Embaixada TL iha Portugal la detekta paradeira Emília Pires

Estadu Timor Leste (TL) delega kompotensia ofisial ba Eis embaixadora Timor Leste ba Portugál, Maria Paixão hodi identifika paradeira arguida Emília Pires, maiba la konsege, tanba arguida la rezista iha embaixada hanesan timor-oan.
“Ha’u simu duni surat ida husi Governu husi ministeriu ha’u nian, Negosiu Estrangeiru para buka Emilia Pires, ha’u tau duni ema buka ba fatin hotu-hotu, maibe ami la konsege hetan nia iha ne’ebe, tanba nia la rezista iha ema embaixada hanesan Timor oan, Timor oan hotu ne’ebe rezista, ami iha sira nia email numeru telefoni no diresaun no fasil wa’inhira ami ba buka, Emilia Pires mai ha’u mos lahatene nia sidadaun Portugal ka Timor, ha’u lahatene,” dehan Embaixadora Timor – Leste ba Portugál, Espanha no Cabo-Verde, Maria Paixão, ba Jornalista sira, Tersa (05/03), hafoin hasoru malu ho Prezidente Republika iha Palasio Presidensial Bairo Pite,Díli.
Diplomata Timor – Leste nian dehan nia parte halo esforsu buka arguida Emilia Pires maibe lahetan.
“Sim, ha’u haruka ita nia responsavel imigrasaun ninia Angelu Lafu, hamutuk ho ha’u nia motorista mak ba buka, primieiru ha’u Sekretaria Maria de Lourdes ba buka mais lahetan, hein iha Igreza karik nia ba misa, ultima mak responsavel imigrasaun Angelu Lafu ho kondoutor Valter Cruz ba fatin ne’ebe ema sujere, ba buka hatudu fotografia iha kafe sira besik-besik mais ema dehan ami la koñese,” deklara Maria Paixão.
Iha 2016, Eis Ministra Finansas IV Governu Konstitusionál Emília Pires hetan kondenasaun primeira instánsia husi Tribunál Distritál Díli (TDD), ba krime partisipasaun ekonomia de negósiu ne’ebé arguida envolve fó projetu ba nia kaben hodi sosa kama ba Hospitál Nasionál Guido Valadares (HNGV).
Ba krime ne’e,Tribunál koondena arguida ho pena prizaun tinan 7 maibé, antes Tribunál hatuun desizaun, Emília Pires husu autorizasaun ba Tribunál ba estranjeiru atu trata asuntu Estadu, hanesan Prezidente g7+ no aproveita trata saúde. Maibé, to’o oras ne’e arguida la fila mai Timor Leste hodi responsabiliza aktu krime ne’ebé nia halo.Eus

Leave a Reply

Your email address will not be published. Required fields are marked *