JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN konsidera servisu KRAM la efetivu kontrola GAM ■ Governu sei foti medida iha tempu badak

PN konsidera servisu KRAM la efetivu kontrola GAM ■ Governu sei foti medida iha tempu badak

Parlamentu Nasionál (PN) konsidera Komisaun Reguladora Arte Marsiál (KRAM) servisu la efetivu hodi kontrola ba atividade Grupu Arte Marsiál (GAM) ne’ebé governu taka ona.

Prezidente komisaun B Parlamentu Nasioanal, Aderito Hugo hatete lia hirak nee, Segunda (18/02) iha PN.

Prezidente Komisaun B Parlamentu Nasional nian ba asuntu Seguransa no Defesa nee dehan wainhira governu hasai rezolusaun hodi bandu artemarsiais sira atu kontinua hala’o sira nia atividade, maibe laos bandu deit, governo mos kria komisaun regulamentu ba artemarsiais ou KRAM nune bele halo akompanhamentu ba atividade artemarsiais hotu ne’ebé bandu no la bandu nune’e bele halo avalisaun, para lori sira tuir regras lei numeru 5/2017 ne’ebé halo alterasun husi lei anterior nian.

“ Hau dehan fila-fila ona ema ne’ebé halo pasa revista labele  individu ida ou grupu ida ne’ebé foti fali knaar polísia nian, ema ne’ebé halo pasaravista ba movimentu ne’e so Polisia. Depois de KRAM ne’e hari ami aprova orsamentu para KRAM ne’e bele halo servisu, minimu ami hakarak hatene katak rekezitus sira iha lei numero 5/ 2017 ba kria KRAM ne’e, antes ne’e lei anterior artemarsiais ne’ebé aktualiza iha 2017 nian hala’o ka lae, KRAM ne’e hanesan komisaun regulamentu ne’e lao ka lae, tenki husu responsabilidade KRAM nian ho Ministeriu tutela, se ita hari komisaun por hari ne’e labele,” dehan Aderito Hugo.

Hugo da Costa hatete katak karik falta buat ruma lalos tenki halo avaliasaun, falta buat ruma, tenki haree para hadia, tanba ida ne’e lei, komisaun kuandu hari basea ba lei, tenki halo servisu, kuandu halo servisu iha ema ne’ebé halo supervisaun ba komisaun nia servisu, komisaun lao ou lae tenki haree buat ruma para hadia, osan maka laiha ga ou saida, se lae husu malu nafatin.

“KRAM ne’e hari husi lei numeru 5/2017 ne’ebé halo alterasaun husi lei anterior, KRAM hamrik ho kondisaun ne’ebé fo, rekezitus ne’ebé fo agora servisu saida maka KRAM atu halo. Kompetensia ne’ebé fo ba KRAM ne’e standar mais la lao ou lao ita lahatene, tanba relatoriu latama mai, foin lalais plenaria debate ho governu ho karakter portau taka bolu KRAM maibe la mai no SEJD maka koalia e nome KRAM, deputadu sira atu halo perguntas klean mos ladiak, tanba KRAM la marka prezensa,” dehan nia.

Lee hotu :   RAEOA presiza lei ne'ebé klaru no konsistente

Kona ba kapturasaun ba GAM ne’ebé akontese iha fronteira Suai nian Aderito hatete primeiru apresia ho servisu Polisia sira ne’ebé iha fronteira, tanba konsege kaptura movimentu grupo artemarsiais, maske Unidade Polisia Fronteira sira ho fasilidade ne’ebé minimu, Organizadu ou lae ne’e depende ba prosesu investigasaun.

Iha fatin hanesan Deputadu husi bankada FRETILIN,  Joaquim dos Santos hatete durante funsionamentu husi KRAM lao ladiak hodi fo efektivu negativu.

“Ita nia polisia bele ajuda membru governu atu bele asegura estabilidade ne’e nune bele iha kordensaun diak nune to’o tempo ita halo buat ne’e sai kultura de artes iha vida juvenil nian, ita seidauk to’o fase ida ne’e ne’ebé ita nia ministru troka ministru, tanba la komprende buat kultura de arte, hanoin maka politika troka malu deit maka sai hanesan ne’e, Governo tenki resolve, tanba ida ne’e problema bo’ot”,  dehan nia.

Prezidente Komisaun B nee fo ezemplu maka ba halo juramentu iha indonezia, membru Governu hatene mais nonok deit, ida ne’e maka grave ne’e, tenki regula, povu fo fiar ba Governu para iha kapasidade rezolve problema, lideransa artemarsiais sira tenki koloka iha KRAM nune sira rasik foti desisaun, kuandu lei ne’e fo ona kompetensia nune labele hamosu problema.

Nune mos deputadu, Antonio Conceição konsideira funsionamentu husi KRAM hanesan monu ona ba tendensia ruma, tanba promesas politikas, kampanha sira ne’e hotu entaiun KRAM mos bele iha tendensia koalia dehan hanoin atu reve, loke dalan ba ema atu rejistu, ne’e ladun diak.

“ Ita presiza halo avaliasaun tuir lei, koalia ho imparsialidade, labele iha tendensia dehan atu reativa. Halo nia funsaun ba instituisional deit, estebelse kriteria sira para ema hotu-hotu bele akompanha informasaun ne’e. Hau hanoin ita presiza haree didiak KRAM nia kapasidade no funsionamentu instituisaun ne’e didiak, hau rona intervensaun husi Deputadu Aderito Hugo iha GMN katak osan tinan tinan tau, se ita tau para halo deit hanesan lembaga ida, maibe nia funsaun responsabilidade publiku nian laiha, ne’e tau osan ba halo saida,” dehan nia.

