PR Lú Olo promulga LAP, PPN Arão: Asaun ConocoPhillips ho Shell fila ba kofre Estadu

Prezidenti Parlamentu Nasional (PPN), Arão Noe, informa, sé Prezidenti Repúblika (PR), Francisco Guterres ‘Lú Olo’ promulga Lei Aktividade Petrolífera (LAP), orsamentu atu sosa asaun ConocoPhillips-Shell, ne’ebé inklina iha Orsamentu Jeral Estadu (OJE) 2019, tenki fila-fali ba kofre Estadu.

“Ita agora foin loron 16, iha fulan, to’o iha loron 18, fulan ne’e, ita hein de’it PR Lú Olo nia kna’ar, loos duni númeru OJE maka bo’ot, maibé sé PR promulga LAP, ita retira millaun 650, para hela loos de’it billiaun 1.482 ba OJE 2019, hasa’i osan hodi sosa asaun, tanba rezolve ona husi alterasaun LAP”, Xefi Órgaun Lejislativu ne’e ba jornalista sira, iha PN Kuarta (16-1-2019).

Nia esplika mós katak, sé osan sosa asaun ConocPhillips-Shell ne’e tau iha OJE 2019, ne’e ninia rendimentu no retornu tenki tama mai kofre Estadu, atu halo kontrolu ne’e ladún seguru, maibé sé tama ba iha LAP ne’e seguru liu.

“Iha tinan 5 nia laran, bainhira mina-rai dada mai Timor-Leste, komesa folin ita simu fali ona no osan ne’e fila fali mai, nia ba kofre fundu Mina rai, laos mai ona OJE nia dalan la hanesan, Se nia tau iha OJE nia fila fali mai reseita iha kontrolu ladun seguru”, tenik nia.

Entrentantu, hafoin PN halo apresiasaun no konfirmasaun ba LAP no haruka ba PR Lú Olo, tuir konstituisaun RDTL, artigu 88, númeru 2, hateten, iha loron 8 nia laran PR tenki promulga. Ety