JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Nasaun 20 husi g7+ asina akordu habelar ezisténsia iha mundu ■Horta nomeadu ba enviadu espesiál g7+

Nasaun 20 husi g7+ asina akordu habelar ezisténsia iha mundu ■Horta nomeadu ba enviadu espesiál g7+

Hafoin enkontru interministerial ba da-lima iha Lisboa, Portugal, reprezentante  nasaun 20 ne’ebé halibur-an hamutuk  iha organizasaun g7+ desidi asina deklarasaun komunikasaun Lisboa nu’udar desizaun estratéjku ida atu manan simpatia komunidade internasionál no habelar ezisténsia organizasaun g7+ iha mundu.

Reporter GMN, Tito Livio, husi Portugal hato’o reportajen katak, deklarasaun komunikasaun Lisboa ne’e asina hamutuk husi nasaun membru g7+ nian ne’ebé partisipa iha enkontru interministeriál durante semana ida iha Lisboa Portugal ne’e.

Nune’e mós deklarasaun ne’e hanesan konkordánsia ida hodi rotativa ba membru sira ne’ebé mak kaer knaar estrutura g7+ nian.

Rezultadu husi konkordánsia ne’e  organizasaun g7+ fó konfiansa ba  lauriadu nobel da paz hodi kaer pasta hanesan enviadu espesial ba g7+, no Vise Prezidente mak Nheed Sarabi husi Afganistaun,  Prezidente g7+ mak Francis Kakai husi Sierra Lione, pessoa eminente mak Kay Rala Xanana Gusmão, no Sekretáriu Jerál sei nafatin Helder da Costa,  nune’e mós edifísiu ba sekretaridu g7+ nafatin iha Díli.

Iha sesaun diskusaun pessoa eminente Kay Rala Xanana Gusmão foka liu ba progresu dezenlvolvimentu ekonomia ba futuru nasaun membru g7+ sira.

“Kolega sira husi husi g7+ hakarak progresu ne’ebé iha aspetu dezenvolvimentu nasaun membru g7+ nian. Ha’u mos profundamente satisfeitu ba mudansa radikal iha Banko Mundial ninian para melhora ami nia kondisaun”,Kay Rala Xanan Gusmão.

 Nune’e mós laureadu nobel da paz, José Ramos Horta fahe kona-ba ninia esperiénsia luta diplomátiku ne’ebé hala’o iha tempu pasadu iha Estadu Unidu Amérika no iha fatin seluk kona-ba Timor-Leste nia ukun rasik-an.

“Guiné apoiu ami nia independensia unilateral liu ba, nasaun afrika sira, nasaun Karibia sira mos suporta ami. Bainhira ha’u to’o iha Nova Iorque iha tinan 1975 liu ba ha’u halo misaun barak kona ba Timor-Leste mos”,reafirma  José Ramos Horta.

Lee hotu :   Atu mosu kompetisaun iha área telekomunikasaun, PN: Governu tenki fó oportunidade ba kompañia Ceslink

Enkontru interministerial ba dala lima ne’e hala’o durante loron rua hahú husi loron 26 to’o 27 fulan juñu ne’e.

Durante engkontru ne’e la’o hetan observasaun husi membru parlamentu nasional sosiedade sivíl no identidade sira seluk.

Horta nomeadu ba enviadu espesiál organizasaun g7+

Nune’e mos iha última dia reuniaun organizasaun g7+ nomeia laureadu nobel da paz, José Ramos Horta hodi asumi knaar nu’udar enviadu espesiál ba membru g7+ sira.

Laureadu nobel da paz tinan 1996,  José Ramos Horta, hetan konvite espesiál  husi pesoa eminente Kay Rala Xanana Gusmão hodi partisipa enkontru interministerial g7+ ba da-lima iha Lisboa Portugal.

Ramos Horta rasik prontu fó tulun no tane organizasaun g7+ nia objetivu entermus referénsia no prioridade sira ne’ebé nasaun membru organizasaun ne’e atu alkansa  tanba konsidera nu’udar obrigasaun lider istóriku sira nian atu tulun organizasaun estadu frajíl sira.

Líder diplomata senior Timor-oan ne’e rekoñese servisu sekretariadu g7+ nian durante ne’e konsege hetan rezultadu  rekoñesimentu husi komunidade internasionál ba sistema  multiraterál g7+ nian.

“Mai husi sekretariadu husi maun bo’o Xanana atu halo buat ruma para tane g7+ nia objetivu. Ha’u klaru buat sira ne’ebé ha’u konsidera hanesan  obrigasaun ida polítiku, étiku, moral,  tanba g7+ hanesan Estadu frájil no ha’u koñese kuaze rai  sira ne’e hotu, no ha’u senti simpatia solidariedade ho sira. Ne’e duni bainhira ha’u simu konvite husi sekretariadu husi maun bo’ot Xanana Gusmão, ha’u hatete kedas sim, ha’u prontu depois mak sei tur haree didiak termu referensia, mandatu objetivu saida, prioridade atu alkansa, ha’u prontu atu fahe ha’u nia esperiensia atu tane g7+, tanba tane g7+ hanesan tane Timor-Leste rasik. Ha’u haree maun bo’ot Xanana ho g7+ sira konsege duni hetan fatin ida iha komunidade internasionál no sistema multilateral ba g7+, hanesan atór ida ba diálogu iha tinan barak nia laran hahú uluk ha’i iha prezidensia hela primeira vez hahú konseitu g7+ ne’e manan ona nia fatin iha forum internasionál no ne’e hanesan fo forsa ba g7+ no bele halo diálogu ho parseiru dezenvolvimentu sira no bele halo diálogu ho rai sira hanesan Xina, hanesan Estadu Unidu Amérika, hanesan Uniaun Europeia, no rai bo-boot sira para buka tulun apoiu ba g7+ nia realidade konkretu ba ajuda ekonómiku, ba infraestrutura, ba edukasaun. Tanba buat sira ne’e importante para ita konsolida dame. Dame la’os ita koalia de’it, ita buka rezolve problema neébé povu nian. Ne’e duni objetivu g7+ nian mos buka mobiliza rekursu internasionál sira para fó apoiu ba prioridade sira ne’ebé membru g7+ sira define”,hatete enviadu espesiál g7+, José Ramos Horta.

Lee hotu :   Mosu inundasaun iha Díli, FRETILIN: Governu falla halo planeamentu ba drainajen

Dadaun ne’e organizasaun g7+ iha ona estrutura rasik mak hanesan pesoa eminante g7 + Kay Rala Xanana Gusmão sekretariu jerál g7+ Helder Da Costa prezidente g7+ francis kakai husi sieralione vise prezidente g7+ Nahed Sarabi husi afganistaun no mós enviadu espesial g7+ mak José Ramos Horta antigu Prezidente Repúblika Timor Leste.*****

Add to Comments Here!!!!

error: Content is protected.
Secured By miniOrange
You might also like:
Hábitos de leitura raros em Timor-Leste

É reconhecida a falta de hábitos...

DIA 28/06/19 || GMNTV LIVE STREAM || JORNAL NASIONAL KALAN

DIA 28/06/19 || GMNTV LIVE STREAM || JORNAL AS 12

Close