JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Subvensaun públika ba ParPol kada tinan millaun USD 6

Subvensaun públika ba ParPol kada tinan millaun USD 6

Kada tinan Governu gasta osan millaun USD 6 ba Partidu Polítiku (ParPol) sira ne’ebé hetan asentu iha Parlamentu Nasionál (PN).

Primeiru Vise Prezidente Parlamentu Nasionál, Maria Angelina Sarmento informa, Orsamentu ne’e, atu oinsa partidu polítiku sira utiliza ba atividade ne’ebé mak bele involve komunidade hotu bainhira eleisaun.

“Kada tinan Governu aloka milloens USD 6 ba partidu polítiku sira, tuir ida-idak nia asentu ne’ebé iha Parlamentu Nasionál, no kada kadeira ne’ebé iha Parlamentu Nasionál hetan kuaze osan rihun USD 92 liu” relata Maria Angelina ba jornalista sira iha CNE Kolmera Díli, Kinta (27/06/2019), bainhira partisipa enkontru entre ParPol sira ho Komisaun Nasionál ba Eleisaun (CNE_Sigla Portugês) hodi diskute kona oinsa atu ezekuta orsamentu subvensaun públika ne’ebé governu aloka kada tinan ba kada partidu.

“Ho objetivu atu ParPol sira bele kontinua halo konsolidasaun ho sira-nia eleitor no populasaun sira, atu bele kontinua haburas demokrasia, tanba ita-nia rai ne’e, país ida Estadu direitu demokrátiku katak, la’os de’it involve komunidade ka povu, bainhira halo eleisoens ruma, maibé povu nia partisipsaun ne’e durante tinan 5, depois de eleisaun, sira-nia partisipasaun ne’e mós importante, ho finansiamentu ba partidu polítiku sira ne’e, ParPol sira bele kontinua uza orsamentu ne’ebé atribui ba sira, hodi bele atividade sira hanesan formasaun, no oinsa organiza komunidade sira, ba objetivu haburas demokrasia iha ita-nia rain, no oinsa mak komunidade no populasaun sira bele partisipa ativu liutan, iha prosesu dezenvolvimentu, hahú husi nível Aldeia, Suku no to’o iha nasionál,” tenik Maria Angelina.

Vise PPN ne’e akresenta,   liuhosi ezekusaun no jestaun ba osan subvensaun ne’e, parte ida atu hanorin partidu polítiku sira oinsa atu promove boa governasaun, bainhira ka’er ukun iha governu, hodi prevene KKN.

Lee hotu :   Marí Alkatiri: Laiha ema ida bandu ha’u mai fali Oé-cusse

“Osan subvensaun ne’e, hanesan dalan ida oinsa ParPol sira prátika promove boa governasaun, transparensia no akuntabilidade iha nível sira-nia partidu nian, depois karik bainhira sira ukun hatene ona, sistema no mekanizmu ne’ebé regula oinsa promove boa governasaun, hodi bele hamenus korupsaun koluzaun no nepotizmu. CNE presiza halo akompañamentu di’ak ba osan sira ne’ebé sira simu husi CNE, bainhira sira halo gastus tiha, sira iha obrigasaun atu aprezenta konta ba Parlamentu Nasionál tuir sistema ne’ebé iha padraun ona tuir lei”, tenik deputada PLP ne’e.

Vise órgaun lejislador ne’e mós salienta, iha lei partidu polítiku nian, bandu partidu sira atu hetan finansiamentu husi entidades seluk, alende governu, hodi entidade refere, labele mete iha Estadu nia lala’ok ba finansiamentu.

“Iha lei ParPol nian mós bandu atu partidu polítiku sira hetan finansiamentu husi asosiasaun ruma ka ajensia internasionál ka individu ruma, tanba kuandu sira fó apoiu ba partidu ruma ho sira-nia osan rasik, signifika sira mós mete ona iha Estadu Timor-Leste nia lala’ok, tanba partidu polítiku sira ne’e, órgaun polítiku ne’ebé mak iha futuru loron ida sira sei ezerse kna’ar importante iha Estadu ida ne’e, liu-liu iha órgaun soberanu ha’at ne’e”, tenik Maria Angelina Sarmento.say

Add to Comments Here!!!!

error: Content is protected.
Secured By miniOrange
You might also like:
Governu promete konstroi aeroportu Díli di’ak liu Rota do Sândalo

Atu fasilita pasajeiru sira utiliza Aeroportu...

Governu hahú diskuti jornada OJE 2020 ba prioridade nasionál

Ministra Finansas (MF) interina, Sara Lobo...

PM Taur: Setór privadu TL laiha vizionáriu

Primeiru Ministru (PM), Taur Matan Ruak...

Close