Maternus Bere nia oan hetan bolsa estudu, Polítika Timor-Leste lá diskrimina Timor-oan

Primieiru Ministru (PM), Taur Matan Ruak, rejeita fó komentáriu  ba kazu milisia pro-Indonézia, Maternus Bere nia oan hetan bolsa estudu medisina ba eskola iha Kuba, tanba prosesu selesaun ne’e akontese uluk kedas.

“Nia prosesu liu tiha ona, nune’e ita atu kolia oinsa, uluk kedas mosu tiha ona hanesan ne’e, agora nia hetan, hansan timor oan, hau espera katak ita nia politika ne’e lá halo diskrimisaun ba timor oan hotu-hotu tuir nia background politika, nia pasadu, ita la hare ida ne’e, tanba ne’e kazu nebe konsumadu ha’u lakoi atu fo komentariu ba ida ne’e,” dehan, Taur Matan Ruak ba jornalista sira hafoin enkotru ho Xefe Estadu Francisco Guterres Lú Olo, iha palasio prezidensial Nicolau Lobato Bairu Pite, Kinta (21/03/2019).

Maternus Bere nudar Komandante Laksaur pro-otonomia ne’ebe nia oan hetan bolsa Estudu ba eskola iha Nasaun Kúba hodi hasai espesiliadade, hatan ba kestaun ne’e.

Antes ne’e, Xefe  Estadu Maior Jeneral F-FDTL, Major Jeneral Lere Anan Timur mós haktuir ema ne’ebé inan-aman sakrifika-an ba rai ida ne’e nia oan sira kontinua moris marzinalizadu no estadu seidauk tau matan.

“Pur-ezemplu Maternus Bere, nia oan agora doutor, tuir bolsa Estudu iha Kuba, agora ba tan hasai espesialidade, ida ne’e kria fator instabilidade ba ita nia rain, purezemplu imi haree keta aban bairu ema tebe imi nia oan nia kidun, ha’u nia oan ema la tebe nia kidun,” haktuir, Lere Anan Timur.Eus