JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Alkatiri akuza Xanana iha FB halo teatru iha PN, Xanana: Ha’u atu hakrúk, deskulpa

Alkatiri akuza Xanana iha FB halo teatru iha PN, Xanana: Ha’u atu hakrúk, deskulpa

Reprezentante espesial Governu ba asuntu petróleu, Kay Rala Xanana Gusmão, hirus maka’as hodi hasai liafuan kroat relasiona ho publikasaun Sekretáriu Jeral Partidu FRETILIN, Mari Alkatiri, iha nia konta Facebook (FB) ne’ebé ema hatudu ba Xanana haree katak, “Hau triste haree “Teatro” iha PN. Irmão XG favor ida! Iha polítika, demokrasia tenki loke dalan ba interaksaun.”

Líder karismátiku Xanana Gusmão dehan, karakter ida atraktivu nia nunka mais atu hakrúk, maibe nia so respeita kuandu ema seluk hatene respeita. “Imi halo tiha buat sira ne’e hotu, ha’u mak tenki ba rei imi-nia……., deskulpa, ha’u laiha facebook”,dehan Xanana Gusmão, hodi refere ba konta Facebook Marí Alkatiri nian ne’ebé hatete XG halo teatru iha PN, iha debate pakote lei hirak ne’e iha Tersa (16/7/19).

Líder karismátiku Kay Rala Xanana Gusmão ho nia ekipa iha Kuarta (17/7/19) halo aprezentasaun daruak iha Parlamentu Nasionál hodi esplika pakote lejislasaun foun ho objetivu hodi altera lei anterior ne’ebé la pertinente ona.  Tanba ne’e iha sesaun husu no hatán, deputadu bankada FRETILIN, Antoninho Bianco hato’o preokupasaun ba meja kona ba esplikasaun husi xefi negosiador prinsipal fronteira marítima ho nia ekipa ne’ebé ladun klaru, iha pergunta ne’ebé hato’o husi deputadu Antonino ba Xanana ho nia ekipa kee fali liafuan uluk no agora. Tanba ne’e, deputadu Antonino Bianco koalia seidauk hotu, Xanana hatán direta kedas katak, ba maluk sira husi FRETILIN senti la partensia diak liu lalikan kee buat sira ne’e. Tanba FRETILIN nia xefi bankada Aniceto Guterres hasai ona deklarasaun antes atu vota kontra.

Eis Prezidente Repúblika Xanana Gusmão (XG) mos lia tun tan katak, balun dehan katak nia mai halo esplikasaun iha Parlamentu Nasional kona ba pakote lejislasaun hirak ne’e tau iha Facebook akuza dehan halo teatru, ne’e nia nunka hakrúk ba ema ida kuandu halo servisu ba Estadu no povu ida ne’e tuir hela lei ne’ebé estadu direitu demokrátiku adopta.

Lee hotu :   Vendedór merkadu Manleuana konsidera Governu dukur kombate COVID-19

“Imi halo tiha buat sira ne’e hotu, ha’u mak tenki ba rei imi-nia……., deskulpa, ha’u laiha facebook, iha facebook hatete, oiiiii nia ba iha parlamentu ne’e halo teatru boot ida, oiiii nia buka oin. ita boot sira hakarak ami atu rei ita boot sira nia-ain, deskulpa! Ita boot sira lalika temi! Ita kuandu atu hakoak ema seluk, ita tenki hamansa oitoan, laos ha’u mak atu ba hakrúk, deskulpa”,Dehan tan Xanana.

“Se hakarak atu vota kontra entaun ita para, ou husik sira neba mak vota a favor. “Ohin (horiseik) sira hatudu ba ha’u facebook dehan oiiii nia ba halo tatru iha PN, ne’e saida”,dehan Xanana Gusmão, bainhira responde preokupasaun deputadu bankada FRETILIN Antonino Bianco nia preokupasaun.

Xanana mos haktuir, durante nia halo servisu ba delimitasaun fronteira marítima nia nunka manan saláriu husi Estadu, maibe tanba nia hakarak atu luta nafatin ba Timor-Leste nia diak hodi manan independensia total husi rai maran no mos tasi laran.

“Ha’u laiha osan ida, ha’u iha perdiem deit hodi fuma sigaru”,dehan Xanana Gusmão, bainhira responde ba deputadu ne’ebé preokupa ba Xanana nia servisu.

