JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PM Taur Matan Ruak: PR Lú Olo aman ba nasaun, la’os aman ba labarik sira

PM Taur Matan Ruak: PR Lú Olo aman ba nasaun, la’os aman ba labarik sira

Primeiru Ministru (PM), Taur Matan Ruak, hateten, Prezidenti Repúblika (PR), Francisco Guterres Lú Olo, dadaun ne’e nu’udar aman ba nasaun, la’os aman ba labarik sira. Tanba ne’e, PM Taur esklarese, hanesan aman ba nasaun, Xefi Estadu tenki tetu didiak kualker desizaun ne’ebé nia atu halo ba nasaun.

 “Ha’u hanoin ita respeitu ba pozisaun ne’ebé nia iha, ha’u dala barak ona hateten ba Prezidenti katak, ita bo’ot agora ne’e aman nasaun nian, la’os aman  labarik sira nian ne’e la’e, enkuantu ita aman, ita nia hahalok ne’e labele hanesan oan sira. Aman ne’e tenki hatene tolan, sei ita lahatene tolan, entaun ita problema”, hateten PM, Taur Matan Ruak, iha nia intervensaun ba  apresiasaun Orsamentu Jeral Estadu tinan 2019, iha plenária Parlamentu Nasionál Díli, Kinta (31/1/2019).

Xefi Governu ne’e dehan, nia komprende tebes desizaun Prezidente Repúblika Francisco Guterres Lu-Olo nia desizaun hodi veta OJE tinan ne’e nian, tanba antes ne’e mós, nia assume ona pasta Prezidenti Repúblika, ne’ebé mós veta OJE maibé  ho intensaun atu fó atensaun ida ba Governu no PN kona ba asuntu sira ne’ebé mak liga ho sidadaun sira-nia moris.

“Ha’u lembra kuandu ha’u Prezidente Repúblika, ezatamente veta Orsamentu Jeral, ha’u nia veto no nia funsaun saida?, ne’e obsaun ida de’it, halo atensaun ba Governu Parlamentu ba asuntu sira ne’ebé mak liga ho sidadaun sira-nia moris. Ha’u fiar katak, Prezidenti Repúblika nia veta ida ne’e duni, no la’os ho intensaun, atu fó kbi’it ba deputadu sira atu intromete iha aktividades pontuais Governasaun nian”, hateten PM Taur Matan Ruak.

Eis Xefi Estadu ne’e afirma, nu’udar Prezidenti Repúblika ne’ebé mak ho desizaun polítika veta orsamentu ne’ebé mak PN haruka ba,  normalmente hakarak hatene no haree komportamentu Parlamentu nian, ne’ebé konserteja  sei iha pro no kontra .

Lee hotu :   Governu halo proposta ba PN tanba kaixa tezouru tun ba millaun USD 18

“Iha ha’u nia diskursu  ha’u hateten dala rua de’it, ida fó fila fali ba Prezidente nia implikasaun saida?, loke krize ida bo’ot liu tan, segundu ita halo diskusaun, ha’u apresia  intervensaun tantu opozisaun, nomós partidu AMP ne’ebé mak sustenta Governasaun ba imi nia sereniedade, no ha’u apresia espesial pozisaun maun bo’ot Xanana nian, nia hateten, tenki hasai tuir buat ne’ebé mak Prezidente husu, ha’u haruka ema dala rua dala tolu ka dala hat  ba nia (Xanana), se Prezidenti Repúblika  nia pozisaun ne’e konsidera hanesan intervensaun ida sistemátiku, ita loke konfrontu ida ho Prezidenti Repúblika veta orsamentu haruka fila fali ba, maibé maun Xanana dehan lae intensaun husi Prezidenti Repúblika ne’e los”, katak PM Taur.

Xefi Governu ne’e  haktuir, hanesan  Primeiru Ministru ne’ebé mak lidera VIII Governu, nia pozisaun iha relasaun ho Prezidente Repúblika nia ezijensia, tanba ne’e  saida mak Prezidenti Repúblika ko’alia agora, hanesan mós ho  buat ne’ebé mak Primeiru Ministru Taur Matan Ruak, ko’alia iha momentu sei  hanesan aman ba nasaun.

‘Laiha intensaun seluk, no ha’u fiar katak, Prezidenti Repúblika, nia intensaun mós hanesan ne’e, alerta, maibé ha’u mós husu para fó tempu ba ami, 6 mejes ho orsamentu rua, ho presaun  no depois to’o mai para atu halo mundansa ida radikal. Ha’u respeita ema hotu ne’ebé mak servisu iha instituisaun Estadu hotu, ha’u ko’alia ba ha’u nia memru sira katak, ita iha dalan rua ida dudu meja neneik, ida ho  hanoin katak, foti meja sa’e haksuit tiha, ha’u nia vida militar ne’e gosta ida foti meja haksuit ne’e”, afirma PM Taur.

Lee hotu :   Projetu eletrisidade Ermera remata, Kompañia Divita grup ezije MOP halo pagamentu

Antes ne’e Prezidente Repúblika, Francisco Guterres Lu-Olo, veta OJE  tinan 2019, tanba konsidera  orsamentu  bo’ot liu no la fó benefisiu ba povu.ola

Add to Comments Here!!!!

error: Content is protected.
Secured By miniOrange
You might also like:
PD husu líder sira diálogu, CNRT konsidera la presiza

Prezidenti Bankada Partidu Demokratiku (PD), Antonio...

Ana Gomes: La’os Marvi mak hapara ha’u

Eis Manager ka jestor vensedora The...

JORNAL AS 12 GMNTV, Loron-31 Fulan-Janeiru Tinan-2019

Close