PN dúvida rezultadu fiskalizasaun abstrata ba LAP

Prezidenti Parlamentu Nasional (PPN) Arão Noe, hateten Parlamentu Nasional (PN) kontinua duvida rezultadu fiskalizasaun abstrata ba Lei Atividade Petrolifera (LAP), ne’ebe fó sai la klaru husi Tribunal Rekursu.  

“So que kontiudu husi alenia A Tribunal fo sai ne’e mak la klaru, hateten fali katak inkonstitusional ba artigu 2 lei numeru 1/ 2019 alterasaun ba Lei Atividades Petroliferu lei numeru 13 / 2005, haree husi kontidu ida ne’e, hamosu duvidas, tanba refere ba artigu 2 lei no.1/2019”, hatete Prezidente Parlamentu Nasional.

“Iha artigu 2 ne’e iha asuntu rua alterasaun ba artigu 2 no artigu 22 lei numeru 13 / 2005 entaun se refere hanesan ne’e deit entaun artigu rua ne’e hotu inkonstitusional, artigu 2 no artigu 22, sé iha argumentu iha oin hateten katak inkonstitusional mak artigu 2 lei numeru 13 / 2005 ne’ebe altera ho lei numeru 1/ 2019 sei hateten hanesan ne’e klaru artigu 2 ida altera ne’e mak inkonstitusional artigu 22 lae, komu refere deit hanesan ne’e kria duvidas mai parlamentu”, dehan Arã Noe ba Jornalista sira, iha Palasio Prezidensial Nicolau Lobato, Bairu Pite-Dili, hafoin enkotru ho Prezidenti Repúblika Francisco Guterres Lú Olo, Kuarta (20/03/2019).

Prezidente orgaun lejislativu nee esplika alterasaun lei numeru 1/ 2019 iha alterasaun artigu rua, iha ratigu 2 ho artigu 22 no ida ne’ebe mak los iha inkonstitusionalidade, tanba ladun klaru.

Nune’e, Parlamentu Nasional husu ba Tribunal Rekursu atu halo fali aklarasaun.

Arão Noe mos informa iha loron Tersa (19/03/2019) Parlamentu Nasional simu fali notifikasaun, tanba bankada rekrentis husi deputadu 23 sira halo fali reklamasaun ba Tribunal Rekursu notifikasaun ne’e fó prazu loron lima atu fo resposta no Sesta lorokraik ne’e sei enkamina fali ba Tribunal Rekursu ba notifikasaun ne’e.

Prezidente Parlamentu Nasional nee hatuir bankada rekrentis kestiona ba desizaun ne’ebe Tribunal foti ba alterasaun lei LAP ne’e, tanba iha kontiudu balun Tribunal la konsidera, lá resposta ka komenta, maibe ida ne’e kompetensia Tribunal Rekursu nian.

Nune’e, Prezidente Parlamentu nasional nee husu deit ba Tribunal Rekursu atu klarifika deit, la’os problema. Eus