PM ezije SEACLN esplika, Modelu polítika valorizasaun ba veteranu sira

Primeiru Ministru (PM) Taur Matan Ruak, ezije   Sekretáriu Estadu Asuntu Combatente Libertasaun Nasional(SEACLN), Gil da Costa Monteiro ‘Oan Soru’, atu esplika medellu polítika valorizasaun ba veteranu sira.

Oan Soru haktuir, enkontru ho PM Taur Matan Ruak ne’e, ko’alia liu kona ba valorizasaun ba veteranu sira, li-liu sira ne’ebé luta durante tinan 24.

“Enkontru ida ne’e atu informa servisu saida de’it mak durante ne’e SEACLN halo ona, kona ba atividade veteranus nian, kona ba polítika ba restu mortais sira ne’e hanesan ne’ebe, polítika ba instaladora  ne’ebé mak agora dadaun la’o hela  ne’e to’o ona iha ne’ebé, polítika ba verifikasaun 2019 nian ne’e bainhira mak atu la’o, no modellu polítika ida ne’ebé mak atu haree no prepara bainhira atu fó valor ba sira ne’ebé mak veteranus, liu-liu ba sira ne’ebé mak 24 anos, ba sira ne’ebé mak 15 a 19 buat sira ne’e hotu”, informa Gil da Costa Monteiro ba jornalista sira hafoin hasoru malu ho PM Taur Matan Ruak, iha Palásiu Governu Díli, Segunda (15/7/2019).

Oan Soru haktuir, iha enkontru ne’e, PM Taur Matan Ruak mós husu ba SEACLN kona ba oinsa ho restu mortais sira, inklui planu saida mak oras ne’e SEACLN hala’o ona.

Tuir Oan Soru, servisu balun ne’ebé mak SEACLN halo ona no iha balun mak seidauk halo,  liu-liu verifikasaun ba dadus veteranus 24 anos no veteranus falsu ne’ebe tuir planu sei halao iha tinan ne’e, maibé data seidauk detaillu.

“Verifikasaun ita planu ona maibé  seidauk hala’o, ami halo ona kalkulasaun, karik Setembru ba oin, maibé agora seidauk”, relata Oan Soru.

Tuir Planu, verifikasaun dadus ba veteranus tinan rua nolu resin hat no veteranus falsu sei hala’o iha tinan ne’e, maibé data seidauk termina.ola