GMN TV Politika PN husu Governu hadia urjente irigasaun mota Karau-Ulun

PN husu Governu hadia urjente irigasaun mota Karau-Ulun

Deputada bankada CNRT, Virgina Ana Belo, husu VIII Governu konstitusional, liu husi Ministériu Agrikultura, atu hadia irigasaun iha mota Karau-Ulun, ne’ebé fornese bee ba populasaun agrikultura iha Suku Betanu, Postu Administrativu Same Munisípiu Manufahi ho urjente, tanba populasaun ne’ebé durante ne’e benefisia husi irigasaun refere, hein hela atu halo natar.

“Husu ba Ministériu Agrikultura atu tau atensaun ho urjente tebes ba irigasaun iha Karau-Ulun Same,
tanba segementasaun iha Mota Karau-Ulun ne’e maka’as tebes, tanba udan durante ne’e, halo rai henek tama hotu kedas iha fatin ne’eba. Agora dadauk sira presiza urjente ne’e mak atu tau eskavator ida iha ne’ebá ho permanente, hodi suru tutuir rai henek sira ne’ebé tama iha irigasaun, tanba tahu ho rai henek ne’ebé ho ninia volume bo’ot teb-tebes, hodi impata tiha halo bee halai ladun di’ak hodi ba to’o iha komunidade nia natar, ida ne’e mak komunidade sira husu para ministériu bele koloka ka tau hela eskavator ida iha fatin ne’eba hodi raut rai henek”, Virgina Ana Belo transmite preoukapasaun komunidade Betanu nian, iha plenária PN, Tersa, (27/03/2019) ne’e.

Reprezentante povu ne’e mós rekomenda ba Governu atu tau atensaun mós ba irigasaun 1 no 2 iha Maliana, nune’e labele afeita ba populasaun nia servisu nu’udar agrikultor.

“Tanba depois komisaun D ba halo fiskalizasaun iha Maliana, sistema irigasaun Maliana 1 no 2 nia kondisaun mós ladun di’ak, maibé át liu mak iha Same ninian”’ afirma nia.

Hatan ba preokupasaun ne’e, reprezentante Governu, Sekretáriu Estadu Komunikasaun Sosial (SEKOMS), Mericio Juvinal dos Reis Akara rekoñese assunte refere kategória urjensia.

Tanba ne’e Mericio Akara dehan, nia sei transmite informasaun ne’e ba ministériu agrikultura, liu-liu liga irigsaun iha mota Karau-Ulun Same nian,
nune’e ministériu relevante atu bele hala’o nia responsabilidade ho lalais.say


Banner

Foto

Notisia Ikus

VPPN: Tenke reforma estrutura no lei iha PNTL

June 7, 2021
Vise Prezidente Parlamentu Nasionál (VPPN), Mari...

Xanana: Ha’u mesak labele halo buat ida

June 7, 2021
Eis Prezidente Repúblika, Kay Rala Xanana Gusmã...

Xina apoia vasina Sinovac 100.000 ba Timor-Leste

June 7, 2021
Governu Xina liu husi nia Embaixador iha Timor-Le...

Governu lansa fatuk dahuluk ba konstrusaun Programa Uma Kbi’it Laek iha territóriu nasionál

June 5, 2021
Ministériu Administrasaun Estatal (MAE) hamutuk ...

José Ramos Horta admite recandidatura a Presidência da República

June 5, 2021
O Nobel da Paz José Ramos Horta revelou não ter...
1 2 3 610

About

Lorem ipsum dolor sit amet, consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam.

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker