JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Altera lei ba ratifika tratadu FM, PN prontu kansela resesu

Altera lei ba ratifika tratadu FM, PN prontu kansela resesu

Reprezentante povu iha Parlamentu Nasionál (PN), prontu atu kansela resesu tinan ida ne’e, bainhira Estadu no nasaun presiza sira-nia kontribuisaun kona ba alterasaun lei ba ratifikasaun tratadu Fronteira Marítima (FM).

Lei tolu ne’ebé atu halo alterasaun antes ratifika FM mak hanesan, lei Tributaria, Fundu Petrolíferu no Lei Atividade Petrolíferu, inklui lei kona-ba impostu no taxa.

Xefe bankada PD, deputadu António da Conçeição deklara, lapresiza iha resesu, maske rejimentu prevê direitu ba deputadu sira, bainhira estadu no nasaun presiza kontribuisaun.

Deputadu PD ne’e hato’o asuntu ne’e, relasiona ho ajenda ratifikasaun Fronteira Marítima (FM) ne’ebé sei realiza iha loron 30 fulan Agostu tinan ne’e.

“Parlamentu nessesita atu aprova, dezafiu mak ami atu tama dadauk ba resesu, sei iha tempu ka laiha tempu, ida ne’e haree to’ok husi Prezidente PN ne’ebé mak sei hola desizaun hamutuk ho líder bankada sira. Maske rejimentu prevê iha tinan ida nia laran, deputadu sira iha resesu ba fulan rua nia laran, maibé ne’e lasignifika tenki, sei nasaun husu atu fó tan, tenki fó, ida ne’e ba ami, sei laiha resesu tanba halo ona debate ba lei, atu ita bele ratifika ona tratadu tasi Timor, resesu ne’e mós la presiza iha, fó lai buat ne’ebé nasaun presiza”, hateten Xefe bankada PD ne’e ba jornalista sira iha PN, Sesta(05/07/2019).

Eis Ministru Edukasaun ne’e akresenta, bainhira deputadu Kinta lejislatura la resesu tinan ne’e, lasignifika deputadu sira lakon direitu, maibé louva ba kontribuisaun ne’ebé fó ba nasaun, iha tempu ne’ebé Estadu no nasaun presiza.

Lejislador ne’e mós konsidera, tempu ba diskusaun lei refere, la sufisiente, atu bele tetu didi’ak lei refere nia impaktu ba futuru.

Lee hotu :   PR Lú Olo: Timor la’os iha krize polítika, maibe krize lideransa

“Bainhira laiha resesu, deputadu sira la’os lakon, maibé louva, tanba kontinua halo debate ba alterasaun ba lei nian, nune’e ita bele selebra 30 de Agostu ba 20 anos referendum ne’e, ho nível ida aas liu, pontu ida aas liu nian, ne’eduni la’os selebra festa de’it, maibé ratifika tan tratadu tasi Timor”, katak António.

Maibé Xefe bankada PD ne’e afirma, Governu presiza sukat, tanba Prezidente Repúblika presiza loron 30 atu halo análiza no promulgasaun, sei hakarak atinji data ne’ebé mak antes 30 de Agostu, Governu tenki aprezenta on aba PN, tanba valor liutan, sei wainhira ratifika iha loron ne’ebé determinadu.

“Sei lalori mai, labele husu dehan deputadu kalan loron atu tu’ur iha ne’e, tempu ne’e la sufisiente ona, tanba plenária lolos ne’e mak Segunda no Tersa de’it, ne’eduni semana oin iha loron 2, no semana oin mai tan iha loron 2 de’it, signifiika antes dia 25 tenki hatama tiha ona lei ne’e. Se semana rua de’it, signifika ami iha loron 4 de’it, atu debate, maibé lei 5 ka 6, maibé se mai para foti kartaun de’it fasil, maibé presiza le netik no komprende netik, hodi hatene ida ne’e di’ak no ladi’ak, nia implikasaun ne’e keta iha karik, presiza iha analiza hotu, tanba lei ne’e la’os hakerek ne’e de’it, maibé nia implikasaun ne’e mak hanesan konteudu ba lei ne’e mak importante liu. Ne’eduni la’os fasil hanesan ita hotu hanoin, tanba ne’e ligasaun barak, liga mós ho riku soin sira iha laran ne’e”, tenik António da Conçeição.

Iha biban hanesan, Vise Xefe bankada CNRT, Patrocino Fernandes, reforsa, nia parte lakohi adianta uluk informasaun ba públiku, maibé garante sei bele ajusta alterasaun lei hirak ne’e ho ratifikasaun Fronteira Marítima.

Lee hotu :   PN FÓ OMENAJEN IKUS BA EIS DEPUTADU RAMA METAN

“Ha’u seidauk bele adianta loron, tanba seidauk iha serteza, maibé reuniaun líder bankada semana kotuk ne’e, Governu promete atu submete iha sedu liu, para bele haree depois halo alterasaun iha fulan ne’e”, afirma deputadu CNRT ne’e.

Antes ne’e, Primeira Vise Prezidente PN, Maria Angelina Sarmento informa, VIII Governu konstitusional fiksa ona loron 8 fulan Jullu atu aprezenta proposta alterasaun ba lei Tributaria, Fundu Petrolíferu no Lei Atividade Petrolíferu, inklui lei kona-ba impostu no taxa hodi halo alterasaun, antes ratifika akoordu ba tratadu Fronteira Marítima.

Akoordu ba FM ne’e rasik asina iha Nova Iorke, iha loron 6 fulan Marsu tinan 2018 ne’e.say

 

Add to Comments Here!!!!

error: Content is protected.
Secured By miniOrange
You might also like:
Konfrontu iha Liquiça, ema rua mate no uma 13 hetan sunu

Konfrontu entre juventude iha  Adeia Bauro,...

Marí Alkatiri: Ha’u sei hakerek karta ba líder nasionál sira

Líder Nasionál, Marí Alkatiri, hateten, nia parte...

DIA 05/07/19 || GMNTV LIVE STREAM || JORNAL NASIONAL KALAN

Close