Lee hotu :   Veteranus apoiu MUTL, Povu sei moris inkondisional, la merese sosa tan Prado

Prezidente Partidu Demokratiku nee dehan KRAM tenki kumpri responsabilidade, dezemvolve politika sira ne’ebé ligadu ba nia funsaun para depois bele halo. Maibe ohin loron buat sira ne’e sai nafatin debate politiku signifika KRAM seidauk funsiona ho diak para fo pareser ba Governu hodi bele halo aprezentasaun ruma iha PN.

Governu sei foti medida ba GAM

Atu hatene no identifika abut husi problema Grupu Arte Marsial (GAM) neébé Governu taka ona, Segunda (18/2/19), Governu liu husi Ministru Defeza no Interior Interinu, Filomeno Paixão, hala’o enkontru ho reprezentante GAM hanesan Persaudaraan Setia Hati Terate (PSHT), Ikatan Kera Sakti (IKS) no Kmanek Oan Rai Klaran (KORK), ne’ebé mak Governu taka ona.

Iha enkontru ne’e Governu identifika ona abut husi problema GAM PSHT, IKS no KORK ne’ebé durante ne’e públiku preokupa, tanba  ne’e Governu  tempu besik sei foti medida ruma.

“Ideia konkreta  seidauk, tanba sei iha hela diskusaun entre Ministériu relevantes  ho Komisaun Regulador Artemarisiais (KRAM),  maibe ami identifika ona problemas lubuk ida ona, entaun ami hanoin katak,  identifika problema ida ne’e bele sai hanesan materia diskusaun ida hodi toma medidas  iha tempu besik”,esplika Sekretáriu Estadu Juventude no Desportu, Nélio Isaac Sarmento, ba jornalista sira, hafoin partisipa enkontru hamutuk ho Ministru Defeza no Interior Interino Filomeno Paixão no Komandante Jerál PNTL Komisariu Julio Hornay, ho reprezentante artemarisiais tolu hanesan PSHT, IKS, KORK  no KRAM iha sala enkontru Ministériu Defeza, Fatuhada, Díli.

Nélio Isaac Sarmento akresenta katak, artemarsiais  sira seluk ninia aktidade  lao hela, maibe artemarsiais  hanesan PSHT, Kera Sakti no KORK,   Governu hasai ona  númeru 16/2013  taka total artemarsial tolu  ne’e labele hala’o sira ninia aktidade iha nasaun Timor-Leste.

Lee hotu :   MTK sei elabora dekretu lei regula rede internet externais iha TL

“Ha’u fó istória karik iha tempu naruk  ita enkontru ho líder artemarsiais tolu ne’e mos  ita enkontru bebeik lori ba rezolve problema iha Surabaya-Indonézia,  halo seremonia tara bandu, halo akta labele halo problema, maibe akontese hela de’it, entaun  ita hatene problema ne’e saida? problema  ne’e individu hola parte iha artemarsiais ka problema polítiku ka problema lei mak la forte ka  problema asuntu sira iha Tribunais nian ka, problema ida ne’e mak  ita identifika ona, agora ita haree tok tempu tuir mai  medida saida mak  ita halo”,dehan Nélio Isaac Sarmento.

Alende ne’e, liu husi enkontru ne’e, reprezentante Ministériu Interior mós fó ona informasaun ba KRAM kona-ba medida  ne’ebé mak PNTL foti ona.

Por ezemplu  hanesan ita boot sira haree, operasaun konjunta entre PNTL ho forsa armada, karta pedidu balun  ba Primeiru Ministru atu toma atensaun atu ita haree tok. Ami  husi Sekretaria Estadu Juventude Desportu  ho Ministériu Interior, prepara briefing ida  ne’ebé mak  rigor ba ita-nia lideransa sira buka kazu artemarsiais nia hun, buka atu rezolve kazu ne’e rasik”,dehan Nélio Isaac  Sarmento.

Alende ne’e, enkontru ne’e realiza bazeia ba ezijénsia públiku liu-liu foin lalais eis Prezidente Repúblika, José  Ramos Horta,  sujere atu Governu buka tuir abut husi problema  artemarisiais tolu ne’ebé mak  Governu desidi taka tiha ona, hanesan PSHT, Kera Sakti no KORK.

Iha tempu Governasaun anterior lideradu Primeiru Ministru, Kay Rala Xanana Gusmão, Estadu hasai rezolusaun Governu ho No.6/2013 hodi taka total Grupu Arte Marsiál (GAM) tolu hanesan Persaudaraan Setia Hati Terate (PSHT),  Ikatan Kera Sakti (IKS) no Kmanek Oan Rai Klaran (KORK), ho objetivu atu evita problema iha rai laran.Nes/avi

Add to Comments Here!!!!

error: Content is protected.
Secured By miniOrange
You might also like:
ME hamenus estudante RE, FRETILIN lamenta, AMP apoia

Bankada FRETILIN iha Parlamentu Nasionál (PN),...

MF distribui pakote OJE 2019 ba kada ministériu

Diretor Jeral Finansa Estadu, Januário da...

DIA 17/02/19 || GMNTV LIVE STREAM || JORNAL NASIONAL KALAN

Close