JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN fiar ba kapasidade lideransa Xanana Gusmão rezolve fronteira terrestre TL-RI

PN fiar ba kapasidade lideransa Xanana Gusmão rezolve fronteira terrestre TL-RI

Parlamentu Nasionál (PN) iha fiar ba kapasidade lideransa Kay Rala Xanana Gusmão hodi rezolve fronteira terrestre entre Timor-Leste (TL) ho Repúblika Indonézia (RI), basá Xanana hatudu ona iha tempu okupasaun Indonézia durante tinan 24 iha Timor-Leste.

Prezidente Komisaun B Parlamentu Nasionál ba asuntu Negósiu Estranjeiru, Defeza no Seguransa Nasionál, Aderito Hugo da Costa hato’o kestaun ne’e  relasiona ho informasaun ne’ebé espalla iha pájina ofisiál LIPUTAN 6  ne’ebé hateten komunidade NNT Kupang ne’ebe preokupa sidadaun Timor okupa Illa Naktuka ne’ebé sira konsidera sei sai illa disputa.

Espresaun sidadaun ne’e livre no sei la fó impaktu ba relasaun amizade no unidade entre Estadu Timor-Leste ho país viziñu Indonézia.

Maibé ho kapasidade lideransa reprezentante Estadu Timor-Leste, Kay Rala Xanana Gusmão sei bele rezolve fronteira terrestre entre Timor-Leste ho Indonézia.

“Hau senti espresaun sidadaun Indonézia nian atraves media sosial bele to’o iha nível ida ne’e, ba ita mak disputa sira entre nasaun rua ba fronteira ne’e sempre rezolve atraves de meza negosiasaun. Timor-Leste, negosiasaun ne’ebe la’o to’o a data, ita tama ona ho negosiadór prinsipal exelensia Kay Rala Xanana Gusmão mak agora halo hela kontinuasaun mandatu Estadu nian para halo kontinuasaun negosiasaun fronteira Timor-Leste ho Indonézia nian, e ita fiar katak kapasidade lideransa, kapasidade negosiasaun ba fronteira marítima ne’ebe que iha kontinua halo negosiasaun iha nivel ida ofisial ninian”, hateten Prezidente Komisaun B PN, Adérito Hugo.

Nune’e mós reprezentante povu iha parlamentu sira konsidera espresaun sira la’os mai husi sidadaun orijin Indonéziu maibé problema fronteira ne’e sei rezolve liu husi kanál diplomátiku.

“Esteitmentu politika husi komunidade naktuka ne’e hau hanoin lalós, tanba koalia konaba fronteira, uluk entre liurai sira husi NTT nian ho liurai Oe-Cusse sira rezolve tiha ona, liu husi seremonia kultural ida sira hasoru malu, e sira rezolve tiha ona problema ne’e ho kulturalmente. Agora kestaun mak ne’e, ema sira iha sorin balu, ema sira refujiadus ne’ebe que uluk depois de konsulta popular halai ba iha Naktuka, sira ne’e mak soe isu politiku ida katak sekarik problema ne’e la rezolve, sei bele funu”, hateten membru Parlamentu Nasionál, Deputadu Fabiano Oliveira.

Lee hotu :   PROGRAMA VIII GOVERNU COPY PASTE VII GOVERNU NIAN ■PM TAUR: LA'OS BUAT FOUN

“Kestaun ne’e liga ba Nasaun rua mak ninia tratamentu ne’e tenke via knál legal e knál diplomátiku, hanesan ita hotu hatene katak tratamentu asuntu konaba rai, ne’e ita ba lei númeru 1/2003 de 10 de Marsu artigu 17 versiklu ida, entidade kompetente ne’ebe trata konaba asuntu ne’e mak diresaun nasionál de terras propriedades e servisu kadastrais e agora dadaun politikamenta hola mahan iha Sekretaria Estadu terras propriedades no inisteriu da justisa, e ita koalia konaba fronteiras entre nasaun ida ba nasaun seluk, ne’e asuntu bilateral, atu trata karik husi via knál diplomatika”, hateten Membru Parlamentu Nasionál, Deputadu António Verdial.

Iha fulan Novembru tinan 2018, Kosellu Ministru aprova rezulusaun hodi fó fiar ba lider karísmatiku Kay Rala Xanana Gusmão nu’udar reprezentante espesiál Estadu Timor-Leste hodi halo negosiasaun konaba fronteira rai maran ho nasaun viziña Indonézia. Ito

Add to Comments Here!!!!

error: Content is protected.
Secured By miniOrange
You might also like:
DIA 13/06/19 || GMNTV LIVE STREAM || DADER KMANEK

CPLP na GMN edição 6 Junho 2019

CPLP na GMN edição 3 de Junho de 2019

Close