JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN husu Governu labele hasai guia de marcha arbiru ba FP ■ Loron feriadu, zero toleránsia ba FP uza patrimóniu Estadu

PN husu Governu labele hasai guia de marcha arbiru ba FP ■ Loron feriadu, zero toleránsia ba FP uza patrimóniu Estadu

Reprezentante povu  iha Parlamentu Nasionál (PN), husu ba Governu liu-liu kargu xefia no parte kompetente sira, atu labele arbiru autoriza ka oferese guia de marcha ba Funsionáriu Públiku (FP) sira hodi utiliza ba asuntu privadu, maibe utiliza deit ba asuntu Estadu.

“Laiha lei ne’ebé fó dalan ba ida ne’e, katak bele uza ba buat sira ne’ebé privadu nian. Uluk ha’u sei ministru ha’u nia funsionáriu sira husu dehan atu ba halo lia, maibé ha’u dehan lia ne’e la tama iha ita-nia funsaun lor-loron, ida ne’ebé mak ha’u bele autoriza 24 horas ne’e hanesan diretur no funsaun Estadu nian ne’e, bele oferese kareta Estadu nian, maibé kuandu lori mak ba para hela iha sede partidu nian ka ba para fali iha lia ida, ne’e lalos tiha ona. Se ba partidu nian ka ba asuntu privadu, labele lori sasán Estadu nian, la’o ho buat ne’ebé mak ninia privadu, se uza fali Estadu nian ne’e violasaun”, hateten deputadu PD, António da Conçeição ba jornalista iha PN, kuarta(03/07/2019).

António haktuir, nu’udar sidadaun ne’ebé di’ak, presiza iha konsiensia hodi utiliza buat ne’ebé ninian no la’os ninian, tanba povu barak sei moris iha terus nia laran, nune’e labele balun de’it mak senti previleizu husi Estadu no balun lahetan previleizu.

“Ita tenki hanoin mós poupansa, tanba ita-nia rai ne’e ema barak mak la hetan asesu ba servisu, no ema barak mak fulan-fula nia produtu iha foho sira ne’e la folin, maibé ita-nia prestasuan servisu ne’ebé mak laloos, uza tan osan ba mina gratuitu, fasilidades Estadu nian, maibé la halo buat ne’ebé mak di’ak, ne’e laloos”, relata António.

Lee hotu :   Ramos Horta considera impasse político um teste para dirigentes partidários

Iha sorin seluk, deputadu bankada CNRT, Patrocino Fernandes mós rekomenda ba parte kompetente sira, atu tau atensaun no kontrola ho másimu ba utilizasaun patromóniu Estadu ba interese privadu.

“Lei buat hotu iha, hein órgaun Estadu nian sira ne’ebé kompetente atu halo servisu ba ida ne’e, halo fiskalizasaun hodi kontrola ida ne’e, se mak halo violasaun lei mak regula”, dehan Patrocino Fernandes.

Tuir dekretu lei númeru 3/2003 ko’alia mós kona-ba atribuisaun veíkulu Estadu no iha kódigu penal artigu 296 kona-ba pekulatu uzu, kondena hahalok sira uza hana’i aan ba sasán Estadu nian.

Loron feriadu, zero toleránsia ba FP uza patrimóniu Estadu

Komisáriu Komisaun Funsaun Públika Asuntu Disiplinar, António Freitas  hatete, laiha toleransia ba Funsionáriu Públiku (FP) sira atu uza património Estadu iha loron feriadu.

António Freitas haktuir, kuandu  Diretur no FP balun kontinua  uza patrimóniu Estadu hodi halo atividade privadu iha tempu feriadu, autoridade seguransa sei prende hotu, tanba viola lei númeru 8/ 2004.

“Uza patrimóniu Estadu hodi halo atividade privadu iha tempu feriadu mak sei prende hotu, tanba viola lei númeru 8/ 2004.  Tanba ne’e Komisaun Funsaun Publika halo ona konsensus ida ho entidades relevante sira iha fulan Fevereiru no Marsu, atu halo passa ravista ba viatura Estadu ne’ebé utiliza iha loron feriadu”, hateten António Freitas iha nia kna’ar fatin Matadoru Díli,  Kuarta (03/07).

Komisáriu ne’e esklarese, tuir dekretu lei númeru 23/2015 no númeru 8/2009, CAC iha kompetensia atu tau matan, asegura no garante prosesu investigasaun kriminal ba krime ne’ebé ho natureza korupsaun no utilizasaun patrimóniu Estadu hodi halo prevensaun no hola medida represivu atu bele sujeita ba prosesu investigasaun, tanba ne’e finalidade husi operasaun konjunta ne’e rasik atu minimiza potensia ba krime no ba utilizasaun patrimóniu Estadu ne’ebé la’os uza ba propriu nesesidade servisu.

Lee hotu :   Substitui membru Governu rejeitadu, PM Taur: Ha’u labele desidi mesak

Entretantu tuir dadus husi CAC hahú iha fulan Maio to’o agora, operasaun konjunta konsege detein no halo ona fragante de leitu ba infrator hamutuk 16, identifikasaun pesoal ba ema 33, no hirak  ne’ebé submete ona ba MP hamutuk 49 no ba kareta hamutuk 20 no motor 29.say/aba

Add to Comments Here!!!!

error: Content is protected.
Secured By miniOrange
You might also like:
Kazu detidu kazál Timor-oan, TL sei la interven desizaun Tribunal Indonézia

Ministru Justisa, Manuel Cárceres da Costa,...

MP alega pena multa ba konsultór ADN

Tribunal Distrital Díli (TDD), liu husi...

Semana oin, KM aprova akordu FM ho Austrália

Ministro Estado Presidência  Conselho  Ministros, Agio...

Close