Agio Pereira sai Primeiru Ministru interinu

Hahú semana oin, Ministru Estadu Prezidenti Konsellu Ministru, Agio Perreira, sai Primeiru Ministru Interinu, tanba Primeiru Ministru Tau Matan Ruak ba tratamentu saude iha rai liur.

“Ha’u hatete ba prezidenti katak Ha’u iha problema saude, tanba ne’e dia 16 ha’u sai depois sei fila fali mai, kuandu ha’u sai Minsitru de Estadu Prezidenti Konsellu Ministru doutor Agio Perreira mak sei lidera Governu iha tempu ne’ebe ha’u nia aujensia”, dehan Taur Matan Ruak hafoin enkontru semanál ho Prezidente Repúblika Francisco Guterres Lú Olo iha palásiu prezidensiál Nicolau Lobato, Bairu Pite-Dili, Kinta (13/06/2019).

Maski nune’e, Xefe ezekutivu nee ne’e  la esplika detalla konaba ninia moras no mós nasaun ne’ebé nia sei ba halo tratamentu saude.

“Diak tiha mak fila fali, sé diak fila imi hatene ha’u sei hatete ba imi, sé mate imi haree hau nia oin hehe,,e,e,e,,ne’e ha’u lahatene mediku mak hatene,” dehan, Xefe Governu ne’e.

Tuir ajenda, Xefe Governu ne’e sei dezloka iha Domingu (16/06/2019).

Durante iha enkontru ne’e, Xefe Governu ho Xefe Estadu ne’e mós diskuti konaba ajenda viajen Prezidente Repúblika ba Munisípiu Covalima (Suai) ne’ebé involve mós membru Governu sira. Eus