JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

AMP deside la estende mandatu Alkatiri iha RAEOA

AMP deside la estende mandatu Alkatiri iha RAEOA

Bloku Koligasaun Aliansa Mudansa ba Progresu (AMP), liu hosi konferensia ne’ebé realiza iha loron Sábadu no Domingu foin lalais ne’e, deside ona atu la estende tan mandatu Marí Alkatiri hodi kontinua lídera Zona Ekonomia Espesial Sosial Merkadu (ZEESM) iha Rejiaun Administrativa Espesial Oe-cusse Ambeno (RAEOA).

“Iha ami-nia desizaun dehan la extende. Agora Governu la extende ne’e Governu nia desizaun, ami ko’alia tuir  konferensia nia membru sira nia pozisaun. Timor-oan barak matenek bele ba iha ne’eba (RAEOA)”, deklara Xefe bankada CNRT, Duarte Nunes iha Parlamentu Nasionál, Segunda (17/06/2019).

Kona-ba kandidatu foun hodi assume hikas kargu Prezidente RAEOA, deputadu AMP ne’e lakohi fó komentáriu, tanba kompetensia Governu nian atu identifika ka hili ema ruma hodi responsabiliza ba RAEOA.

Duarte afirma, durante konferensia loron rua iha Hótel Terra-Santa Comoro Díli, seidauk diskute kona-ba kandidatu ruma atu troka Marí Alkatiri.

“Ha’u deputadu ha’u lakohi fó komentáriu, ne’e Governu nia kompetensia. Kona-ba maun Xanana atu interinu ne’e, informasaun públiku de’it, anin mak hu’u de’it, ne’eduni ita kaer ida ne’e, di’ak liu husu ba Governu, karik tempu to’o ona, parese sei fó sai. Extende ou lae ne’e Governu nia desizaun, ami ko’alia tuir buat ne’ebé mak membru ka konfrensista sira-nia pozisaun, tanba tempu tinan lima hotu ona”, hateten Duarte Nunes.

Iha sorin seluk, Vise Xefe bankada FRETILIN, deputadu Francisco Miranda Branco realsa, karik bainhira Prezidente AMP Kay Rala Xanana Gusmão mak lidera fali ZEESM mós, FRETILIN kontinua fó apoiu, tanba Xanana iha esperiensia lubuk ona.

 “Maun Xanana mós ema ida esperiensia bo’ot, esperiensia iha ita-nia luta libertasaun nasionál, esperiensia hanesan Prezidente Repúblika, esperiensia mós hanesan Primeiru Ministru, ne’eduni di’ak liutan”, afirma Branco.

Lee hotu :   Antoninho Bianco konsidera OJE tau ba "saku azul"

Tuir lei númeru 3/2014, no  estatutu Rejiaun Administrativa Espesial Oe-cusse Ambeno, mandatu Prezidente Autoridade RAEOA, to’o tinan 5, ne’ebé aprova ho votus unanimidade, husi Parlamentu Nasional terseira lejislatura, no hetan promulgasaun husi eis Prezidente Repúblika, atuál Primeiru Ministru VIII Governu konstituisional, Taur Matan Ruak.

Entretantu, mandatu Prezidente RAEO, Marí Alkatiri ne’e, sei remata iha fulan Jullu tinan  ne’e.say

Add to Comments Here!!!!

error: Content is protected.
Secured By miniOrange
You might also like:
DIA 17/06/19 || GMNTV LIVE STREAM || JORNAL NASIONAL KALAN

Kazu soe bebé aumenta, Dom Basílio: Inan-aman tenki forma konsiénsia ba oan sira

Bispu Dioseze Baucau, Dom Basílio do...

Jorge Serrano: GMN halo tinan rua tanba kontribuisaun husi telespetadór sira

Prezidente Konsellu Administarsaun Grupo Média Naciona...

Close