Prepara OJE ba 2020, PM Taur fó hanoin hamenus despeza korrente

Primeiru Ministru (PM), Taur Matan Ruak, fó hanoin ba Ministra Finansa Ezersísiu Sara Lobo Brites, atu halo planu no preparasaun Orsamentu Jerál Estadu (OJE) tinan (2020) hodi refleta ba orsamentu hodi hamenus iha despeza korrente. 

Tama tinan klaran Governu planu iha faze preparasaun orsamentu ba tinan oin (2020),Ministeriu Finansas nu’udar instituisaun Estadu iha responsabilidade hodi fahe informasaun ba kada ministeriu hodi bele iha planu diak no refleta ba orsamentu.

Tamba ne’e  iha loron 29 ,fulan Maiu,tinan ne’e ministeriu finansas sei enkontru informal ho ministeriu sira ,hodi rona prioridade ne’ebé mak hakarak implementa iha tinan 2020 ba kada ministeriu sira.

“Primeiru Ministru hodi prepara informasaun balun hanesan despeza balun ne’ebé mak Governu hare katak,nesesariu presiza atu koa entaun ministeriu finansas presiza prepara dadus atu bele informa liu-liu despeza rekorrente hanesan viazen  ba rai liur,despeza aluga kareta ,depseza ba mina entaun presiza hare iha orsamentu” Ministra Finansas em Ezersísiu Sara Lobo Brites, hatete ba Jornalista sira ,hafoin hasoru malu ho Primeiru Ministru Taur Matan Ruak, hodi informa konabá informasaun saida mak sei fahe ba kada Ministeriu konabá prioridade orsamentu,iha Palasiu Governu,Tersa (21/05).

Tuir ministra Finansas, despeza korrente bele hamenus,tamba hanesan despeza ne’ebé mak gasta,mas bele sukat no poupa hodi bele tau fali ba osan seluk.

“Ida ne’e planu Governu nian atu iha efisiensia  iha alokasaun orsamentu no bele tau iha área ne’ebé bele benefisia liu bem estar ema hotu-hotu nian”MF informa.

Ministra Finansas esplika ,Ministeriu finansas iha ona jestaun finansas públiku hodi hare bele iha efisiensia no hadia liu tan orsamentu.tos