JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Ramos Horta: Prezidente autoridade RAEOA foun tenke matenek dada investidór

Ramos Horta: Prezidente autoridade RAEOA foun tenke matenek dada investidór

Líder Nasionál no antigu Prezidente Repúblika, José Ramos Horta, hateten,   Prezidente Autoridade Rejiaun Administrativa Espesial Oé-Cusse Ambeno (RAEOA) foun mai tenke ema matenek hodi mobiliza investidór sira.

Tanba Tuir eis Prezidente Repúblika, José Ramos Horta katak, atu harí infrastrutura ne’e fasil maibé atu dada investór hodi investe iha rai laran ne’e difisil tanba ne’e sujere ema ne’ebé atu subtitui Marí Alkatiri nu’udar Prezidente autoridade RAEOA no ZEESM tenke iha kapasidade.

Lauriadu Nobel da Paz hato’o lia hirak ne’e hafoin akompaña plenária aprezentasaun matéria lei sira atu ajusta ba ratifikasaun delimitasaun fronteira marítima iha uma fukun parlamentu nasionál, Tersa loron (16/07/2019).

Relasiona ho alterasaun lei númeru 3/2014 konaba kriasaun Rejiaun Administrativa Espesiál Oecusse Ambeno (RAEOA).

Ramos Horta mós konsidera ho alterasaun lei ne’e hatudu katak Parlamentu Nasionál la fó importánsia ba Autónomia Rejiaun Espesial.

“Ita gasta ona besik quinhetos millões de dolares amerikanu ba infrastruturas oioin iha Oe-Cusse maibe seidauk iha retornu, e ba oin tinan lima mai ne’e tenke iha matenek para mobiliza investór husi rai liur mai. Ita halo aeroportu Internasionál ida para halo saida, para aviaun oan ida husi Díli mai aviaun ZEESM nian, e ita kria kondisaun para investór mai, entaun sé mak atu ba Oe-Cusse ne’e tenke mos iha kapasidade para mobiliza investor nasioná no Internasionál,” hateten líder nasionál, José Ramos Horta.

Parlamentu halo alterasaun lei 3/2014 artigu 19 no 21 konaba kompeténsia Prezidente Repúblika hodi nomeia no fó posse ba Prezidente RAEOA. No komepeténsia ba nomeiasaun no ezonerasaun Prezidente RAEOA.

Ho alterasaun lei ne’e hasai tiha kompeténsia Prezidente Repúblika nian hodi fó fali kompeténsia ne’e ba iha Primeiru Ministru atu nomeia no fó posse ba prezidente RAEOA tuir desizaun Konsellu Ministru. Ito

Lee hotu :   Kalohan: PR haruka koligasaun foun priense rekezitus formal

Add to Comments Here!!!!

error: Content is protected.
Secured By miniOrange
You might also like:
Defende kazál Timor-oan, PJR koalia ona KAPOLRI no MJ Indonézia

Governu Timor Leste liu husi Prokurador...

Xanana Gusmão: Hadia lei sira hanesan liberta pátria totál FRETILIN mantein kontra

Reprezentante Espesial  Governu ba Asuntu Petróleu,...

DIA 17/07/19|| GMNTV LIVE STREAM || JORNAL NASIONAL KALAN

Close