Ramos Horta : Remodelasaun bele hadia governasaun AMP

Eis Prezidente Repúblika, José Ramos Horta, konsidera, remodelasaun iha Governu ne’e normal, tamba liu husi remodelasaun mak bele muda politika servisu sai diak liu tan.

Lauriado Nobel da Paz 96 hato’o lia hirak nee relasiona ho publikasaun iha media sosial kona estrutura sombra kompozisaun Governu no mos deklarasaun husi  Primeiru Ministru Taur Matan Ruak, konabá remodelasaun, foin lalais nee.

José Ramos Horta, konsidera, iha Governu mosu remodelasaun ne’e normal,tamba liu husi remodelasaun atu hadia diak liu tan servisu iha Governasaun AMP nian ho diak liu tan.

Diploamata senior Timor – Leste nian nee mos husu ba lider Aliansa Mudansa ba Progresu (AMP), Primeiru Ministru Taur Matan Ruak, ho Kay Rala Xanana Gusmão,inklui  lider partidu FRETILIN Mari Alkatiri, ho Francisco Gueterres Lú-Olo, tenki tur hamutuk hodi halo diaologu hodi solusiona inserteza politika iha rai laran.

Eis Primeiru Ministru iha sengundo Governu Konstitusional iha 2006 ne’e apela ba hotu-hotu nia apoiu atu nune’e iha konsensu politiku entre lider partidu bo’ot sira liu-liu ba sira ne’ebé hetan kadeira iha Parlamentu Nasional.tos