JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Asuntu abandona família pasiente iha Hospital Siloam Surabaya, PN sei konfirma MS

Asuntu abandona família pasiente iha Hospital Siloam Surabaya, PN sei konfirma MS

Prezidente Komisaun F Parlamentu Nasionál (PN) ne’ebé trata ba asuntu saúde, seguransa sosial no veteranu, Maria Barreto, hateten konaba asuntu abandona família pasiente iha hospital Siloam Surabaya, Indonezia, ne’ebé viral iha media sosial, Parlamentu Nasionál sei halo konfirmasaun ho Ministériu Saúde (MS) atu hatene kauza ne’e lolos.

Tuir informasaun no kronolojia iha media sosial katak, governu Timor-Leste haruka pasiente Filomena Lago da Costa sofre ne’ebé moras kankru Kakutak  ne’e no akompaña husi pasiente nia laen Estanislau da Silva husi Hospital Guido Valadares Díli ba Hospital Siloam Surabaya Indonezia iha loron 18 fulan Juñu ne’e.

Maibe durante estadia iha Hospital Siloam Surabaya Estanislau ne’ebe akompaña pasiente núdar nia espoza, nia la iha direitu hetan toba fatin no tenki hein nia ferikoan iha liur.

Estanislau mós la iha direitu hetan ai han no tenki hasai osan husi bolsu rasik.

Relasiona ho kestaun ne’e prezidente komisaun F Parlamentu Nasionál,  ne’ebé trata ba asuntu saúde, seguransa sosiál no veteranus, Maria Barreto  hateten komisaun ne’e iha tempu badak sei halo konfirmasaun ho Ministériu Saude atu identifika kauza lolos husi preokupasaun refere.

“Komisaun F, ami sei presija para atu bele halo konfirmasaun ho ministériu saude e liliu iha Hospitál Nasionál Guido Valadares ne’ebe mak halo transferensia pasiente sai ba liur. Haré iha média sosiál, ema barak fó komentáriu konaba asuntu ida ne’e katak abandonadu ba familia no pasiente e liliu ba familia, e laos pasiente tanba hetan tratamentu, seluk fali ami mos presija hatene tuir ministériu saude ninia kontratu ho hospitál rai liur ne’e,” hateten Prezidente Komisaun F PN, Maria Barreto.

Lee hotu :   PR Lú Olo lalikan mehi ba eleisaun antesipada

Antes ne’e ministeriu saúde liu husi Diretor Nasional servisu apoiu hospitalar no emerjénsia, Horácio Sarmento da Costa fo sai ba publiku katak diresaun nasionál rezeita infomasaun ne’ebé família pasiente filomena Lago da Costa ho moras  kankru kakutak ne’ebé publika iha media sosial katak  governu la selu ótel ba família pasiente.

Tanba governu tranfere pasiente ba estranjeiro buat hotu governu mak selu  no família pasiente sira  la gasta nia osan tanba ne’e kona-ba família pasiente refere falta lina koordenasaun ho fokal poin sira.

Total pasiente ne’ebé  governu haruka ba estranjeiro hahú husi fulan janeiro to’o agora hamutuk 100 ida resin iha Hospital Bali, Surabaya, Jakarta, Singapura no  Malasia  ho tipo moras kankru kurasaun no  rins. Ito

 

Add to Comments Here!!!!

error: Content is protected.
Secured By miniOrange
You might also like:
Filomeno Paixão: Lista kobransa ilegál submete ona ba CAC ■ Karimbu ida folin USD 400

Ministru Defeza no Interior Interinu, Filomeno...

PM Taur sofre moras estómagu inflamasaun

Vise Ministru Saúde, Bonifacio Maukoli dos...

Viola lei traballu, Traballadór halo asaun greve hasoru kompañia Mira-Mar Block

Traballadór  hamutuk na’in 60 resin, Tersa ...

Close