JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

KOICA kontinua apoia TL iha investimentu RH

KOICA kontinua apoia TL iha investimentu RH

Korean International Cooperation Agency (KOICA), sei kontinua apoia Governu Timor-Leste (TL), hodi investe iha área rekursu humanu (RH).

Prezidenti  KOICA, Lee Mi-Kyung hateten, servisu KOICA nian durante ne’e iha TL,  fó kontribuisaun ba investimentu  rekursu humanu iha nasaun foun.

“Objetivu ohin ha’u mai hasoru Prezidenti Repúblika, Francisco Guterres ‘Lú-Olo’, atu kongratula Timor-Leste hala’o tinan Idependensia ba dala 20, no ha’u  mai  haree Timor-Leste iha dezenvolvimentu demokrásia, paz  no Prosperiedade  ne’ebe ké kapas tebes, nune’e hau fira katak timor leste nia futuru sei laiha difikuldade, tanba ho situausaun  sira ne’ebé  premite para halo dezenvolvimentu. Ha’u informa mós ba Prezidenti kona ba servisu KOICA nian, ne’ebé durante hala’o iha Timor-Leste, Koica ho ninia misaun mak ema dame no prosperiedade, katak, servisu oinsa atu eleva ema, nune’e ema bele moris iha prosperiedade”, dehan Prezidenti KOICA ne’e ba Jornalista sira, Sesta (08/03/2019),  hafoin hasoru malu ho Xefe Estadu iha Palásiu Prezidensial Nicolau Lobato Bairo Pite Díli.

Tuir Lee Mi-Kyung, Prezidenti Repúblika apresia, no konkorda kona ba investimentu rekursu humanu ne’ebé mak KOICA hala’o iha Timor-Leste, tanba investimentu ba ema mak bele halo dezenvolvimentu nasaun nian la’o ho di’ak.

“Durante ne’e KOICA nia programa ne’e barak liu foka iha área edukasaun nian, ida ne’e ami fira katak, Edukasaun bele kria empregu, agora dadaun mós atu halo formasaun ba juventude sira kona ba, oinsa prepara sira bele servisu  iha rai liur, nune’e ami hanorin sira Skill no lian Korea, para oinsa prepara sira, atu responde ba merkadu traballu  iha Korea ninian” akresneta Nia.

Lee Mi-Kyung haktuir, nia mós ko’alia ho ho Prezidenti Repúblika kona ba saúde nian, tanba Prezidente Repúblika hateten, katak, saúde ne’e mós importante, liu-liu saúde ba labarik sira no inan sira.

Lee hotu :   Lakon kadeira 2 iha EA, PD deside ba opozisaun iha PN

Tuir Lee Mi-Kyung, KOICA mós iha interese maka’as atu investe iha área saúde, nian, no promote sei servisu di’ak liutan iha futuru.

“KOICA mós iha Planu atu kapasita skill ba traballador iha rai laran, tanba fiar katak, servisu konstrusaun ne’ebé mak iha Timor, Timor-oan mak tenki halo, tanba Timor-oan mak iha hanoin atu eleva kapasidade Timor-oan sira nian. hodi bele kompete no hasa’e kualidade servisu nian, no KOICA mós sei servisu iha área igualidade jéneru nian, no ha’u ko’alia ho Xefe Estadu mós konkorda ho ida ne’e, oinsa kapasita feto sira  atu kontribui iha vida polítiku nian”, relata Lee.oly

 

Add to Comments Here!!!!

error: Content is protected.
Secured By miniOrange
You might also like:
FRETILIN preokupa seguransa ba juis no prokurador

Bankada FRETILIN iha Parlamentu Nasional (PN)...

DIA 08/03/19 || GMNTV LIVE STREAM || JORNAL AS 12

DIA 08/03/19 || GMNTV LIVE STREAM || JORNAL NASIONAL KALAN

Close