Guiné Bissau kontinua hametin kooperasaun bilateral ho TL

Prezidenti Guiné Bissau, José Mário Vaz, kontinua hatudu kompromisu kooperasaun bilateral ho Timor- Leste.

Enviadu Espesial Guiné Bissau, António Pedro Gomes, hato’o mesajen Prezidente Guine Bissaun nian ba Prezidente Republika, Francisco Guterres Lú Olo, Tersa (04/06), iha Palasio Presidensial Bairo Pite, Díli.

Porta Voz Prezidente Guine Bissau hatete kontiudu husi mensagen ne’e,Guiné Bissau kontinua husu atu hametin nafatin kooperasaun bilateral ho Timor Leste.

“Ha’u mai nudar porta – vos Prezidenti Guiné Bissau José Mário Vaz lori mensajen mai hato’o ba Prezidenti Repúblika Lú Olo no kontiudu mensajen ne’e kona-ba kooperasaun institusional no kooperasaun biletral,” dehan António Pedro Gomes.

Maske nune’e, Enviadu Espesial Estadu Guiné Bissau ne’e la esplika detallu kona-ba área kooperasaun sira entre nasaun rua nee iha future.

Antes ne’e Timor-Leste ho Guiné-Bissau asina ona akordu kooperasaun bilaterál iha área hitu maka área ekonómiku, sosial, kulturál, siéntífiku, tékniku no teknolójiku no área mina rai nian. Eus