JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PPN husu komisaun A aselera relatóriu LAK

PPN husu komisaun A aselera relatóriu LAK

Prezidenti Parlamentu Nasional (PPN), Arão Noe, sujere ba komisaun A, iha Parlamentu Nasional (PN) ne’ebé trata asuntu konstitusional no justisa, atu aselera la-lais relatóriu pareser ba Lei Anti Korpusaun (LAK), tanba durante ne’e públiku preokupa tebes ho lei refere.

“Ami hein komisaun A, bele  konklui ona sira nia relatóriu pareser iha tempu badak, ha’u hein iha fulan Janeiru ou bele konklui iha fulan fevereiru no bele tama ona aprovasaun debate iha plenária, hodi aprova iha jeneralidade”,Xefi Órgaun lejisladór ne’e ba jornalista sira hafoin fó pose ba komisáriu CAC, iha PN, Segunda (21-01-2019).

Arão Noe akresenta, razaun husu komisaun A atu aselera la-lais relatóriu pareser ba LAK ne’e, tanba Comissão Anti-Corrupção (CAC) ezisti ona, maibé seidauk iha lei ida maka reforsa atu kombate Koluzaun, Korupsaun no Nepotizmu (KKN).

Husi sorin seluk, membru komisaun A, deputadu Gilman Exposto dos Santos reforsa katak, Lei Anti-Korupsaun (LAK), oras ne’e dau-dauk iha komisaun A atu halo pareser, depois de aselera relatóriu pareser maka lori mai diskuti iha plenária, hodi hetan aprovasaun.

“Ha’u hanoin iha fulan ida ou rua nia laran lei ne’e prontu ona, hodi aprezenta mai iha plenária, hodi halo aprovasaun,  tanba durante ne’e  ami iha komisaun A mós servisu barak ba kestaun ne’e, tanba ne’e maka komisaun A seidauk aprezenta lei refere”, haktuir Gilman.

Entretantu iha tinan kotuk ne’e, partidu FRETILIN no PD aprezenta ona LAK ba meja PN no submete ona ba komisaun A hodi halo relatóriu pareser, tanba durante ne’e sira konsidera laiha seriedade polítika atu luta kontra KKN.ety

 

Lee hotu :   PM Taur: Vota kontra OJE 2020 kompetensia PN nian

Add to Comments Here!!!!

error: Content is protected.
Secured By miniOrange
You might also like:
PM Taur orienta IJE investiga funsionáriu uza kareta Estadu ba festa iha Kupaun-Indonézia

Primeiru Ministru (PM), Taur Matan Ruak,...

Jornal Semanário GMNTV Edisaun 20 Janeiru 2019

Jornal Semanário GMNTV Edisaun 13 Janeiru 2019

Close