JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Opozisaun akuza AMP boikota KIP ■CNRT konsidera la los

Opozisaun akuza AMP boikota KIP ■CNRT konsidera la los

Relatóriu Komisaun Inkéritu Parlamentar (KIP) ne’ebé to’o agora seidauk hetan  aprovasaun, tanba bankada opozisaun ho bankada apoiu Governu la intende malu kona ba relatóriu ne’e rasik. Tanba ne’e, opozisaun akuza deputadu AMP mak halo boikota hodi lakohi aprova relatóriu refere.

“Projetu 45 ne’ebé laiha kontratu, dehan hein rekomendasaun husi KIP, agora husi AMP blokeia KIP ne’e halo nusa, ne’e ita halo ita-nia emprezáriu sira sai vítima. Kompañia sira hala’o sira-nia projetu ne’e la’os tuir sira-nia hakarak, maibé tanba ordem ruma mak sira halo, uza sira-nia osan rasik, satan projetu emerjensia, maibé parlamentu blokeia malu, dehan tenki hein rekomendasaun husi KIP, maibé KIP rasik atu aprova relatório blokeia malu, ohin Prezidente KIP mós hateten ona, 17 dias ona para atu halo ajendamentu mai plenária, maibé meja PN lakohi halo ajendamentu para diskute, tanba razaun la aprova iha komisaun, maibé la aprova tanba AMP abandona. Tuir lei rasik, kuandu la aprova labele diskute, agora AMP boikota, labele diskute, signifika kuandu la diskute rekomendasaun labele ba Governu hanesan ministru hateten ona, atu selu projetu 45”, relata deputadu Adriano dos Nascimento iha plenária, Tersa (09/04/2016).

Membru KIP ne’e esplika, prosesu hotu remata ona kona-ba servisu KIP nian, maibé hein de’it diskute no aprova relatório de’it, hetan boikota husi AMP, entaun seidauk bele lori ba plenária.

“Komisaun halo ona nia servisu, ida mak halo audisaun iha nivel nasionál no ministru titular sira, inklui diretor sira, depois halo audisaun mós iha Munisípiu ho Prezidente Autoridade sira, inklui diretur obras nian, inklui diretur kompañia sira. Ami mós halo inspesaun ba projetu sira 142 ne’e, depois ami elabora relatório, iha prosesu elaborasaun relatório, ami diskute uluk formatu relatório nian, depois tékniku sira priense saída mak atu tau iha relatório, depois ida ne’e ami iha tempu atu halo apresiasaun semana ida, Segunda to’o Sesta, ne’ebé tuir loloos Sesta hatama ona ba Prezidente, maibé ami halo apresiasaun hotu iha hanoin atu mellora liutan proposta ne’e, infelizmente, depois de ida ne’e, deputadu AMP latama ona, Kuarta lorokraik latama abandona, Kinta to’o Sesta ami hein sira to’o lorokraik la mai, razaun katak, sira laiha tempu, dehan la fó tempu atu diskute, maibé ne’e laloos, tanba tempu atu diskute semana ida, sira mós kestiona kona-ba asesor, maibé parlamentu ka Governu servisu ho tékniku assessor ne’e, deputadu ho ministru la’os atu halo relatório, importante mak formatu relatório ami aprova depois tékniku sira priense”, katak Adriano.

Lee hotu :   PR Lú Olo: Ha’u sei estuda karta koligasaun foun no demisaun PM Taur

Deputadu bankada Partidu Demokrátiku ne’e afirma, depois diskute no aprova sira nia kna’ar mak atu diskute no aprova, maibé sira lakohi diskute.

“Sei la aprova mak labele lori mai plenária, perguntas mak, oinsa mak atu aprova sei sira halai, oinsa lori mai plenária sei sira halai, se lolos ne’e sira diskute tiha lai depois mak mai plenária, sira (AMP) hakarak estende tan, maibé tempu ne’e labele estende ona, tanba tuir lei inkéritu ne’e, 60 dias, estende 30 dias, kuandu iha razoável, problema mak 30 dias estende hotu ona, maibé sira husu tan estensaun, justifikasaun ne’e saída, serake prezidente komisaun inkéritu ne’e atu hateten de’it, tanba deputadu AMP abandona, ne’e labele hanesan ne’e, estensaun kuandu servisu la’o hotu ona, maibé kuandu servisu hotu ona iha de’it diskusaun no aprovasaun, mak atu estende ne’e labele”, afirma Adriano.

Iha fatin hanesan, Vise Xefi bankada CNRT, Patrocino Fernandes, hatete, MAP la biokota. Tanba ne’e nia dezafia komisaun inkéritu parlamentar, dezafia meja inkéritu parlamentar atu iha kompetensia konvense membru sira hodi aprova relatório KIP ne’e.

“Sei la konsege aprova, ha’u dezafia meja komisaun mak laiha kompetensia para atu konvense oinsa mak membru sira hotu bele halo aprovasaun ba relatório sira ne’e”, hateten Patrocino Fernandes.

Alende ne’e, Prezidente Komisaun Inkéritu Parlamentar, Antoninho Bianco konsidera hahalok AMP nian ne’e indisiplinadu.

“Sira duun dehan ha’u mak la organiza, maibé 90 dias ne’e se mak destaka ba komisaun ne’e, tenki dedika nia servisu ne’e hamutuk, Ita bo’ot (deputadu AMP) sira ba tuir tempu tuir imi nia hakarak de’it, atu viazen mak ba, dokumentu para Estudu, Estudu lei ne’ebé ita hala’o, ne’e mak tempu 90 dias ne’e. Ha’u la dun imi nia partidu, maibé ema ne’ebé reprezenta imi nia partidu ne’e mak indisiplinadu, ha’u hanoin ita bo’ot sira atu ignora, maibé akta tranzisaun por eletronik ne’e iha hotu, inskrisaun no transkrisaun iha hotu”, lamenta  Bianco.

Lee hotu :   KM aprova rezoluzaun sosa asaun kompañia Shell ■FRETILIN kontinua dúvida, PD apresia

Antes ne’e, deputadu AMP ne’ebé inklina iha komisaun inkéritu justifika, deputadu AMP lamarka prezensa iha aprovasaun relatório KIP nian, tanba assessores ne’ebé iha KIP ema husi FRETILIN.say

 

 

Add to Comments Here!!!!

error: Content is protected.
Secured By miniOrange
You might also like:
DIA 09/04/19 || GMNTV LIVE STREAM || JORNAL NASIONAL KALAN

DIA 10/04/19 || GMNTV LIVE STREAM || DADER KMANEK

CPLP na GMN edição 04 Abril 2019

Close