JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Polítika dada kadoras GS mai TL halo povu konfuzaun ■Governu husu opozisaun labele dúvida

Polítika dada kadoras GS mai TL halo povu konfuzaun ■Governu husu opozisaun labele dúvida

Bankada FRETILIN iha Parlamnetu Nasionál (PN) konsidera, polítika VIII Governu nian atu dada kadoras Greater Sunrise (GS) mai Timor-Leste (TL), hanesan múzika ne’ebé la klaru hodi fó esperansa inserteza ba públiku.

“Husi loron ba loron, espekulasaun polítika ba mina no gas mak la’o ba mai iha ita-nia leet, kadoras mak muzika ne’ebé trend los iha Timor, múzika inserteza hodi hasa’e liu tan ita nia konfuzaun, kadoras ida ne’ebé? ida tesi au hodi dada bee ne’e ka oinsa? Hirak ne’e hotu nu’udar risku bo’ot no inserteza tebes iha kategoria rezerva nian hanesan, rezerva komprovada, rezerva provaveis no rezerva possiveis, halai dook tebes husi ita nia futar matan, tan inkapasidade ne’ebé Governu AMP hatudu iha setór mina no gas, wainhira ukun RDTL iha tinan 10 nia laran”,relata deputada Maria Ângelica Rangel liu husi deklarasaun polítika FRETILIN nian iha plenária, Segunda (25/02/2019).

Bankada FRETILIN dúvida ho kapasidade Timor GAP ho Autoridade Nasionál Petroleu (ANP), ne’ebé atu jere osan Estadu nian, liu-liu atu jere osan husi fundu petrolíferu hodi halo investimentu greater sunrise iha tasi mane.

“Ami dúvida tebes ho kapasidade entidade hirak ne’ebé atu halo jestaun ba kestaun téknika, polítika no finanseira ne’ebé iha relasaun direta ho assuntu rekursus naturais no rezervas estratéjikas RDTL nian”, relata reprezentante bankada FRETILIN ne’e.

Prova ne’ebé halo FRETILIN dúvida ho kapasidade Timor GAP nian mak, tanba Timor GAP laiha estudu viabilidade.

“Hahú kedan iha tinan ne’ebe hari TIMOR GAP, E.P. to’o oras ne’e, Governu ka Estado aloka ona mais de milliaun USD 40, maibé, aktividade produtiva saida mak ita hetan ona husi TIMOR GAP, E.P ne’e, kapasidade atu jere kompaña ne’e rasik laiha, la aprezenta planu estratéjiku kona-ba oinsa atu dezenvolve kompaña ne’e, so ida ne’ebé sai nu’udar faktu mak SPBU ka estasaun de kombustivel ne’ebé hari’i lerek iha Munisípiu Covalima”, relata deputada bankada FRETILIN.

Lee hotu :   Advogadu sira lori hikas petisaun CNRT ba TR

Maria Ângelica Rangel kontinua lee deklarasaun polítika FRETILIN nian ne’e hodi hateten, kazu taxa COP ne’ebé Estadu RDTL Kuaze lakon milliaun USD500, TIMOR GAP, E.P. sei deve hela kompaña Chinese BGP kuaze milliaun USD11, TIMOR GAP, E.P. hili nia jestor ezekutivu no remunerasaun/salário bazeia ba koluzaun familiares no partidu.

Tuir FRETILIN, projetu Tasi Mane hatudu momós nível no kualidade jestaun Governu AMP la halo estudus viabilidade, antes atu hahú projetu ida, sa tan mega projetu estratéjiku, tenki iha estudus viabilidade integradu atu tetu risku, insertezas, impaktu sosial, ekonómiku, komersial, polítika, seguransa, defesa, no seluk tan,  antes atu foti desizaun ba investimentu.

Bankada FRETILIN esklarese, desenvolvimentu tenki iha implikasaun diretu ba hadia povu nia moris, la’os atu sai fali oportunidade hodi halo riku grupu ou ema ida rua nia aan de’it.