Xanana to’o hirus iha Parlamentu Nasional ne’e tanba la satisfeitu ho deputadu FRETILIN, Antonino Bianco ne’ebé halo provokasaun ho liafuan kroat katak, ida uluk ho ida agora. Maibe ida uluk nian kuandu asina ema balun mos hamriik iha kotuk.

“Na’i ulun sira uluk líder istóriku sira, ida uluk ne’e hotu-hotu rame-rame too ! balu asina e balu hamrik iha kotuk, agora halo nusa, e ne’e mak ita tenke husu ba malu hodi koalia no hatan ba malu ba interese ema hotu nian, klaru ha’u akompaña buat balu por natureza, e agora ha’u husu fali iha parte seluk”,deklara deputadu Bankada FRETILIN, Antonino Bianco.

Lee hotu :   Segundu programa governu hanaran anotasaun

Maibe Xanana hatán, ona katak lei ida uluk ne’e laos ladiak, maibe hadia deit nia redasional ne’e tanba portugés ida uluk ne’e la hanesan ho portugés ida agora ne’e nian.

“Dala ruma ita ezije koalia ba malu, mas pois tau facebook dehan iha ne’e teatru ida, ha’u mai halo teatru, ha’u bolu no konvida ita bo’ot sira atu ba CCD, dehan katak ha’u halo pre-kampaña eleitoral, e imi halo tiha imi nian pozisaun hanesan ne’e, ha’u mak tenke ba rei imi nian ain,  deskulpa”, afirma Kay Rala Xanana Gusmão.

Iha okaziaun ne’e mos deputadu bankada FRETILIN, David Dias Ximenes “Mandati” mos foti preokupasaun ba plenária hodi la konkorda media center CNRT ne’ebé akuza nia FPDK. “Ita koalia facebook, media center CNRT tau hau dehan FPDK fali, ne’e tau iha ne’e”,dehan David Dias Ximenes preokupa.

Nune’e mos, deputadu bankada PUDD, Antonio de Sa Benevides, kongratula VIII Governu ne’ebé fiar Xanana atu halo servisu Estadu ida ne’e, maske nia terus iha ailaran no agora halo tan servisu boot ida ne’e, nia nunka baruk no kole. “Maun boot Xanana terus iha ai laran, agora terus nafatin, ne’ebé ha’u hanoin ita tenki respeita maun Xanana”,dehan Antonio de sa Benevides.

Deputada FRETILIN, Maria Angelica, hatete, diak liu lalikan koalia gava maun Xanana, tanba maun Xanana ema hotu hatene nia luta. “EMa hotu hatene maun xanana ne’ebé lalikan koalia gava malu ida”,dehan deputada Angelica.

Entretantu iha resposta téknika ne’ebé hatán husi Ministru Prezidensia Konsellu Ministru, Agio Pereira, kona ba tratadu fronteira marítima ho Australia nian katak, ho tratadu ida ne’e mak Australia ja esta fora, la koalia tan ona ho Australia kona ba soberania ba rejiaun ida ne’e, negosiasaun fronteira ne’e los ona. “Australia is completely out”,dehan tan Agio Pereira.

Lee hotu :   Subsídiu ba bolseiru aprova ona hosi Konsellu Jestaun

Tuir ajenda iha loron tuir mai, parlamentu nasionál sei halo votasaun no apresiasaun ba relatóriu pareser ba atividade plenária aprezentasaun matéria lei sira.

Enkuantu durante loron rua plenária aprezentasaun matéria lei sira ne’ebé atu ajusta ba ratifikasaun delimitasaun fronteira marítima nian hetan partisipasaun másimu no ativa husi deputadu sira bankada opozisaun FRETILIN, PD no bankada governu AMP.Ito

 

Add to Comments Here!!!!

error: Content is protected.
Secured By miniOrange
You might also like:
GAM treina subar iha kalan, PNTL ho F-FDTL sei halo atuasaun

Xefe Estadu Maior Jeneral Falintil Forsa...

Ramos Horta: Prezidente autoridade RAEOA foun tenke matenek dada investidór

Líder Nasionál no antigu Prezidente Repúblika,...

Defende kazál Timor-oan, PJR koalia ona KAPOLRI no MJ Indonézia

Governu Timor Leste liu husi Prokurador...

Close