PM orienta kria ekipa interministeriál hala’o estudu viabilidade ba Baía Nova Díli

Primeiru Ministru (PM), Taur Matan Ruak, orienta membru Governu sira atu kria liña entre ministeriál, hodi halo estudu viabilidade ba baía Nova Díli.

Xefe Governu fó orientesaun ne’e, iha ámbitu bainhira rona aprezentasaun husi Ministru Administrasaun Estatál em ezersísiu Abílio José Caetano, konaba proposta projetu baía Nova Díli iha reuniaun Konsellu Ministru.

Ministru Prezidénsia Konsellu Ministru Agio Pereira hatete,  aprezentasaun proposta konaba projetu baía Nova Díli ne’e, importante no projetu ne’e mai kedas iha tinan kotuk.

“Projetu baía Nova Díli, atu halo iha Lecidere to’o Palasiu Governu nia oin, halo estudu atu konstrui Baía ida hodi ró ahi sira para”, Agio Pereira informa ba jornalista sira iha Palásiu Governu.

Governante ne’e informa mós katak, iha reuniaun konsellu ministru Primeiru Ministru Taur Matan Ruak, orienta hodi entrega ba Ministru Prezidénsia Konsellu Ministru Agio Pereira, atu koordena ministériu relevante sira, tanba projetu ne’e bo’ot, nune’e presiza haree no halo estudu viabilidade ba implementasaun nian.tos