JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Veteranu TL hasoru malu ho Governadora Tasmania

Veteranu TL hasoru malu ho Governadora Tasmania

Sekretáriu  Estadu Asuntu Kombatente Libertasaun Nasional, Gil da Costa Monteiro “Oan Soru”, hatete, hanesan Xefi delegasaun Veterannu Timor Leste (TL), senti orgullu tanba foin primeira vez  bele hetan konvite  espesial husi Governadora Tasmania Australia, hodi halo sorumutu, inklui ko’alia mós kona ba kooperasaun rai rua ne’e nian.

“Tanba Governadora nia kaben, Dik Warner, hala’o hela atividade balun iha Balibo kona ba atividade bee moos nian, ne’ebé mak la’os sira atu ba halo hodi fó valor ba sira-nia jornalista Australianu na’in  5 ne’ebé mate, maibé bee moos ne’e atu sustenta komunidade sira iha Balibo, espesialmente ba  labarik sira, iha programa ida naran saúde di’ak, presiza bee moos di’ak, ho razaun ne’e mak Governadora konvida delegasaun, ba iha ne’eba ko’alia ho nia, para bele, presta mós sentimentu  ruma hanesan, lori Governu ne’e nia naran, hato’o  mós ami nia agradesimentu, ba kontribuisaun liu husi governadora nia kaben hala’o ba Timor”,  informa Oan Soru ba Jornalista GMN iha Tasmania Australia, Sesta (27/04/2019).

Gil da Costa Monteiro haktuir, delegasaun veteranu TL, ba iha Australia desde tinan 2004, maibé ho prinsípiu, hasoru malu ho Govenradora Tasmani nian, foin primeira vez.

“Tanba ita hetan konvite ida ke espesial tebes, atu bele ko’alia fó hanoin ruma, ne’ebé Governadora ne’e rasik, mós hakarak hatene, progresu saida mak akontese iha Timor-Leste, liu liu, liu husi nia kaben, no nia rasik  mós hakarak hatene ita mai paritisipa iha eventu Anzac day  ne’ebé hala’o iha loron 25 fulan  Abril  tinan ne’e, tanba Governadora iha nia diskurusu rasik, ko’alia kona ba partisipasaun, nasaun hotu nian, espesial ba Timor-Leste, tanba ne’e senti orgullu bo’ot ida, tanba nasaun bo’ot Australia bele temi Timor-Leste nia naran” hatutan Xefi Delegasaun Veteranu  ne’e..

Lee hotu :   Agostinho Gomes: Jose Luis ba AMP la fo impaktu ba FDD

Nia salienta, la fasil atu temi naran nasaun ki’ik oan, espesial TL, maibé hanesan governante senti orgullu, tanba naran TL ne’e, maske nasaun ki’ik, maibé bele sai naran bo’ot, iha nasaun bo’ot sira-nia fuan.

“Agora objetivu  hotu  ne’ebé ba futuru ita atu la’o, ita labele determina agora, maibé hanesan ema ba ema, hanesan veteranu, no hanesan governante, ne’e signifika iha esperansa di’ak ida, tanba iha konsul onoráriu  ne’ebé Tasmania ne’e rasik mós reprezenta hela Timor iha fatin ida ne’e, tanba hanesan Timor-oan, ita tenki senti orgullu, no agradese mós, tanba sira bele oferese kampu servisu ba  ita-nia Timor-oan atus ida resin iha Tasmania ne’e”, katak Oan soru.oly

 

Add to Comments Here!!!!

error: Content is protected.
Secured By miniOrange
You might also like:
Bispu Dioseze Maliana inaugura edifísiu ISC Maliana

Iha Sabadu loron  (27/04), Bispo Diocese...

PR Lú Olo preokupa osan ba dada kadoras mai Timor-Leste

Prezidenti Republika (PR), Francisco Guterres ‘Lú...

DIA 29/04/19 || GMNTV LIVE STREAM || DADER KMANEK

Close