Mari Alkatiri: Mandatu prezidente RAEOA mak remata maibe fundadór Estadu sei la remata

Atual Sekretáriu Jerál Partidu FRETILIN, Mari Alkatiri afirma nia mandatu hanesan prezidente Autoridade Região Administrativa Especial de Oé-Cusse Ambeno (RAEOA) no Zona Espesiál Sosiál Merkadu (ZEESM) besik atu remata ona maibe núdar fundadór Estadu Timor-Leste sei la remata.

Prezidente Autoridade  RAEOA-ZEESM, Mari Alkatiri hato’o kestaun ne’e hafoin hala’o lansamentu ba Planu Estratéjiku Rejionál tinan 2019 to’o 2023 iha Salaun Solidaridade Sosiál Palaban Oe-Cusse RAEOA, Sesta (24/05/2019).

Líder nasionál no fundadór nasaun ne’e afirma  maski nia mandatu remata maibé hakarak husik hela eransa ida liu huhsi planu estratejiku  nune’e figura troka fali nia bele kontinua ba oin.

“Hau mandatu besik remata ona, mandatu hanesan prezidente RAEOA mas hanesan fundadór, hau nian mandatu la remata, e ne’e mak hau hakarak husik buat sira ne’e antes sai, se mak mai hakarak kontinua, e kontinua, hakarak atu hatama iha gaveta, hatama ba gaveta. Uluk hau periodu governu, hau husik tiha planu sira barbarak iha ne’ebá, maibe governu tuir mai ne’e hatama iha gaveta, e ne’e Díli sai agora runggu rangga,” hateten Prezidente Autoridade  RAEOA-ZEESM, Mari Alkatiri.

Entretantu mandatu Prezidente Autoridade  Região Administrativa Especial de Oé-Cusse Ambeno (RAEOA) no Zona Espesiál Ekonomia Sosiál Merkadu-ZEESM, Mari alkatiri sei remata iha fulan Jullu tinan ne’e. Ito