JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN simu karta lamentasaun husi Lú Olo kona ba Guntur

PN simu karta lamentasaun husi Lú Olo kona ba Guntur

Parlamentu Nasionál (PN), simu karta lamentasaun husi Prezidente Repúblika (PR), Francisco Guterres ‘Lú Olo’, relasiona ho publikasaun linguazen immoral deputadu bankada PLP, Sabino Guntur nian iha média sosial.

“Apresiasaun ne’ebé ami halo mak, karta ida husi PR kona-ba lamentasoens balu ba komentáriu deputadu balun nian iha Facebook, relasaun ho asuntu ne’e mak ami ko’alia, maibé ho preokupasaun sira ne’e hotu, la’os de’it ba komentáriu ne’ebé deputadu ne’e halo, maibé liga mós asuntu jerál ne’ebé sempre akontese. Tanba ne’e bankada sira buka hamosu konsensus para oinsa hamosu lei, hodi regulariza ona rede sosial, hanesan Facebook, Twitter, WhatsApp, no seluktan, ne’e ita bele regulariza, para iha kontrolu no iha mós responsabilidade ba aktu hotu”, relata Prezidente PN, Arão Noe Amaral, ba jornalista sira iha PN, Kinta (16/05/2019) ne’e.

Arão Noe haktuir, karta ne’ebé Parlamentu simu, hanesan lamentasaun ne’ebé meja sei anunsia de’it iha plenária, maibé sei la responsabiliza ba aktu deputadu Sabino Guntur nia komentáriu.

“Karta hanesan PR nia lamentasaun, tanba komentáriu deputadu nian mós la’os iha plenária Parlamentu nian, kuandu iha plenária, rejimentu proteze deputadu ninia liberdade ba espresaun, maibé kuandu liu husi meius sira seluk, ne’e responsavel individual, kabe ba ita-nia lei kódigu sívil no kabe ita-nia Prezidente Repúblika karik senti ofendidu, bele tau asuntu ne’e ba Tribunal, ne’e kompetensia PR nian, maibé karta ne’e, PR informa hanesan lamentasaun, para anuncia de’it iha plenária no kopia fahe ba deputadu sira hotu, maibé desizaun saída no atu halo saída, Parlamentu labele halo buat ida, tanba intervensaun deputadu nian ne’e, la’os iha plenária, karik iha plenária deputadu protezidu, tuir rejimentu PN nian ne’ebé hateten katak, bainhira deputadu la responde kriminalmente ba nia aktus no ko’alia iha plenária, kuandu hala’o kna’ar, tanba ne’e PN sei la responsabiliza nia aktu ne’e”, esplika Arão Noe.

Lee hotu :   Diálogu iha Karantina, PNTL husu komunidade kontribui ba paz

Líder másimu órgaun lejislador ne’e esklarese, iha tempu badak, PN sei esforsu atu bele kria lei ruma, hodi regula tiha publikasaun sira iha média sosial, nune’e prevene mosu publikasaun ne’ebé ofende ema seluk nia dignidade, liu-liu lideransa nasaun nian.

“Maske iha ita-nia lei kódigu penal hateten, defamasaun ne’e la’os krime, maibé buat ida ne’ebé grave liu, bankada sira presiza iha konsensus, no presiza duni ita regulariza ona sasan sira ne’e, para labele halo ema abuzu demais liberdade ne’e, sem iha responsabilidade ba saida de’it mak nia komenta. Maibé la’os dehan tanba de’it kazu ida ne’ebé deputadu ne’e nia komentáriu, maibé komentáriu em jerál ne’ebé liga ba defamasaun, dalaruma tau foto lideransa nasionál sira nian, ne’ebé ho karikatura oi-oin, no komentáriu oi-oin, ne’ebé ba to’o insultus ho trata sira ne’e”, relata Arão Noe.

PPN ne’e haktuir, ho situasaun hirak ne’e, PN hanoin katak, presiza duni ona atu TL  iha lejislasaun ida atu regularize media social.

Arão Noe  salienta, média sosial sai preokupasaun mundial, ne’ebé nasaun barak senti afeitadu husi liberdade publikasaun iha média sosial, ne’ebé tenta sobu mós unidade nasional.

“Momentu ami partisipa reuniaun UIP iha Genebra, tópiku ida ne’e sai hanesan mós preokupasaun ema hotu nian iha mundu, tanba iha komentárius oi-oin ne’ebé bele implika ba estabilidade nasionál, no mós estabilidade mundial nian. Ho preokupasaun sira ne’e hotu, Timor hanesan país ida ne’ebé nasaun independente, parte husi mundu ne’e, ita mós presiza tau iha atensaun atu regulariza, nune’e labele iha problema ne’ebé afeita no bele implika to’o iha seguransa nasionál”, tenik Arão Noe.

Lee hotu :   KOLIGASAUN FDD SAI BANGKADA TOLU

Relasiona ho asuntu ne’e, jornalista GMN tenta konfirma ho deputadu PLP, Sabino Guntur ne’ebé publika komentáriu iha média social, krítika Xefi Estadu ho linguazen goblok , maibé la konsege, tanba deputadu refere hala’o hela atividade fiskalizasaun.

Antes ne’e, deputadu Sabino Guntur deklara ona iha plenária katak, nia parte prontu responsabiliza aktu ne’ebé nia halo, tanba ID ne’ebé nia uza hodi halo komentáriu ne’e, la’os ID falsu, maibé ninian rasik.say

Add to Comments Here!!!!

error: Content is protected.
Secured By miniOrange
You might also like:
PM Taur seidauk simu pedidu sosa kilat ba PCIC  Ramos Horta apoia

Primeiru Ministru (PM), Taur Matan Ruak,...

DIA 16/05/19 || GMNTV LIVE STREAM || JORNAL AS 12

DIA 16/05/19 || GMNTV LIVE STREAM || JORNAL NASIONAL KALAN

Close