PR kongratula PN fó pose ba komisáriu KAK

Prezidente Repúblika (PR), Franscisco Guterres ‘Lú Olo’ kongratula Parlamentu Nasionál (PN) konsege fó pose ba Komisáriu Komisaun Anti Korupasaun (KAK)

Prezidente Parlamentu Nasionál (PPN),Arão Noe informa  atividade parlamentu nia durante fulan ida ne’e. primeira kona-ba realizasaun eleisaun komisáriu KAK nia ne’ebé pendente fulan neen, mas depois bankandas sira konsege iha konsensu, agora nia hala’o tiha ona nia misaun, fó ona pose.

“Prezidente kongratula rezultadu ne’ebé mak fó pose ona ba komisáriu KAK entaun instituisaun ne’e bele funsiona,” informa Arão Noe ba Jornalista hafoin enkontru ho Prezidente Repúblika, Kuarta (23/01/2019), iha Palasiu Prezidensial Nicolau Lobato Bairru-Pite Dili

Nia mós informa tan asuntu seluk kona-ba parte fó pose ba konsellu nasionál ba intelijensia nia ne’ebé PR aprezenta ona kandidatu ba parlamentu,  parlamentu mós prepara ona eskenáriu para oin bele fó pose ba membru, ne’ebé eleitu ou kandidatu husi prezidente nia.

Alende ne’e mós ko’alia kona-ba funionamentu parlamentu nian ba komisaun inkéritu parlamentar hala’o hela nia funsaun, agora sira komesa halo audiénsia. Sira iha planu atu vizita ba distritu para ba haree projeitu hodi update informasaun ba Prezidente.

Update mós kona-ba deteta lei prioridades ne’ebé iha, Lei KAK ne’ebé agora iha hela komisaun A. Informa ba  prezidente agora iha faze elaborasaun testu substituitivu husi komisaun para bele komesa aprova hodi lori mai iha plenária nomós lejislasaun pendente 18 ne’ebé iha III lejislatura la konsege aprova iha sira nia mandatu.

Tanba ne’e mak konvensaun tolu ne’ebé PN ratifika iha momentu ne’ebá, tanba tempu mandatu hotu entaun identifika katak prioridade sira ne’e atu sujere ba governu para sai hanesan prioridades para aselera ljislasaun estruturante sira ne’ebé mak ba interese estadu nia.

Tuir konvensaun tolu mak hanesan ida, adezaun a covensao internasional para prevencao de poluicao por navios de 1973. Rua, adezaun a convencao internasional para asalva guarda e da humana. Tolu, adezaun a convecao internacional sobre padroens de formacoes e certificoes de servicos de quarto para marítimas.

Iha konvensaun tolu ne’e mak pendenti hela iha III lejislatura la konsege ratifika. Tanba ne’e ami informa hela, ida ne’e sai hanesan prioridades hodi sujere hela ba governu para bele fó aprezentasaun foun mai fali para nune’e bele ratifika tiha konvensaun ne’e, hodi bele adere formalmente ou bele vinkula ba ita nia kontrolu ho konvensaun sira ne’e bele ajuda. Eus

Leave a Reply

Your email address will not be published. Required fields are marked *