JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PM Taur, ALkatiri-Xanana sei rezolve problema Ró Haksolok no Light house ■Ró Haksolok la’os TL nia fallansu

PM Taur, ALkatiri-Xanana sei rezolve problema Ró Haksolok no Light house  ■Ró Haksolok la’os TL nia fallansu

Primeiru Ministru, Taur Matan Ruak, hatete, sei hamutuk ho Prezidente RAEOA-ZEESM Mari Alkatiri, no lideransa Maxímu AMP Kay Rala Xanana Gusmão, hodi rezolve problema Ró Haksolok ho Light House.

Primeiru Ministru, Taur Matan Ruak hato’o lia hirak ne’e, hafoin partisipa programa debate Parlamentu ho Primeiru Ministru konaba prosesu transparansia no prestasaun kontas konaba, Rejiaun Adminsitrativa Epseisal Oecusse- Ambeno, inklui utilizasaun sistema free balance ba RAOEA, no situasaun atual konaba prosesu inisiu Empreza Lighthouse ne’ebé kontra Estadu Timor Leste, iha Parlamentu Nasionál.

Xefe Governu ne’e esplika, asuntu sira ne’ebé liga ho nasaun sira seluk, Timor oan hotu tenki hamutuk,  hodi luta ba rai no nasaun doben ida ne’e,  nia soberanu hodi prepara ba jerasaun foun sira iha futuru.

 “Ha’u hakarak hatete ba imi katak,ha’u-nia relasaun ho Prezidente RAEOA-ZEESM Mari Alkatiri, di’ak los, ami halo esforsu hotu para atu haree oinsa mak buat ne’ebé ladiak bele hadia no ida ne’ebé diak ba oin liu-liu konabá Ró Haksolok no Light House, kuandu asuntu sira ne’ebé mak liga ho nasaun seluk ne’e ita Timor oan sira tenki hamutuk, ita labele soe malu ,tamba ita soe malu ezemplu saida mak ita hatudu ba ita nia oan sira”,dehan Primeiru Ministru Taur Matan Ruak, ba Jornalista sira iha Parlamentu Nasional, Segunda(01/07).

Eis Gerrileiru ne’e garante ba Parlamentu Nasionál, katak problema Ró Haksolok ho problema Lighthouse, figura nasionál tantu fundadór no kontinuador nasaun, sei hamutuk hodi rezolve iha tempu badak.

Ró Haksolok la’os TL nia fallansu

Ministru Estadu Prezidensia Konsellu Ministru, Agio Pereira, husu Parlamentu Nasionál (PN), Autoridade Rejiaun Administrativa Espesial Oe-cusse Ambeno (RAEOA) atu foti desizaun ida de’it hamutuk ho governu, tanba problema Ró Haksolok la’os fallansu Timor-Leste (TL) nian, maibé na’in ba empreza ne’ebé responsável ba prosesu ne’e mate tiha, no kontinua hikas prosesu ne’e husi emprezáriu ne’e nia oan-mane, maibé laiha kooperasaun husi autoridade sira. Maske nune’e Primeiru Ministru, Taur Matan Ruak, dehan problema Ró Haksolok no Light House sei resolve hamutuk ho Mari Alkatiri no mos Xanana Gusmão.

Lee hotu :   Ramos Horta: Estrutura Governu TL boot liu kompara ho Austrália no Indonézia

“Iha semana kotuk ha’u hasoru malu ho Dr. Marí Alkatiri, tanba Dr. Marí mak husu duni atu ami hasoru malu, tanba fila husi Oe-cusse mai, ami ko’alia kona-bá atualizasaun prosesu litijiu iha Portugal,  hasoru Atlantic Eagle Shipbuilding kompañia ne’ebé responsavel ba ezekusaun kontratu ho Timor-Leste kona-ba Ró Haksolok, estritamente legal ita diskute kontratu ida, la’os ró, seidauk, ró ne’e seidauk konkluidu, seidauk rejisatadu, no seidauk entrega ba Timor-Leste, maibe prosesu ne’e dínamiku no avansa hela, Sei bele to’o iha ne’ebá, semana ne’e Tribunal sei deside insolvensia ba atlântiku ou lae, deside insolvensia atlanticEagle iha konsekuensia, Tanba lei Portugal nian ne’e kuandu iha insulvensia, traballador sira mak iha prioridade atu hetan, ka simu osan husi dívidas ne’ebé iha, kompaña ne’ebé tama iha insulvensia, Iha Australia nia kontrariu, traballadores ne’e tama iha últimu, Lójika traballador sira hetan prioridade ne’e katak, tuir jurist sira esplika, tanba iha impostu no salariu ne’ebé estadu no governu Portugés mak tenke asegura, ne’ebé ita ko’alia em jerál karik governu Portugés mak hetan prioridade, Entaun iha mós vantajen ida katak, Timor-Leste ho governu Portugés tama akoordu ida, hodi bele asegura konkluzaun ró Haksolok,”esplika MPKM Agio Pereira ba deputadu sira, liu hosi interpelasaun ho VIII Governu konstitusional iha Segunda (01/07/2019) ne’e.

Governante ne’e kalrifika tan kona-bá osan adisionariu ne’ebé ministru transporte no komunikasaun José Agostino deklara iha públiku, katak manutensaun ba ró Haksolok presiza tan $14 milloens, ne’e la’os ba ró Haksolok mesak, maibe inklui mós konstrusaun portu Oe-cusse ho Atauro.

