PN haruka ona alterasaun lei RAEOA ba PR

Prezidente Parlamentu Nasionál (PPN), Arão Noe, Kuarta (10/07), haruka ona alterasaun lei nú 3/2014 no 18 Juñu kona ba estatutu no nomeasaun Prezidenti Rejiaun Administrativa Espesial Oe-cusse Ambeno (RAEOA) no Zona Espesial Ekonomia Sosial Merkadu (ZEESM), ba Prezidente Repúblika (PR), Francisco Guterres Lú Olo  atu promulga ou veta iha durasaun tempu loron 30 nia laran.

“Textu final komisaun A aprova tiha dezde horseik (horibainruak) ona, ohin sira submetre mai iha gabinete, agora ami prepara ona textu final para asina no haruka kedan ba Prezidente Repúblika”, informa Arão Noe ba jornalista sira iha PN.

Hatan kona ba promulga ou la’e, Arão Noe hateten, nia lakohi fó komentáriu, tanba kompetensia órgaun ida-ida atu hala’o nia kna’ar tuir konstituisaun RDTL haruka.

“Prosesu normal loron 30, maibé desizaun ba Prezidente atu veta ka promulga ne’e kompeténsia órgaun ida-idak nian. Konstituisaun fó dalan ba órgaun ida-idak atu ezerse nia kna’ar, tanba ne’e ha’u lakohi komenta órgaun seluk nia kompetensia, ha’u só demite de’it kompetensia Parlamentu nian”, afirma PPN ne’e.

Iha Segunda loron 8 fulan Jullu ne’e, Parlamentu Nasional halo ona alterasaun ba lei númeru 3/2014, 18 de Juñu ba artigu 19 no 21, kona ba kompeténsia Prezidente Repúblika nian, ba nomeiasaun no ezonerasaun  Prezidente Autroridade  RAEOA-ZEESM no nia mandatu ne’ebé iha lei anterior fó kompeténsia ba Prezidente Repúblika atu nomeia no fó posse ba Prezidente Autoridade RAEOA-ZEESM ne’ebé propoen husi Primeiru Ministru ho nia mandatu durante tinan lima, no bele estende ou bele termina.

Alterasaun ne’e passa ho votus afavor 34, kontra 0 no abstensaun 0. No manadatu ba Prezidente RAEOA atúal sei remata iha loron 30 fulan Jullu tinan ne’e.say

Leave a Reply

Your email address will not be published. Required fields are marked *