Hametin relasaun bilateral ho TL, Nasaun tolu hato’o kredensial ba PR

Reprezentante nasaun tolu hanesan Finlandia, Reinu Unido no Polándia, ofisialmente hato’o karta kredensial ba Prezidente Repúblika, Francisco Guterres Lu-Olo.

Vise Ministra Solidaridade Sosial, Signi Candrawati Verdial hateten, objetivu husi  aprezentasaun karta kredensial husi nasaun tolu mak, atu hametin relasaun bilateral ho  TL.

“Ohin ne’e Embaixadora ida no Embaixador rua aprezenta karta kredensial mai Prezidente Repúblika, husi Polándia, husi Reinu Unidu, no husi Finlandia, sira-nia embaixada iha Jakarta, no ohin sira mai hato’o sira-nia karta kredensial ba ita-nia Prezidente Repúblika, tanba maske sira servisu iha Jakarta, maibé sira-nia área servisu kobre mós TL. Objetivu husi karta kredensial ida ne’e, alende atu hametin relasaun bilateral  ho TL, sira mós hakarak apoiu TL iha área importante balun mak mak hanesan, edukasaun, saúde nomos ambiental, inklui formasaun ba rekursus humanus”, informa Signi Candrawati Verdial ba Jornalista sira iha Palásiu Prezidente Bairopite Díli, Tersa (17/7/2019).

Tuir planu  tinan oin nasaun Polándia sei fó bolsa estudu ba Timor oan sira hodi kontinua esrtudu iha área mestradu.ola