Altera lei RAEOA, Marí Alkatiri: Husik sira halo de’it ba

Prezidente Autoridade Rejiaun Administrativa Espesial Oé-cusse Ambeno (RAEOA) no Zona Espesial Ekonomia Sosial Merkadu (ZEESM), Marí Alkatiri, hatete, bainhira Parlamentu Nasionál (PN) halo alterasaun ba lei nú 3/2014, kona-ba prosesu nomeiasaun no mandatu Prezidente RAEOA, depende sira nia desizaun.

Maibe nia hatete, sei laiha ekilibriu entre órgaun Prezidente Repúblika, Governu ho Parlamentu Nasionál (PN).

Marí Alkatiri hato’o asuntu ne’e, relasiona ho deputadu sira V lejislatura ne’ebé hahú diskuti ona atu halo alterasaun ba projetu lei nú 3/V 1ª alterasaun lei nú 3/2014 ne’ebé kria RAEOA no estabelese ZEESM.

““Husik sira halo de’it ba, ha’u ba Oe-cusse reprezenta Estadu, buat ne’ebé sira halo agora, reprezenta de’it Oe-cusse, la reprezenta Estadu, no reprezenta fali maioria”, tenik Sekretáriu Jerál partidu FRETILIN ne’e. Ha’u ba iha ne’eba reprezenta Estadu tomak, ne’e husik Prezidente Repúblika mak halo análiza ba ida ne’e, sei laiha ekilibriu entre Prezidente Repúblika, Governu ho Parlamentu ba RAEOA. Entaun hili ema seluk, ha’u la ba reprezenta, nein minoria nein maioria, ha’u reprezenta Estadu nia interese”,hatete Marí Alkatiri ba jornalista sira iha PN, Kinta (04/07/2019), hafoin aprezenta relatóriu Konta Jerál Estadu tinan 2017 nian ba komisaun C.

Marí Alkatiri konsidera alterasaun ne’ebé mak Kinta lejislatura halo ne’e la reprezenta Estadu, maibé reprezenta maioria.say