina Estadu, tanba povu hakmatek hela, situasuan ita nian, la presiza dramatiza, sé PR veta mós Timor sei la nabeen ida, tanba Timor no dezenvolvimentu ne’e ita hotu nian, nune’e tenki la’o ba oin”, haktuir Francisco de Vasconcelhos.

Nune’e mós deputadu bankada KHUNTO  Luis Roberto salienta, PN aprova tiha ona OJE 2019 ho votus 40 no haruka ba ona PR atu estuda, nune’e atu promulga ka veta ne’e kompetensia PR nian.

“Maibé karik PR Lú Olo veta, ba ami bankada KHUNTO ami mós sei haree bazeia ba saida maka veta, ida ne’e sei haruka fali mai PN atu hare fila fali, PN mós prontu atu hadia wainhira PR veta OJE 2019, hodi bele haruka fali ba Xefi Estadu Lú olo”, nia dehan.

Husi sorin seluk, Vise Xefi bankada FRETILIN, Francisco Miranda Branco hateten, bankada FRETILIN laiha komunikasaun PR Lú Olo, tanba iha orgaun ida ne’ebé atu bele interpreta sa ida mak iha nia hanoin.“Ami akompania de’it liu husi media Xefi Estadu komesa ona loke enkontru ho entidades barak, hakarak mos rona husi líder polítiku, lideransa nasional sira no lideransa igreja nian“, haktuir Vise Xefi bankada FRETILIN ne’e.

Xefi Estadu iha mandatu fulan ida atu foti desizaun ba OJE 2019, nune’e sé sura husi loron kuarta (09/01), nune’e antes loron (24/o1) data limitasaun husi konstituisaun ba Xefi Estadu atu foti desizaun ba OJE 2019. Ety

Add to Comments Here!!!!

error: Content is protected.
Secured By miniOrange
You might also like:
La simu FRETILIN halo insultu, Xanana: Ha’u la sosa USB ida ho USD 450

Reprezentante espesiál Governu ba asuntu petroleu,...

JORNAL AS 12 GMNTV, Loron-9 Fulan-Janeiru Tinan-2019

HAU HAKARAK HATENE GMNTV, Iha St. Mary Child Development Center Dili

Close