JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Hasoru malu ho ekipa tranzisaun husi Governu Sentrál, Marí Alkatiri:Preokupa mak Díli ne’ebé la funsiona

Hasoru malu ho ekipa tranzisaun husi Governu Sentrál, Marí Alkatiri:Preokupa mak Díli ne’ebé la funsiona

Governu sentral, kria ekipa tranzisaun ida hodi servisu hamutuk ho Autoridade Rejiaun Administrativa Espesial Oé-cusse Ambeno (RAEOA), hodi halo avaliasaun kona ba área finansa, ho nia sub komponente sira hanesan infraestrutura, orsamentu, patrimóniu nomós área administrasaun kobertura ba setór hotu.

Ekipa Tranzisaun ne’ebé  Xefia husi Helder Lopez ne’e, to’o iha Gabinete Prezidente Autoridade RAEOA iha oras tuku 15:00 lorokraik oras Timor-Leste.

Hafoin to’o iha Gabinete Autoridade RAEOA, ekipa Tranzisaun husi Governu sentral ne’e, tenki hein kuaze oras ida nia laran, tanba Autoridade konsidera sira nia prezensa iha RAEOA ne’e, laiha notifikasaun antes husi Governu sentral hodi Autoridade bele hatene.

Maske nune’e, Autoridade RAEOA konsege hasoru malu ho ekipa tranzisaun ne’e, hodi husu objetivu husi prezensa sira-nian iha RAEOA ne’e.

Prezidente Sesante Autoridade RAEOA, Mari Alkatiri ho lian maka’as hateten, nia lakohi atu Governu sentral preokupa ho RAEOA, tanba laiha buat ida mak la’o naksalak iha iha Projeitu ZEESM.

 “Ha’u hakarak hatene lolos programa saida los mak ida ne’e, mak iha segredu, tanba tribunal rasik atu investiga buat ruma notifika ha’u, Ministériu Púliku mós atu investiga buat ruma, notifika antes, VIII Governu nian laiha notifikasaun no laiha buat ida, mosu de’it mai, ne’e saida los, investigasaun, inskrisaun, auditoria  ka saida los”,lamenta Alkatiri bainhira hasoru malu ho ekipa Tranzisaun husi Governu Sentral iha Gabinete Autoridade RAEOA, Tersa (30/07).

Alkatiri ho lian maka’as hateten ba ekipa Tranzisaun ne’e katak, labele preokupa ho buat ne’ebé la’o iha RAEOA, tanba laiha buat ida mak failla iha projeitu ZEESM ne’e.

“Preokupa ho Díli rasik que la funsiona, iha rai ida ne’e ha’u la’os labarik, tanba ne’e ha’u la abitua”, lamenta Alkatiri.

Lee hotu :   PPN Arão Noe konsulta PM , PN sei konfirma votu no hasai osan sosa asaun ConocoPhillips-Shell

Hatan ba lamentasaun ne’e, Xefe delegasaun ekipa Tranzisaun,  Helder Lopez, hateten, nia kompriende preokupasaun Prezidenti Autoridade RAEOA nian, tanba karta ne’ebé Gabinete Primeiru Ministru haruka ba Gabineti ZEESM ne’e urjenti liu.

Helder Lopez mós lori ekipa Tranzisaun nia naran, hato’o apresiasaun ba Marí Alkatiri, tanba maske iha miis komunikasaun uitoan, maibé nia iha disponibilidade atu hasoru malu ho sira.

Helder esplika, delegasaun Governu sentral ne’e, kompostu husi Ministériu Finansas, Ministériu Obras Públika, Patrimóniu Estadu Diresaun Investimentu Públiku, liu-liu ba infra-estrutura.

“Kestaun ne’ebé exelensia lebanta ne’e, ida ne’e fora husi ami nia kompetensia atu bele responde, mas ha’u hakarak introdus uitoan katak, ekipa ne’e mai bazeia ba despaixu husi Primeiru Ministru, maibé ha’u kompriende katak, horseik tuku 19:00 kalan mak haruka karta ne’e mai, no bazeia ba despaixu ne’e, ami mós hetan tan breafing husi Gabinete Primeiru Ministru kona ba servisu ne’ebé mak ami atu halo. Maibé primeiru ami la’os auditor atu mai halo auditória kona ba RAEOA ninia servisu”, informa Helder.

Nia esplika, mandatu ne’ebé Governu sentral fó ba ekipa Tranzisaun ne’e mak, atu servisu hamutuk ho Autoridade atu halo asesment ba pontu situasaun iha RAEOA.

“”Tanba ami kompriende katak, RAEOA mós prepara ona relatóriu  atu entrega ba Governu sentral, para komplementa saida mak ita bo’ot sira prepara ona, hodi fó informasaun adisional ba Primeiru Ministru kona ba pontu situasaun ne’ebé mak iha Autoridade ida ne’e. Mandatu ne’ebé mak ami hetan, atu mai ko’alia ho Autoridade hodi hetan informasaun kona ba pontu situasaun ba area finansa, no iha finansa nia okos ne’e, ita ko’alia kona ba patrimóniu ho investimentu públiku ne’ebé mak halo”, esplika Helder Lopes.tap

Add to Comments Here!!!!

error: Content is protected.
Secured By miniOrange
You might also like:
Docentes das universidades privadas frequentam curso de português Docentes de 11 universidades privadas

Docentes das universidades privadas frequentam curso...

Kazu oho João Bosco, FM konsidera grave

Sosedade Sivíl, husi  Fundasaun Mahein (FM),...

KHUNTO-PLP apresia Xanana nia luta ba FM  PN la’os AMP nian

Bankada Kmanek Haburas Unidade Nasionál Timor-Oan...

Close