Alende ne’e, bankada FRETILIN mós husu VIII Governu konstitusional, atu aprezenta tratadu Fronteira Marítima ba orgaun soberanu Estadu RDTL nian.

FRETILIN mós husu Governu atu aprezenta detallu kontratu ne’ebé mak reprezentante espesial, Kay Rala Xanana Gusmão asina tiha ona, tanba konsidera lalos, no tuir FRETILIN, lolos ne’e Timor GAP mak asina tratadu refere.

“Tuir lolos TIMOR GAP, E.P. mak asina, hodi nune’e óragaun soberanu (Prezidente Repúblika, membrus Parlementu) atu estuda no hatene didi’ak substánsia akordu nian, atu nune’e labele tau fali Estadu no povu RDTL ba riskus no insertezas politika, seguransa, defeza, ekonómiku, komersias, social. Greater Sunrise la’os asuntu kompaña privada ka unipessoal nian, maibé Greater Sunrise asuntu nasionál, Estadu no povu RDTL, la’os de’it determinante ba futuru Estadu no povu RDTL, maibé, tenki halo poupansa tuir mós presu husi 200 mil vida ne’ebe sakrifika ba objetivu komum ida ne’e”, relata Maria Ângelica.

Lee hotu :   Alkatiri: Palestra la rezolve problema, lideransa tenke hamutuk

Bankada FRETILIN mós sujere atu iha díalogu nasionál hodi tetu risku no inserteza iha aspeitu tékniku ekonómiku, komersial, polítika, seguransa, defeza, sosial no seluktan, antes atu foti desizaun, nune’e labele fó implikasaun profunda ba vida estadu no povu Timor-Leste iha futuru.

Tuir FRETILIN, responsabilidade atu defende soberania, la’os de’it iha figuras eminentes hanesan Xanana ho Taur Matan Ruak, maibé povu tomak RDTL nian.

Hatán ba preokupsaun ne’e, Ministru Reforma Lejislativa Asuntu Parlamentar (MRLAP), Fidelis Magalhães, hateten, povu Timor-Leste tomak liu-liu opozisaun sira labele dúvida ho polítika dada kadoras GS mai Timor-Leste. Tanba sei dada duni.

Fidelis mos hatutan, Timor-oan ne’ebé hakna’ar aan iha Timor GAP, iha kapasidade iha área, kona ba jestaun kompetensia Kámara Kontas nian.

“Sira Timor GAP-ANPM ne’e Timor-oan sira ne’ebé matenek liu iha sira nia área, ami iha Governu mós lahatene detallas kona-ba jeolojia, so sira mak hatene, tanba sira mak espesialista iha sira nia área. Iha pontu balun ne’ebé mak ita foti hanesan, prosesu de jestaun, ne’ebé mak lei fó, ita bele halo auditória, Kámara de Kontas bele halo, tanba iha dever iha responsabilidade iha poder atu haree tuir bainhira iha ezekusaun ba gastus hotu ne’ebé mak ita halo uza osan Estadu”, responde Fidelis.

Governante ne’e esklarese, maske deputadu opozisaun sira kontinua dúvida, maibé prosesu sosa asaun kontinua la’o dadaun, hodi konkretiza promesa ne’ebé AMP promete ba eleitor sira durante kampaña.say

Add to Comments Here!!!!

error: Content is protected.
Secured By miniOrange
You might also like:
Harii koléjiu militar, Dom Duarte hakarak halo kooperasaun ho TL

Dom Duarte de Bragança husi Portugal...

PN husu MTK kria regra ba transporte públiku

Reprezentante povu iha Parlamentu Nasionál (PN),...

FRETILIN konsidera PN sai abrigu ba kriminozu ■Kalbuadi:Ha’u la subar husi justisa

Bankada Frente Revolucionário Timor-Leste Independente (FRETILIN)...

Close