JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Alterasaun lei RAEOA-ZEESM aprova ona iha jeneralidade ■FRETILIN-PD la marka prezensa

Alterasaun lei RAEOA-ZEESM aprova ona iha jeneralidade ■FRETILIN-PD la marka prezensa

Parlamentu Nasionál (PN) aprova iha jeneralidade projetu lei númeru 3/kinta primeira alterasaun lei númeru 3/2014 konaba kriasaun rejiaun Administrativa Espesial Oe-Cusse Ambeno (RAEOA) no eestabelese Zona Espesial Ekonomia Sosial Merkadu (ZEESM) no Atauro, maibé bankada FRETILIN no PD la marka prezensa. 

Projetu lei primeira alterasaun lei númeru 3/2014, 18 de Junho ne’e iha loron 08 fulan Jullu, tinan ne’e, aprova iha jeneralidade ho votus a favór 34, kontra 0 no abstensaun 0.

Maibé bankada opozisaun FRETILIN la marka prezensa durante diskusaun to’o aprovasaun.

Nune’e mós bankada Partidu Democrático (PD) antes ne’e partisipa iha diskusaun maibé to’o iha sesaun votasaun PD mós desidi sai tiha husi plenária.

Maibé antes plenária, Mariano Assanami Sabino hateten la aseita ho polítika ódio no vingansa maibé prefere la’o hamutuk hodi dezenvolve Timor-Leste ba oin.

“Alterasaun lei konaba saida no tanba sa mak tenke altera agora, e depois uluk ne’e maun bo’ot Xanana, maun Taur no maun Marí, e sira na’in tolu mak koalia atu oinsa. Saida mak ba Estadu ne’e ita konstrui, ita tenke iha konsistensia politika, labele partidu ida, oke hau mak manan maioria halo tuir nia gostu halo sasan sabraut ne’e, ne’e lalós, e ita tenke halo ho konsistensia ita tenke desidi sasan ne’ebe mak ita hakarak la’o ba oin, e ne’e konstrusaun estadu no nasaun. Ida ne’e la’os mehi ba ukun án nian, PD leal ba maun sira, e nunka mehi atu sobu fila fali saida mak iha ona, maibe nafatin konsistente,” hateten Deputadu PD, Mariano Assanami Sabino.

Prezidente Parlamentu Nasionál (PN), Arão Noe hateten bankada opozisaun sira la marka prezensa iha plenária ne’e nu’udar direitu bankada nian ne’ebé la viola rejimentu parlamentu, no plenária kontinua la’o tanba priense korun deliberasaun.

Lee hotu :   PUDD-PD konsidera esplikasaun Xanana kona-ba FM detalladu

“Ida ne’e direitu kada bankada ka deputadu ida-idak ninia intervensaun, mas projetu de lei ne’ebe que proponente bankada sira aprezenta iha alterasaun artigu rua deit, artigu 19 ho 21, iha deit mak kompetensia ne’ebe uluk prezidente republika nian ne’ebe governu indizita hato’o ba prezidente republika fó pose, ida ne’e mak muda, kompetensia ida ne’e pasa fali mai iha primeiru ministru,” hateten Prezidente PN, Arão Noe.

Parlamentu halo Alterasaun ba Lei Númeru 3/2014 de 18 de Junhu iha artigu 19 no 21 konaba kompeténsia ba nomeiasaun no ezonerasaun  Prezidente RAEOA no ZEESM ne’ebé iha lei anterior fó kompeténsia ba Prezidente Repúblika atu nomeia no fó posse.

Maibé ho alterasaun lei ne’e hodi fó fali kompeténsia ba Primeiru Ministru hodi nomeia no fó posse ba Prezidente RAEOA no ZEESM tuir desizaun Konsellu Ministru. Ito

Add to Comments Here!!!!

error: Content is protected.
Secured By miniOrange
You might also like:
DIA 08/07/19 || GMNTV LIVE STREAM || JORNAL AS 12

PN sei reativa lei protesaun ba labarik

Prezidente Komisaun F Parlamentu Nasionál (PN),...

DNEAPT treina servidór sira oinsa atende bainaka

Ministério Turismo Comérçio e Indústria (MTCI),...

Close