“Kona-bá asuntu ida ko’alia bar-barak $10 milloens ka 14 milloens ne’e, ami na’in rua Dr.Marí Alkatiri ko’alia mós,

Nia (Marí ) dehan katak ema seidauk intende didi’ak, Kuandu ita kuantifika 12 euros no 13 euros ne’e la’os ró ahi ne’e de’it, maibe mós inklui mós buat ne’ebé ita bolu pontoens e pasadisos  ne’e la’os atu serve de’it ba Oe-cusse de’it, maibe Atauro mós hotu, Maibe ne’e seidauk iha númeru ida estipuladu,  tanba Dr. Marí seidauk konkorda ho addendum ba kontratu ne’e, ne’eduni númeru ne’e ko’alia jerál de’it, ”klarifika Agio pereira.

Lee hotu :   Governu hahú prepara diploma konjunta limita sidadaun sira tama TL

MPKM Agio akresenta, prezidente RAEOA relata ona ba governu kona-bá kualidade ró Haksolok nian.

“ Dezde 22 de Setembru 2014 mak governu hahu prosesu kontratual ne’e, nu’udar armador ba kontratu ne’e, 15 de Abril 2015 mak kontratu ne’e entra em vigor no RAEOA mak sai armador, ne’eduni dezde 15 de Abril 2015 governu sentral labele interfere,  tanba armador mak RAEOA. Ró ne’e duni fó pasu di’ak ida, ne’ebé halo kompaña ida, ba halo inkéritu ka avaliasaun ida, ba situasaun ró ahi ne’e nian, Relatoriu ne’ebé Prezidente RAEOA lori mak iha konsellu ministru, entrega pesoalmente ba Primeiru Ministru.

Relatoriu ne’e nia kontiudu ne’e la’os públiku, maibe em jerál hateten de’it katak dezain, no kualidade ró ahi nian ne’e di’ak teb-tebes, iha parte ida luxu nian ba VIP sira, iha mós parte ida ba públiku, no karreta,

Maibe koloka ró ahi ne’e iha kualidade espesífika ida, mak atu fa’an karik, merkadu ladun bo’ot, prokura ladun maka’as, hodi bele halo negosiasaun ba presu,

Atu fa’an karik, Timor-Leste ka se mak fa’an, ne’e dehan ipótiza, peritus nian bele hetan 13 milloens de euros ba ró ahi,

Maibe atu konklui ró ahi ne’e, sira dehan sei falta 30%, ne’e mak númeru ida entre 10 ate 13 milloens ne’e flutua hela de’it, realidade seidauk loloos.

Kazu kompaña Atlantic Eagle tama iha subvensia Atlantic Eagle ho RAEOA, governu Portugés salva fali operador sira, nia sei detein kapasidade ró ahi ne’e kalae? Resposta dehan sim, para konklui kualidade, ne’e duni ró ahi ne’e hanesan asuntu ida ne’ebé, primeiru kuandu governu TL tama prosesu ne’e, Ró ahi sira to’o mai iha Lifau, depois atraza tiha ró Haksolok la to’o, prosesu ne’e kontinua hela, Entretantu Na’in ba kompaña ne’e mate tiha, nia oan mak kontinua kaer hela ho administrador ida defisil teb-tebes atu kolabora ho nia,

Lee hotu :   Traballadór Timor-oan iha Austrália hatama retornu mai TL millaun USD 17

Administrador ne’e rasik, iha semana kotuk, governador no asembleia Portugés hasai tiha nia, tau fali administrador foun, tanba ne’e, prosesu ne’e, Tribunal sei deside iha semana ne’e,

Governu Portugés fó garantia ba kontratu, maibe kuandu kontratu ne’e kaduka, RAEOA mós la informadu husi governu Portugé, nen governu Timorense mós simu informasaun,”tenik Agio.

Governante solusiona ba problema ne’e, órgaun hotu presiza iha unidus, hodi foti desizaun ida de’it.

“Hau sei haruka hau nia embaixador ba embaixada Portugal nian, ba husu to’ok garantia ne’e sei válidu kalae, ka  laiha ona, lorespondensia ho governu portugal defisil loos, hau ho Dr. Marí des-araska asina karta ida ba minsteriu defeza, para atu tulun no resolve prosesu ne’e, maibe nia nunka hatan, Tanba dignidade estadu nian, PM fó ona orientasaun polítika, ita tenke hamutuk unidus para resolve situasaun ida ne’e, Situasaun ida ne’e tanba la’os foun, ne’e tina lima nia laran  ona, ita tenke aselera desizaun, tanba selae tinan lima tan ró ahi ne’e tuan ona, depois ita atu negosiu fa’an tan ba se, Ne’ebé desizaun defisil ida mak estadu tenke hola, Parlamentu, Governu no RAEOA hamutuk tenke halo desizaun, Se loos duni hela 30% atu konklui, se loos duni mak 30%ne’e, signifika 12 ka 14 milloens polítiku sira tenke deside, se vale a pena desizaun defisil ida atu hola, Maibe hola desizaun ne’e hanesan lian inglesh karik ulun malirin la’os hola ho polítizasaun prosesu.”dehan Ministru prezidensia konsellu ministru ne’e.

Entretantu Ró Haksolok ne’e lansa ona iha loron 26 fulan Maiu tinan 2017, ne’ebé ho nia kustu kauze millaun $13 resin.tos/say

Add to Comments Here!!!!

error: Content is protected.
Secured By miniOrange
You might also like:
DIA 01/07/19 || GMNTV LIVE STREAM || JORNAL AS 12

Mane foun oho banin-feto iha Quelicai

Inan  feto ida naran Aquelina Justina  Soares...

Veteranu Osório ‘Mausoko’ : Labele fahe unidade Xanana – Lú Olo – Alkatiri -Taur

Veteranus Rezistensia  Munisipiu Covalima husu ba ...

Close