Governu forma ekipa investigadór ba Ró Haksolok

Primeiru Ministru (PM), Taur Matan Ruak, Governu sei forma ekipa investigadór ida  hodi  loke prosesu investigasaun ba kazu Ró Haksolok  ne’ebé mak  durante ne’e sai polémika iha públiku nia leet.

“Ami haree hela naturalmente prosesu ida ita sei lori tempu oituan, ami halo akompañamentu maka’as los para haree solusaun saida mak ita bele hetan, problema hotu bele hetan solusaun  ita ténki fó atensaun para  ida ne’ebé mak diak liu defende  interese Timor nian”, esplika PM   Taur, ba jornalista sira Kinta (18/07/19), hafoin enkontru semanal ho Prezidente Repúblika, iha Palásiu Prezidensial Bairro-Pite Díli.

Antes ne’e, Ministru Transporte Komunikasaun José Agustino da Silva mós hateten, Parlamentu Nasionál hanesan órgaun fiskalizadór atu bele haree diretamente no halo akompañamentu ba prosesu tomak kona-ba ró Haksolok, tanba Ró Haksolok sei presiza tan fulan 6 ka 7 hodi mai Timor-Leste tanba Ró Haksolok nia konstrusaun foin atinji pursentu 70, nune’e konstrusaun Ró ne’e sei presiza tan millaun 14 hodi finaliza.

Ro’o ne’e konstroi iha  Portugal Costalleiru Navais  do Mondego. Antes ne’e, governu halo ona pagamentu dolar millaun 13 ba kompañia Atlantic eagle, limitada.

Antes ne’e mos Prezidente Autoridade RAEOA, Marí Alkatiri, halo ajitasaun ba públiku katak, Ró Haksolok ne’e sei mai Timor iha tempu badak.avi