Timor-Leste organiza konferénsia insternasionál oinsa jere rekursus naturais

Timor-Leste (TL) sai uma nain hodi realiza primeira konferénsia  ho tema frajilidade Estadu iha Lisbóa, Portugal, Kuarta (25/6/19), ho objetivu atu partilla esperiénsia  informasaun ba malu  kona-ba mekanizmu oinsa jere rekursu naturál sira ho efetivu no transparánsia husi  nasaun sira ne’ebé maka kiak no moris iha baze konflitu.

Jornalista GMN, Tito Livio, husi Portugal hato’o reportajen katak, tema primeira konferénsia internasionál ne’e mak kona ba ‘Frajilidade Estadu sira’.

Sesaun prinsipal ne’ebe iha diskusaun ne’e debate kona ba oinsá jere rekursu naturál sira ba sustentabildade ne’ebé mak ligadu ho estratejia   dezenvolvementu  rekursu natural sira ba futuru país sira  ne’ebé mak hamahon- an iha organijasaun g7+.

Sekretáriu jeral g7+, Helder da Costa, informa,  país sira ne’ebé mak hamahon-an  iha organisasaun g7+ mak nasaun hirak ne’ebé kiak no mukit tanba falta jestaun atu jere rekursu naturál sira.

“Konferensia ida ne’e atu partilla ita-nia esperiensia kona-ba oinsa ita jere ita-nia rekursu naturál sira, de uma forma transparente, akontavel no mos efetivu, hodi nuneé ita bele fo benefisiu ba ita-nia povu”,dehan Helder da Costa.

Nune’e mós iha fatin hanesan pessoa eminante  G7+, Kay Rala Xanana  Gusmão, hatete, organizasaun g7+ hanesan organizasaun ne’ebé ho ninia prinsípiu maske kiak maibe importante mak fahe  esperiénsia ba  malu hodi hadia-an rasik no ba nasaun.

“Prinsipiu husi g7+ mak aprende ba malu, ne’e duni diak teb-tebes, ita rona ema seluk nia esperiénsia mai ita para ita bele hadia ita-nia hanoin, hadia ita-nia an hodi nuneé ita bele haree mos ba ita nia rai nia dezenvolvimentu”,hatete Xanana Gusmão.

Konferénsia ne’e Timor-Leste  konvida péritu sira mai husi nasaun dezenvolvidu mak  eis Ministru Meu Ambiente  Portugal,  Jorge Moreira da Silva,  Paul Coolier, profesor husi Universidade Oxford, Inglaterra.

No hetan mós partisipasaun husi pessoa eminante g7+ Kay Rala Xanana Gusmão, parseiru seluk husi klube de lisboa,  obsrevasaun husi membru parlamentu husi bankada opozisaun no bankada governu. konferénsia ne’e, abertura husi Ministru Negósiu  Estranjeiru no Kooperasaun, Dionísio Babo.*****