JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Alterasaun LAP laiha inkonstitusionalidade, FRETILIN sei responde dezisaun TR

Alterasaun LAP laiha inkonstitusionalidade, FRETILIN sei responde dezisaun TR

Tribunal Rekursu (TR) iha nia desizaun iha loron 3 Abril 2019, deside tiha ona katak laiha inkonstitusionalidade ka ilegalidade ba alterasaun Lei Atividade Petrolífera (LAP) ne’ebé hetan aprovasaun husi Bloku AMP. Tanba ne’e, bankada FRETILIN sei responde desizaun Tribunál Rekursu (TR) ne’ebé rejeita rekursu alterasaun Lei Atividade Petrolífera ne’ebé bankada opozisaun ne’e hato’o ba TR.

Vise Xefi bankada FRETILIN, Deputadu Francisco Miranda Branco hatete desizaun ne’e relasiona ho rekerimentu hasoru desizaun Tribunál de Rekursu nian ikus liu, ne’ebé fó-sai iha dia 8 de Marsu, kona-ba rekursu ba proposta alterasaun Lei Atividade Petrolífera (LAP).

“Bankada FRETILIN mós haree ba desizaun ida ne’e nudár denegasaun flagrante hasoru justisa. Denegasaun akontese bainhira juís ida rekuza atu rekoñese buat ne’ebé nia rasik fiar katak loos. Iha kontestu ida ne’e, ita taka hela matan ba justisa. Argumentu katak ita laiha lei ruma atu regulamenta kláuzula konstitusionál sira hatudu dezrespeitu ida inaseitável. Ita laiha lei ho valór reforsadu, tanba Konstituisaun RDTL la prevé. Maske nune’e, kontraditóriamente, laiha mós respeitu ba kláuzula konstitusionál sira ne’e, tanba laiha lei,” dehan Branco iha PN, sesta (05/04/2019).

Vise Xefi bankada partido opozisaun nee dehan tan konviktu iha ninia pozisaun, misaun atu tane aas Estado de Direito, Bankada FRETILIN sei responde imediatamente ba desizaun ida ne’e tuir Konstituisaun ho lei ne’ebé vigora iha RDTL atu hatuur hikas fali prosesu hotu-hotu iha nia dalan.

“Bankada FRETILIN reafirma ninia pozisaun atu nafatin defende direitu Povu Timor-Leste nian, iha jerasaun ida ne’e no mós jerasaun sira sei tuir mai, atu goza ho benefísiu husi rekursus naturais hotu-hotu forma ida justu no ekuitativu,”dehan nia

Lee hotu :   Funsionáriu EDTL-SAS 440 sei hetan suplementu remuneratoriu

Deputadu konsideira karik FRETILIN kontinua hatama reklamasaun ba TR, maibe Tribunal mantein nia posisaun signifika katak Timor marka istoria foun prosesu konsolidasaun Estadu nian ho aktus nebe orgaun soberania Estadu rasik maka halo denegasaun.

“Denegasaun signifika ita nia fuan hakarak hatete dehan buat ne’e los duni, maibe tanba deit situasaun atu responde sim ema seluk nia hakarak entaun ita dehan buat ne’e lalos, nebe prosesu sira ne’e hotu ita sei rai nudar memoria instituisional iha Parlamentu Nasional, iha ami nia bankada mos sei iha arkivo espesial ida ba ida ne’e nune aban bainrua ita nia estudante sira husi areas oin oin nebe hakarak halo fali peskiza konsulta ami iha dokumentus nebe komprova katak ami defende buat los, maibe Estadu iha konspirasaun ida atu kontra buat nebe los,” dehan Branco.Nes

Add to Comments Here!!!!

error: Content is protected.
Secured By miniOrange
You might also like:
Estende ka termina mandatu iha RAEOA, Alkatiri: Governu seidauk kontaktu ha’u

Prezidente Autoridade Zona Ekonomia Espesial  Sosial...

DIA 07/04/19 || GMNTV LIVE STREAM || JORNAL NASIONAL KALAN

DIA 07/04/19 || GMNTV LIVE STREAM || JORNAL AS 12

Close